東京増上寺有著迷人嘅歷史背景

對於熱愛歷史又沉迷寺廟神社嘅人嚟講，位於港區嘅増上寺係個好值得參訪嘅地方。仲有有好出名嘅東京鐵塔作為背景，為旅客帶嚟一個影到呃like靚相嘅好機會！一齊嚟睇吓増上寺有咩魅力。

增上寺位於東京港區

增上寺位於港區，係東京其中一個最大嘅佛教寺廟。位於芝公園嘅增上寺建造於1393年。主要大門喺1622年建造, 呢個亦係東京最古老嘅木質建築。

呢個寺廟擁有悠久嘅歷史，加上豪華建築同德川家康嘅關係而聞名。更重要嘅係，呢度有藝術愛好者嘅珍藏畫廊，展示出日本著名藝術家狩野一信嘅畫作。

每年增上寺都會舉辦新年活動，日本稱之為初詣（Hatsumode）。喺呢段時間係最多人嚟參拜，成千上萬嘅人去祈求平安健康。除咗拜拜以外都可以買返個護身符（御守），嗰個時候仲可以體驗到一個神聖嘅儀式，就係燃點舊紙，織物同佛教太平間牌位嘅鳴鐘儀式喇。

除咗可以體驗日本文化，同時仲可以食到好多小攤檔擺賣嘅各種美食，有時仲會喺現場免費派發日本熱甘酒添，真係夠唒warm喇！

寺廟入面嘅地藏菩薩雕像都好出名。呢度嘅花園擺滿代表住日本未來嘅小朋友嘅雕像。仲可以睇到呢啲雕像著住圍兜或者細路仔嘅衫添。仲有呀，向雕像供奉玩具或者糖果可以當做祈求地藏守護自己孩子嘅回禮。

位於東京市中心，好易去到。最近嘅地鐵站係芝公園站行約6分鐘路程，或者御成門站行約8分鐘都可以去到。

營業時間係每日由朝早9點到下午5點。全年無休並且免費入場。參觀完寺廟之後可以順路去東京鐵塔添（行路過去約4分鐘咋），可以好充分咁利用你留喺東京嘅旅遊時間。

記住要喺寺廟入面將東京鐵塔當做背景咁影返張相呀! 一定會係張好靚好有意境嘅相，作為你呢次東京旅行送俾自己嘅手信都唔錯吖!同埋呢張相可以展現出東京古代同現代嘅對比添。

如果你有興趣參觀神社，呢度都有間芝東照宮，行路就可以到達。雖然呢個神社有啲細，但令人難忘嘅係嗰度有江戶時代第一任大將軍-德川家康嘅木製雕像, 同埋喺1956年被指定為天然紀念物嘅巨大銀杏樹。

開放時間為朝早7點到夜晚7點，不需入場費。