位於東京嘅惠比壽花園廣場係一個購物商場及文化中心，亦係出名嘅約會景點，可以悠閒地輕鬆行街散步。惠比壽，同東京流行指標嘅澀谷只係一個車站嘅距離。去澀谷就順便去埋惠比壽啦！
惠比壽花園廣場嘅啤酒博物館
惠比壽出產惠比壽啤酒，而呢度以前亦係惠比壽啤酒嘅釀造廠。因此，惠比壽啤酒博物館坐立於惠比壽非常恰當。對於啤酒愛好者，唔單止令你更加了解啤酒，甚至可以喺博物館入面品嚐啤酒。如果你同你嘅伴侶都鐘意飲啤酒嘅話，呢個地方會係你哋必遊勝地！
博物館導覽團費用為500円，包含兩杯啤酒。亦可以選擇免費入場，但品嘗啤酒嘅費用為400円。喺呢度有四種啤酒可以品嘗。乾杯～！
上惠比壽花園廣場塔睇靚景
呢棟建築物39樓嘅惠比壽廣場塔天空走廊可以免費觀覽成個東京嘅景色。
高級餐廳內用餐
Le Château Restaurant Joël Robuchon
如果你想俾某個人留下深刻印象，或者係想為某個人做出終生承諾，尋找適合嘅地點，就快啲預約Le Château Restaurant Joël Robuchon餐廳啦。仿製路易十六法国城堡的建築物，而呢棟建築物內設三間米其林星級餐廳。
L'Atelier de Joël Robuchon（二星級），La Table de Joël Robuchon（二星級），及Le Château de Joël Robuchon（三星級）。每道餐點講求精緻，高級餐廳由5,200円起，不含服務費。如果想要休閒嘅環境，可以到二樓嘅Joël Robuchon。
惠比壽花園廣場塔
對於比較挑剔嘅人，可以選擇喺38樓或39樓用餐。有好多餐廳提供國際性嘅餐點，好似係Longrain泰式料理、Lucis Garden中華料理、義大利料理、大洋洲料理。塔內有各式各樣嘅餐廳，想食咩就有咩。
惠比壽花園廣場嘅點燈
每年，惠比壽花園廣場會喺節日嗰陣點燈。聖誕節點燈從11月3日開始到第二年嘅1月8日為止。有好多情侶同家庭會喺街上散步。仲有一件事情係你唔可以錯過嘅，就係惠比壽花園廣場嘅水晶燈。被稱為"Braccarat嘅法國水晶燈"美麗閃亮，係必看嘅重點。
呢度仲有提供可以溜冰嘅地方，不過係冬季限定。喺冬天造訪惠比壽必須參觀東京嘅點燈夜晚之旅。❄❄❄
景點資訊
- 景點名稱：惠比壽花園廣場
- 景點地址：〒150-6018 東京都澀谷區惠比壽4丁目20番
- 交通方式：乘搭電車前往惠比壽站，從車站東口走，經由SKY WALK橋約五分鐘即可抵達。
睇咗以上地方嘅介紹，係唔係想嚟旅行呢？一於就嚟東京體驗惠比壽嘅冬天，參加令人難忘嘅活動啦！❄❄❄
閱讀其他同東京相關嘅文章：
Comments