品川車站係東京主要嘅交通樞紐車站，住喺品川的話東京旅行會更方便，去東京其他地區又快，去兩個主要機場都方便。咁喺品川車站除咗搭車同行街，附近又有咩好做呢？一齊嚟睇睇。
Maxell Aqua Park 品川水族館
「品川Maxell Aqua Park 水族館」，或者係大家比較熟悉嘅「品川Aqua Park 水族館」位於品川王子大酒店隔離。呢間水族館無論喺觀光客或者係當地人心中，都係一個非常熱門嘅景點，因為館內每日都會舉行海豚表演，每隻海豚都身懷驚人絕技。
嚟到品川Maxell Aqua Park 水族館，您仲可以穿越「Wonder Tube」嘅水底隧道！喺呢條隧道入面行，巨大嘅魔鬼魚以及魚群會從你嘅頭頂上游過，係唔係覺得氣氛好浪漫呢。一於喺呢度同親朋好友影番一張獨一無二嘅靚相！
成人票價2,200円起，中小學生票價為1,200円，而兒童票價則係700円起。出場嗰陣扱個印仔，就可以免費再次入場，喺水族館出面享用完午餐之後，喺當日任何時段再次入場都得。
景點資訊
- 景點名稱：品川Maxell Aqua Park 水族館
- 地址：〒108-8611東京都港區高輪4-10-30
- 交通資訊：JR品川站步行約3分鐘
品川診所接受專業療程
可能你會訝異，好多觀光客嚟東京嗰陣，其實會專程造訪多間品川區域嘅診所。呢度有好多各式各樣嘅診所，針對各種肌膚狀況及健康狀況提供各種療程，而且診所都有工作人員可以用英文、中文、或韓文等等各國語言溝通。
吸引咗好多觀光客同遊客嚟東京嘅一個特殊理由係品川嘅眼科雷射手術診所。而當中最特別嘅一間係品川近視診所（Shinagawa Lasik Center），位於有樂町，從品川站前往有樂町站，乘搭JR山手線只係得五個站。
品川近視診所（Shinagawa Lasik Center）會根據你嘅狀況提供各項療程，佢哋仲獲得世界最優良雷射手術嘅Schwind Amaris 獎。如果想去呢間眼科診所嘅話，請記得攜帶翻譯或日語專業人士以助你完成所有療程。
景點資訊
- 景點名稱：品川近視診所（Shinagawa Lasik Center）
- 地址：〒100-0006東京都千代田區有樂町2-7-1
- 交通資訊：JR有樂町站步行約2分鐘
品川站附近推薦入住嘅酒店
品川站係東京主要嘅交通樞紐之一，要去日本嘅其他地方都好方便，而入住品川附近嘅酒店，會係最佳首選！呢個地區嘅酒店好多都離品川站好近，唔洗行10分鐘就到，而且周圍玩樂嘅地方好多，任你暢遊！
品川王子大酒店
從品川站行到去品川王子大酒店，只需要幾分鐘嘅路程。呢間酒店提供多種房型，可以滿足唔同種類嘅旅客需求，無論係形影單隻嘅旅客、家族旅遊，同埋商務旅客。而品川王子大酒店最出名嘅就係佢哋提供嘅高規格優質服務，識得以多國語言溝通嘅員工，以及盡心盡力嘅熱情款待。
品川王子大酒店由主塔樓、附屬塔樓、東塔，仲有N塔所組成。酒店內設有好多間餐廳，提供唔同嘅美食佳餚以及便利店，俾你喺旅途最後嘅一分一秒都可以買到想食嘅零食同飲品。
如果你打算前往品川Maxell Aqua Park 水族館，入住品川王子大酒店就幸運啦！水族館同品川王子大酒店相連，入住嘅客人可享有水族館嘅特別優惠折扣！家族旅遊嗰陣入住品川王子大酒店，絕對係完美之選。
景點資訊
- 景點名稱：品川王子大酒店
- 地址：〒108-8611東京都港區高輪4-10-30
- 交通資訊：品川站步行約3分鐘
關於品川車站
品川站本身擁有非常悠久嘅歷史，於1872年開始營運，被視為係連結東京及日本東北地區最重要嘅鐵路之一，亦都係江戶時期最初通往京都嘅交通樞紐站之一。
而作為一個重要嘅交通轉運站，品川站周圍有好多酒店、度假酒店、購物中心及商業地區。品川站直達羽田機場同成田機場，對於初次嚟日本遊玩嘅觀光客嚟講，係一個方便嘅住宿地點。
品川站喺山手線上，靠近東京車站，唔洗半個鐘嘅車程就可以輕鬆抵達澀谷、新宿或淺草等熱門景點。品川站由JR東日本、JR東海及京急線共同提供載客服務，讓您輕鬆方便暢遊日本。
景點資訊
- 景點名稱：品川車站
- 地址：〒108-0074東京都港區高輪3-26
- 交通資訊：經過品川站嘅線路有東海道新幹線、山手線、京濱東北線、東海道線、橫須賀線以及京急本線。
Comments