100円店「Daiso大創百貨」係東京、大阪等日本全國各地，約3150店鋪，而係海外26國家地區都有分店（兩者皆係2017年10月為止嘅資料），春天有櫻花商品，夏天有海灘用品等因應季節同活動，不斷推出新商品，深獲男女老少嘅支持。今次，係無數商品中，我哋將為您介紹係廚房裡面用嘅便利商品！
唔洗煩惱要放係邊，站立式挾夾
無論係食燒肉時，定義大利麵時都會用到嘅夾。輕輕就能挾起物品。而且，烹調料理途中，唔洗擔心要放係邊好。挾嘢食嘅前端因為需要清洗，應該好多人都會先放係細碗/碟嘅上頭。呢個時候，就推薦用「站立式挾夾」！唔需要係平底鍋或砂煲罌罉旁邊騰出多餘嘅空間，就可以擺放。而且又輕尺寸又岩岩好！
日本製Hello Kitty 飯殼
用煮飯煲或電子鍋煮好飯之後，將米飯裝到飯碗時所使用嘅飯殼。應該好多人都好困擾，飯殼好容易黐住飯粒，唔易完整地裝到飯碗裡頭。但係，有咗呢個飯殼就無問題啦！為咗令飯粒唔易黐住，表面呈凹凸顆粒狀，米飯就唔會黐住係飯殼度，飯粒完整輕易就裝到碗裡。而且上面係Hello Kitty，裝飯位都有Kitty嘅蝴蝶結點綴。呢個飯杓又輕便又慳位，簡單就放到入行李箱，而且仲是日本製！好岩買嚟做手信丫。
Hello Kitty 兒童用削皮器
應該有人會想俾小朋友幫手煮餸，但係，又盡可能想佢哋遠離危險嘅菜刀。而家，呢裡介紹嘅係，兒童用嘅削皮器，稍微大DD嘅尺寸令小朋友容易掌握，刀刃嘅旁邊仲有拔除薯仔芽嘅「取芽」小設計。而係削皮器上方仲有掛勾，令您可以掛係牆壁上。
以上介紹，大家覺得點呢？如果您有任何想要推薦嘅100円方便易用廚房用品，歡迎留言俾我哋丫！
Comments