厭倦咗香港忙碌又擠迫嘅都市生活？咁係時候去御岳山冒吓險啦。御岳山位於秩父多摩甲斐國立公園，標高929m，超過1,250平方公里嘅森林山脈，可以滿足你所有對自然景色嘅渴望。秋季嘅御岳山景色豐富，步行漫步於山岳之間，捕捉楓葉美景。日本各山岳之中，御岳山擁有自己獨特嘅魅力。奇形異狀嘅岩石及各種綠意，無論幾時去欣賞，所獲得嘅感受都截然不同。
御岳山嘅秋色
秋天一片楓紅嘅御岳山，係你見證佢色彩艷麗嘅時刻。觀賞楓葉嘅最佳時間係11月下旬。嚟到御岳山，你將會睇到極致純潔自然嘅楓葉。
御岳山登山路線
你可以選擇從纜車車站一路徒步上山，沿著前往山頂纜車車站嘅道路行走，大約只需要1個鐘左右。喺山頂纜車站附近有幾間商店及休息區，可供登山客小歇片刻。要前往御岳山山頂，請沿住左側道路前進，即為登山嘅主要道路。喺主要道路前面有個地圖，顯示通往神社嘅路線。沿住路行，你會行入一個村莊，沿住主要道路繼續往上行，兩旁有民家、商店同旅館，步行大約20分鐘左右將會抵達武藏御嶽神社。
從東京中心去御岳山嘅交通方法
從東京市中心搭車，唔洗兩個鐘嘅車程就可以抵達御岳山。從東京中心嘅新宿站或東京站乘搭JR橙色嘅中央線快速列車至青梅站（從新宿乘搭約75分鐘）。請事先確認好列車行駛嘅目的地，因為唔係所有JR中央線都會到青梅站。唔係嘅話，你必須喺立川站轉車（新宿站乘搭約40分鐘）。
於青梅站乘搭橙色嘅JR青梅線（通常乘搭月台會喺中央線嘅停靠月台正對面），到御嶽站約20分鐘。從新宿站到御嶽站，單程車費為920円，如果你購買咗Japan Rail Pass（日本鐵路通票），可乘搭路段亦包含呢段路線。
於御嶽站出口左邊約70米有巴士站，乘搭巴士前往纜車滝本站，御岳登山纜車嘅最底站。巴士車程約10分鐘，車費280円。每小時兩班班次。而御岳山纜車係關東地區最陡峭嘅纜車路線，抵達御岳山山頂只需6分鐘，來回票價1,110円，班次每個鐘約三班。
景點資訊
- 景點名稱：御岳山
- 地址：198-0175 東京青梅御岳山
- 交通資訊：抵達御嶽站後，乘搭巴士前往御岳山纜車車站。可乘搭纜車前往山頂附近。
Comments