澀谷有好多購物景點，一日都未必行得哂。旅行爭分奪秒，不如睇吓邊啲購物商場適合自己最決定行程啦。以下為大家以年輕層同商品類型分析並介紹有關澀谷嘅購物資訊，睇吓邊個最有興趣？
澀谷車站前購物區
澀谷係一個好出名shopping嘅好去處，仲要一出車站就有購物商場，非常方便好行。
澀谷109
嚟到澀谷行街買嘢，絕對唔可以錯過 澀谷109，主要係年輕人潮流風格。聚集好多人氣品牌店，淨係行吓都覺得好開心。附近仲有可以享受音樂、娛樂嘅MAGNET by SHIBUYA109。
景點資訊
- 景點：澀谷109
- 地址：東京都澀谷區道玄坂2－29－1
- 交通資訊：從JR澀谷站徒步約3分鐘
澀谷Hikarie
2012年開幕嘅澀谷Hikarie。主要目標客群係擁有時尚品味嘅成熟大人，除咗流行時尚同生活雜貨嘅店舖以外，裡面仲有音樂劇劇場，係一個大型嘅複合式設施。為女性消費者設計嘅多功能休息室「Switch Room」都好受矚目。
景點資訊
- 景點：澀谷Hikarie
- 地址：東京都澀谷區澀谷2－21－1
- 交通資訊：從JR澀谷站徒步約2分鐘
澀谷Mark City
澀谷Mark City有好多適合上班族女性嘅品牌店舖，同埋有好多精緻嘅咖啡店同餐廳。通道裝飾著知名嘅大型壁畫，除咗行街Shopping以外，喺呢度仲意外地有好多樂趣㗎。
景點資訊
- 景點：澀谷Mark City
- 地址：東京都澀谷區道玄坂1－12－1
- 交通資訊：從JR澀谷站徒步約3分鐘
澀谷路面購物街
呢度係有好多店舖形成嘅路面購物街。
火焰通同澀谷公園通附近一帶，集結咗好多規模較細嘅鋪頭同商業設施。店家多數係知名品牌同Select Shop，櫥窗擺設配搭嘅色彩睇落都好有風格又時尚。
從JR澀谷站八公口出嚟之後往北行，行約6分鐘，就可以到達火焰通。呢度有好多店都係面向山坡。沿著火焰通再向前行，就會走到NHK電視台同滿滿綠意嘅代代木公園。
澀谷平價購物區
喺呢度你可以掃到好平價嘅貨。
人潮絡繹唔絕嘅澀谷中央街度，有好多後生仔嘅潮流品牌鋪頭。呢度附近有男女服飾同鞋店、又有潮流品牌嘅大型店鋪，黑膠唱片行、仲有家電用品店等，商品種類繁多，不過重點都係價錢平!
喺澀谷站外，好出名嘅大型十字路口通去澀谷中央街一帶，有好多速食店同平價餐廳，好方便可以俾你有個地方坐低休息吓或者食啲嘢醫肚。
澀谷主要嘅大型百貨公司
以下都係澀谷最主要嘅百貨公司。
東急東橫百貨公司
喺澀谷咁多百貨公司之中，東急東橫百貨公司同澀谷站相通, 係最容易去到嘅。賣嘅商品種類都好多，其中最受關注嘅係美食。東橫門簾街（東横のれん街）集結咗日本全國各地嘅美食，都好出名吓㗎。
景點資訊
- 景點：東急東橫百貨公司
- 地址：東京都澀谷區澀谷2－24－1
- 交通資訊：JR澀谷站直通
西武澀谷百貨
西武澀谷百貨係澀谷百貨公司當中，專門賣高級服飾、飾品同化妝品嘅百貨公司。百貨公司入面嘅設計，係由知名藝術家一齊設計，創造出時尚品味嘅空間。另外呢度嘅餐廳樓層都好受歡迎㗎。
景點資訊
- 景點：西武澀谷百貨公司
- 地址：東京都澀谷區宇田川町21－1
- 交通資訊：從JR澀谷站徒步約3分鐘
澀谷0101百貨
無論男女，年輕潮流風格取向嘅澀谷0101百貨。嚟呢度可以買到相關嘅流行服飾、飾品同其他商品。喺對面嘅澀谷MODI裡面仲有獲好評嘅咖啡店同書店添。
景點資訊
- 景點：澀谷0101百貨
- 地址：東京都澀谷區神南1－22－6
- 交通資訊：從JR澀谷站徒步約3分鐘
Comments