去上野購物，可以用平價買到心頭好，又有好多唔同類型嘅店鋪聚集喺呢個地區，而且街道上嘅氣氛充滿活力，係非常有人氣嘅觀光景點。以下介紹有關上野購物嘅好去處。
阿美橫丁
東京都心大眾型商店街嘅阿美橫丁。有好多小規模嘅商店，賣鞋隔離有賣鮮魚嘅店鋪，賣西裝同賣運動服嘅店鋪相鄰，狹窄嘅建築物通道入面可以搵到高級鐘錶店，猶如尋找寶物一樣嘅購物令人愉悅。
開始於戰後嘅黑市
第二次世界大戰戰敗後，從滿州以及西伯利亞撤回嘅日本人，集中喺上野周圍開始販售一啲鮮魚、蔬菜、餅乾及簡單嘅餐點，而亦係阿美橫丁嘅開始。喺阿美橫丁成日可以聽見有精神嘅叫賣聲，都係喺呢個時段就開始。
阿美橫丁商店街嘅興起
轉折點係1950年代嘅朝鮮戰爭。一位商人喺阿美橫丁開店，同在日駐留美軍進行買賣交易。除咗朱古力・化妝品・打火機・皮革製品・牛仔褲等等，亦有好多種當時喺日本非常罕見嘅商品。呢度咩都有賣嘅風格仍然保留至今，創造一個五花八門嘅氛圍。
「阿美橫丁」呢個名字嘅由來之一，據聞係當時「美國」嘅巷弄之稱。而日本牛仔褲讀音係「G胖」，據聞創作呢個名字都係由阿美橫丁業者所取。
松坂屋上野店
擁有創業200年以上歷史為傲，享受高級品牌購物嘅老舖百貨。喺呢度舉辦活動嘅新聞特別受到關注。罐頭或湯品等等嘅禮物組合，特別用各個價位便宜售出，因此亦會有客人從阿美橫丁前往購物。
附近會舉辦上野動物園相關嘅活動，舊年仲舉辦咗熊貓雜貨展。
景點資訊
- 景點名稱：松坂屋上野店
- 景點地址：東京都台東區上野3-29-5
- 交通方式：東京Metro上野廣小路站直達
上野0101
主打年輕族群嘅流行品牌百貨0101。喺上野嘅分店有好多流行尖端服飾及居家佈置雜貨嘅店鋪進駐，滿足一家人嘅需求。
樓上嘅餐廳樓層，可以邊享用美食邊欣賞老街及上野公園等等嘅風景，好適合消磨時間悠閒咁度過。
景點資訊
- 景點名稱：上野0101（丸井）
- 景點地址：東京都台東區上野6-15-1
- 交通方式：JR宇都宮線・東北本線・上野東京線・山手線・京濱東北線上野站徒步2分鐘。東京Metro銀座線・日比谷線上野站徒步2分鐘。
多慶屋
紫色大樓有名嘅大型折扣商店。本館1樓堆積咗好多餅乾同食品，而且非常便宜，店內總係有非常多客人。店內有好多海外引進嘅食材，所以亦有好多住喺日本嘅外國人前來購買。
樓上亦有賣衫、鞋、電器產品、手錶等等嘅商品，相當齊全，作為紀念品亦相當適合。甚至提供專家嘅建議以及免稅服務，請記得好好利用啦！
景點資訊
- 景點名稱：多慶屋
- 景點地址：東京都台東區台東4-33-2
- 交通方式：JR山手線御徒町站徒步2分鐘
去上野各購物景點嘅交通方法
從東京站搭山手線搭四個站就可以抵達上野。御徒町站則係乘搭山手線從東京車站搭三個站即可抵達。想離開銀座嘅話，乘搭銀座線約12分鐘就可以抵達上野。
阿美橫丁位於山手線嘅上野站及御徒町站嘅中間。如果想買衫為主，鐵道嘅高架下有好多間店鋪，建議可以去行一下。想去松坂屋上野店同多慶屋本店嘅話，御徒町站係最靠近嘅車站。而上野0101則可以從上野站出閘抵達。
Comments