東京國立博物館同東京國立近代美術館有啲咩睇？其實係可以盡情欣賞日本傳統藝術嘅重要景點嚟㗎。國立博物館內收藏咗自古以來嘅繪畫、刀刃等武器，嚟到呢度仲可以去博物館嘅庭園同附近嘅上野公園行下。而國立近代美術館則係以近代至現代嘅藝術為中心，可以欣賞日本知名畫家橫山大觀嘅作品、前衛藝術等作品。
東京國立博物館
東京國立博物館、日本第一間博物館
1872年為咗舉辦日本第一次嘅博覽會而開館營業嘅東京國立博物館，係日本博物館中歷史最古老嘅博物館。館藏嘅文化財，從古代到現在嘅國寶皆屬價值非凡，約有11萬件。日本同東洋嘅繪畫、雕刻、刀劍及盔甲等廣泛陳列展示，而且館方亦多次舉辦介紹國外藝術作品嘅展覽。
除咗本館以外，仲有好多好去處
東京國立博物館嘅建築分為四棟。除咗本館以外，有展示石器時代文物嘅平成館、聚集中國及印度藝術作品嘅東洋館、珍藏日本貴重古代藝術嘅法隆寺寶物館。而博物館腹地內嘅庭園亦非常美麗，喺嗰度營業嘅café所提供嘅料理非常好吃，深受好評，不妨花啲時間仔細行下啦。
開館時間以及交通資訊
東京國立博物館所在嘅上野公園亦都係知名嘅賞櫻景點。附近仲有動物園同科學博物館等各式各樣嘅文化設施。
- 開館時間為9：30～17：00。最後入館時間為閉館前30分鐘。星期五，星期六嘅閉館時間延長至21：00，隨日期有所變動，請務必上官網確認詳細資訊。
- 休館日係星期一同埋新年假期。
景點資訊
- 景點名稱：東京國立博物館
- 地址：東京都台東區上野公園13－9
- 交通資訊：從JR上野站或JR鶯谷站徒步約10分鐘
東京國立近代美術館
於東京國立近代美術館享受近代、現代藝術嘅樂趣
東京國立美術館大部分嘅館藏係日本近代及現代藝術品。以日本知名畫家橫山大觀為首，收藏作品約有1萬3,000件。除咗常設展覽以外，多次企劃舉辦國內及海外藝術家嘅展覽，展示繪畫、雕像等作品之外，仲有前衛作品、影像作品等等。
工藝館內欣賞有趣嘅玻璃同工業設計
步行約5分鐘就可以抵達嘅工藝館，展示咗陶器、雕像、玻璃、金工、染織物等作品。其中有好多工業設計卓越嘅作品，好似係阿爾豐斯‧慕夏等藝術家嘅視覺設計、仲有建築本身嘅西洋磚瓦設計都係必看之處。
開館時間以及交通資訊
離美術館最近嘅車站竹橋站就喺皇居隔離，呢度有整齊排列嘅樹木以及護城河，年中有好多人嚟呢度恣意慢跑，亦都係東京都心之中一個相當悠閒自在嘅空間。
- 營業時間為10：00～17：00。星期五、星期六延長至20：00。最後入館時間為閉館前30分鐘。
- 休館日為星期一以及新年假期。
景點資訊
- 景點名稱：東京國立近代美術館
- 地址：東京都千代田區北之丸公園3－1
- 交通資訊：東京Metro 竹橋站徒步約3分鐘
Comments