日本，近年來受到懷舊熱潮影響，充滿當地風情嘅「橫丁」再次受到關注。橫丁擁有一排排嘅居酒屋和飲食店，除咗係一個集結著眾多美食嘅美食景點，仲係一個可以喺度感受得到日本文化嘅地方。從上野嘅經典旅遊勝地「阿美橫丁」，到2022年新開幕嘅人氣熱話「Neo橫丁」嘅「淺草橫町」都相當吸引！今次會為大家介紹東京精選橫丁5選，各位親愛嘅「為食」讀者們，千祈唔好錯過啦！
※本報導中登場嘅價格皆為含稅價格，為2023年1月撰寫文章時嘅資訊。內容或會出現變更，詳情請於各店鋪確認。
竟然係源自戰後嘅黑市！？日本「橫丁」嘅歷史係？
帶有「横丁」2字嘅景點遍佈日本全國，你又了解「横丁」當中嘅含意嗎？
「横丁」係橫跨市區街道主要道路嘅大街，並可從其旁邊進入嘅細巷小路，裡面會有密密麻麻成行成列嘅飲食店和酒館，多數會成為大家晚上流連嘅地方。
雖然，橫丁現時稱得上係經典嘅旅遊景點，但其實有唔少橫丁係起源於第二次世界大戰後，於東京及日本全國各地所形成嘅黑市橫丁。喺物資不足和通貨持續膨脹嘅戰後時期，人民喺黑市上購買食品和生活用品，橫丁街道上非常熱鬧。
但係，幾乎所有黑市喺誕生後數年都因管制而相繼關閉。當中，有唔少撤走或被解體嘅黑市演變成現今嘅橫丁。當中，最具代表性嘅係現時東京最經典嘅旅遊名勝，上野「阿美橫丁」（通稱「阿美橫」）和新宿「思出橫丁」，至今仍保留著昔日面貌，作為飲食店和居酒屋林立嘅小巷橫丁，至今仍然受歡迎。
上野「阿美橫丁」：東京首屈一指嘅旅遊名勝！為大家推薦精選店舖3選
© Tokyo Convention＆Visitors Bureau
講起全國知名度最高嘅橫丁，就係上野「阿美橫丁」啦。「阿美橫丁」係一條全長約500米、從東京都台東區JR上野站到JR御徒町車站沿著鐵路線一直延伸嘅商業街，亦以「阿美橫」一名而為人熟知。現時，全年到訪阿美橫丁嘅遊客可謂絡繹不絕，亦係起源於黑市嘅橫丁之一。據聞戰後缺乏物資嘅時代，因為「有好多糖果屋」（糖果屋嘅日文係飴屋/Ameya），「有好多來自美國嘅入口貨品」（美國嘅日文係アメリカ/Amerika），因此被稱為「阿美橫/Ameyoko」。
© Tokyo Convention＆Visitors Bureau
除咗有可以「掃街」邊行邊食嘅美食吸引遊客之外，仲有食材、調味料、服飾、化妝品等各種商品皆令遊客愛不釋手，而且店員嘅驚人熱情氛圍更充斥著成條商業街。因為擁有排列得密密麻麻嘅400幾間店鋪，所以不知不覺間就會忍唔住停一停，睇一睇。如果唔知要去邊間店至好，不妨先去編輯部推薦嘅BEST3精選店喔。由於有唔少對訪日遊客親切友好嘅店員在駐，仲可以試吓互相交流，必定另有一番樂趣。
上野「阿美橫丁」人氣店①：去「二木菓子」入手平價零食啦！
喺東京上野「阿美橫丁」有兩間店鋪嘅「二木菓子」，係擁有70幾年歷史嘅老字號零食批發商，包括日本各地零食點心在內，商品竟然高達約5000種！因為有多款適合分享畀朋友和同事嘅煎餅和朱古力等商品，所以係一個非常適合選購手信嘅好地方。當中，必買嘅係大容量包裝商品，記得要用埋免稅優惠，等你可以買得更抵更著數喔。
二木菓子
- 地址：
【二木菓子 第一營業所】東京都台東區上野1-4-8
【二木菓子BIC館】東京都台東區上野4-6-1 - 營業時間：
【二木菓子 第一營業所】10:00 – 17:00
【二木菓子BIC館】10:00 – 19:00
上野「阿美橫丁」人氣店②「志村商店」：性價比最强！只需1,000日圓就可以買到裝到滿一滿嘅朱克力！？
以廉價出售朱古力而成為阿美橫名物嘅「志村商店」亦係一個可以爆買零食嘅好地方。價值2,000日圓以上嘅朱古力、零食等商品，竟然用1,000日圓，就可以買到塞到滿一滿，性價比超高嘅零食組合，非常受歡迎！記得瞄準黃色招牌，將性價比最強嘅「朱古力福袋」帶返香港啦。
志村商店
- 地址：東京都台東區上野6-11-3
- 營業時間：10:00 – 18:00
上野「阿美橫丁」人氣店③「肉之大山 上野店」：鬆脆多汁嘅和牛炸肉餅為其名物
一場嚟到1932年創業嘅食肉批發老字號直營店「肉之大山」，記得試一試使用份量十足嘅和牛製作嘅必食名物「匠之和牛炸肉餅/匠の和牛メンチ」（上/420日圓）。外層香脆，咬落去嘅瞬間，肉汁仲流晒出嚟，超級好食…！除此之外，仲有「沉醉炸肉餅/やみつきメンチ」（下/150日圓）和「特製炸肉餅/特製メンチ」（220日圓）等，就算單手拎著啤酒，都可以邊飲邊嘆嘅油炸食品選項亦相當豐富。
肉之大山 上野店
- 地址：東京都台東區上野6-13-2
