一直以嚟，櫻花一直係春天、浪漫同青春嘅代表。日本人普遍都會一大班人坐低，一齊飲酒賞櫻！難得一場去到東京，如果想試吓體驗日式賞花活動，應該去邊到好呢？
新宿御苑
新宿御苑係東京人氣最高嘅公園之一。 原本屬於江戶時期封建領主嘅花園，自1903年起被指定為皇家庭園，供皇室成員招待客人並提供娛樂，其後於1949年向大眾開放。新宿御苑距離新宿站僅幾步之遙，公園門票為成人500日圓、高中生及65歲或以上人士250日圓、小學生同初中生免費入場。
櫻花嘅種類好多，其中有一啲開花期比較遲，因此即使喺賞櫻季節後期來訪，仍然可以睇到部份櫻花。
景點資訊
- 景點名稱：新宿御苑
- 景點地址：〒160-0014東京都新宿區内藤町11
- 交通方式：從新宿站徒步約10分鐘
- 開園時間：09:00〜16:00
代代木公園
作為東京最大嘅城市公園之一，代代木公園以各式各樣嘅戶外活動而聞名。代代木公園入園完全免費，遊客可以租單車，邊踩單車邊欣賞代代木公園入面嘅自然景色。唔只遊客，每日都會大批當地人聚集喺園內，與朋友見面或者係做下運動。
如果係秋天嘅時候來訪，您仲可以睇到非常美麗迷人嘅銀杏樹，因此去到東京的話，此地絕對係值得一遊！公園就位於明治神宮隔離，您亦可以喺返酒店嘅途中順便影靚相。
景點資訊
- 景點名稱：代代木公園
- 景點地址：〒151-0052東京都涉谷區代代木神園町2-1
- 交通方式：JR山手線原宿站A5出口徒步5分鐘
井之頭恩賜公園
井之頭恩賜公園坐擁一座神社、一座池塘，最重要嘅係入園免費！中午時分，您可以坐船欣賞池畔櫻花；夜間則會點燈，遊客可以趁夜晚欣賞被稱為「夜櫻」嘅櫻花美態。公園氣氛絕佳，亦為唔少情侶提供一處向愛人表白嘅黃金地段呢～
景點資訊
- 景點名稱：井之頭恩賜公園
- 景點地址：〒180-0005東京都武藏野市御殿山1-18-31
- 交通方式：「井之頭公園」站下車徒步5分鐘
隅田公園
淺草唔單止以體驗日本傳統文化而聞名，賞櫻都一樣咁出名！春天嘅時候，吾妻橋到櫻橋之間嘅隅田公園範圍，會有約600棵櫻花樹盛開。無論從邊個角度望過去，都係一片粉紅色海！您可以帶備便當同野餐墊，喺呢個咁靚嘅地方享用一頓即興野外午餐～
另外，呢度同樣可以欣賞到夜間櫻花㗎！
景點資訊
- 景點名稱：隅田公園
- 景點地址：東京都台東區今戶1-1、淺草7-1、花川戶1-1、花川戶2-1
- 交通方式：淺草站徒步約11分鐘
春天到東京賞櫻
除咗上文介紹嘅景點，東京內仲有好多可以賞櫻嘅公園，例如六義園同上野公園。睇住花瓣飄落、粉紅色花朵稍縱即逝之美，彷彿內心就會瞬間充滿平靜及喜悅。為避免錯過櫻花季，請記得早啲預約平均櫻花期間嘅機票同酒店，出發去東京賞櫻喇！
Comments