每年喺淺草神社舉辦嘅「三社祭」，係擁有700年歷史嘅傳統慶典。祭典源於東京淺草內最大嘅寺廟「淺草寺」，舉辦期間嘅短短3日內，一共會有約有200萬名當地居民及遊客到場朝聖參與，可謂東京數一數二人氣祭典之一！
東京淺草三社祭由來
三社祭主要祭祀3個靈魂人物：檜前濱成、檜前竹城、土師真中知。相傳喺628年3月18日嘅清晨，2位名叫檜前浜成及檜前竹城兄弟漁民於隅田川捕魚時，於漁網入面發現一座佛像。而當地一位富有地主土師真中知得知有人發現佛像後，就主動向兩兄弟聯絡並傳授佛教理，自此兩兄弟就開始信仰佛教並皈依佛教。
3人一生致力於推廣佛教信仰，並將拾得嘅佛像供奉於一座小小寺廟裡面，亦即係現時嘅淺草寺。後來德川家光將軍（日本世襲統治者）命令後人於淺草寺旁邊興建淺草神社，以祭祀向淺草寺奉獻畢生嘅3位創始人靈魂。
三社祭於1649年江戶時期開始舉辦，舉辦地點位於淺草一帶。直至交代，祭典主要活動及到訪人數最多嘅地點，依然都係淺草神社同淺草寺附近。
淺草三社祭幾時舉行？
三社祭舉辦嘅日期通常係每年嘅5月第3個星期嘅星期五至星期日。祭典從星期五下午1點開始，由大巡遊拉開序幕，隨著就會移師淺草神社上演日本傳統文化藝術之一嘅「神舞（ビンザサラ舞）」，由獲指定為東京無形文化財嘅舞蹈，於現場祈求繁榮豐收。
到咗星期六，來自淺草44個區域、約超過100座神轎（移動式神社）就會集合於淺草寺及淺草神社，透過抬轎圍繞各區附近巡遊，希望為附近居民帶來好運及繁榮興盛。活動於12點半開始，當中會有3座屬於淺草神社嘅大型神轎，將會於星期日早上6點開始繞行淺草一帶，走遍各區域到訪鄰居之後再返回淺草神社。
三社祭期間必買仲見世商店街掃街小食
從雷門延伸至寶藏門之間嘅「仲見世商店街」小路，絕對係每個第一次到淺草觀光嘅旅客都會排入行程嘅必到景點！商店上有多家小食攤販，以及過百間可以滿足各種購物需求嘅商店，從紀念品到傳統商品同當地小食都應有盡有。由於三社祭係當地一個相當有紀念性嘅慶典聚會，參與人士遍及各行各業，因此您甚會有機會遇上日常極少接觸到嘅黑道人士。最特別嘅係，黑道大哥都會著上兜襠布（褌、ふんどし，即相撲內褲），毫不在意他人眼光，展現自己身上嘅紋身呢。
景點資訊
- 祭典名稱：三社祭
- 景點名稱：淺草神社（淺草寺旁）
- 祭典日期：5月第3個星期五至星期日
- 地址：〒111-0032東京台東區淺草2-3-1
- 交通方式：淺草線、銀座線或TSUKUBA EXPRESS淺草站徒步約11分鐘
Comments