- 營業時間：
【午餐】11:00 - 15:00（星期六日及假日11:00 - 14:00）
【晚餐】15:00 - 22:00（星期六日及假日14:00 - 22:00）
阿美橫丁
- 地址：東京都台東區上野4丁目、6丁目
- 交通：從各線「上野站」、「御徒町站」、「上野廣小路站」或「仲御徒町站」徒步即可抵達
新宿「思出橫丁」：集結著充滿個性居酒屋之酒館街
©Shinjuku Convention & Visitors Bureau
位於新宿站西口嘅酒館街「思出橫丁」，其狹窄嘅小巷裡，有居酒屋、內臟燒烤店、日式烤雞串店等約60間飲食店聚集。當中，大部分營業時間直至深夜11點到12點，所以對於住喺附近酒店嘅遊客嚟講，相當方便。更有人氣店舖至今仍沿用開業當時嘅食譜，可以喺品嚐古早味美食嘅同時，感受埋昔日嘅懷舊氛圍喔。
思出橫丁
- 地址：東京都新宿區西新宿1-2-1
- 交通：從JR等各線「新宿站」或都營大江戶線「新宿西口站」徒步約1分鐘
吉祥寺「口琴橫丁」：位於車站附近嘅酒館街，擁有100多間店鋪
© Tokyo Convention＆Visitors Bureau
吉祥寺車站北口前嘅「口琴橫丁」（日文全名為ハーモニカ横丁，通稱為ハモニカ横丁），亦不容錯過。呢度其實與上野嘅「阿美橫丁」一樣，屬於來自於戰後黑市嘅橫丁之一。雖然眾說紛紜，但據聞係因為一排又一排嘅小商店模樣與口琴嘅吹口相似而得名。細巷小路中約有100間店鋪成行成列，當中包括居酒屋、魚店、花店、日式點心店等，種類繁多。近年，更有時尚酒吧和咖啡店登場，成為新舊店鋪共存嘅景點。
口琴橫丁
- 地址：東京都武藏野市吉祥寺本町1丁目・2丁目
- 交通：從各線「吉祥寺站」徒步約1分鐘
打卡好去處！日本最新潮嘅「Neo橫丁」係？
踏入令和時代（2019至現時），「Neo橫丁」顛覆與以往傳統嘅懷舊橫丁模樣，並於東京等地方陸續開幕。喺橫丁獨有嘅懷舊氣氛中，加入勁啱打卡、用嚟影吸睛靚相嘅內部裝修和時尚要素，係專門針對個別主題而設嘅最新潮橫丁。除咗有喺商業設施樓層開店嘅店鋪，亦有從古民家改裝而成嘅話題景點等，小編從中挑選出2個現時喺日本備受矚目嘅「Neo橫丁」作介紹。
Neo橫丁①淺草「淺草橫町」：穿著和服欣賞下町祭典吧
淺草充滿下町風情，「淺草橫町」更加係有如飲食和祭典主題公園一樣嘅存在。除咗有居酒屋和壽司店，通常會喺週末舉辦嘅阿波舞（德島縣）、哎薩祭（沖繩縣、鹿兒島縣）、夜來祭（高知縣）等日本全國祭典活動亦非常值得欣賞。設施內亦有和服出租店，喺度租借和服然後影相留倩影可以話最係經典嘅享受方式。呢度係一個可以一次過體驗得到美食×祭典×和服，3種日本文化嘅景點。
淺草橫町
- 地址：東京都台東區淺草2丁目6-7東京樂天地淺草大樓4F
- 營業時間：
【和服出租Wargo】10:00 - 19:00（最終交還時間18:30）
【飲食店】12:00 - 23:00 - 交通：從各線「淺草站」徒步約8分鐘
Neo橫丁②新宿「Hobo新宿暖簾街」：喺古民家＆倉庫中邊行邊飲酒嘅新體驗
由古民家改裝而成嘅「本館」和日本第一個倉庫型橫丁「倉庫別館」所構成嘅全19間店鋪「Hobo新宿暖簾街/ぼほ新宿のれん街」（今後預定會新增）。距離新宿非常近，可以置身於仿似穿越時空，回到過去日本一樣嘅氛圍，大嘆特嘆美食亦係其魅力所在。除咗可以品嚐得到壽司、鰻魚串、烤內臟、烤海鮮等日本料理之外，亦可以品嚐得到葡萄酒、香檳、日本酒和雞尾酒等美酒。如果想享受「梯子酒/はしご酒」（飲完一間再去另一間，一輪接著一輪地飲酒）嘅樂趣，就一家要嚟呢度啦！
Hobo新宿暖簾街
- 地址：東京都澀谷區千駄谷5-20-10
- 營業時間：因店鋪而異
- 交通：從各線「新宿站」徒步約5分鐘，或者從各線「代代木站」徒步約1分鐘
雖然同樣係「橫丁」2字，但享受方式卻多彩多姿。例如，可以喺上午前往「阿美横丁」購物，中午散步嘅時候順便去淺草，喺「淺草橫町」欣賞祭典。夜晚返到去新宿，再走去「Hobo新宿暖簾街」暢飲，亦推薦以「橫丁梯子/横丁のはしご」（去完一個再去另一個，連續走訪不同橫丁暢飲）為主題，去安排旅遊行程喔。
順帶一提，東京嘅「Neo橫丁」除咗上述嘅之外，其他仲有從JR龜戶站徒步1分鐘即可抵達、於2022年開幕嘅「龜黑橫丁」，以及位於新宿站前嘅「龍乃都飲食街 新宿東口橫丁」。而且「Neo橫丁」嘅開幕高峰期應該會持續落去添。下個日本旅行，唔知大家最想去邊個橫丁呢？
Comments