巢鴨未必係東京旅遊景點嘅首選，但呢個位於山手線上嘅購物區域，非常舒適，有好多值得一睇，值得一行嘅好去處！從幸運嘅大紅內衣褲，到美麗嘅溫泉旅館，巢鴨仲有更多好玩嘅地方等緊你去發掘！
巢鴨地藏通商店街
巢鴨地藏通商店街號稱係阿媽阿婆嗰一代嘅原宿，全長800米，一共有200幾間商店，販賣嘅商品有服裝、傳統食品以及其他深受年長者喜愛嘅商品。
而喺巢鴨地藏通商店街販售嘅其中一件商品，就係大紅內衣！出售嘅款式同尺寸多樣豐富。聽講著上紅色內衣嘅人都會好運滾滾來。
如果鮮豔亮紅嘅內衣唔係你杯茶，咁出名嘅巢鴨街頭小食就千祈唔可以錯過。每月嘅4號、14號及24號，巢鴨都會變得非常熱鬧。每逢呢幾個日子，當地寺廟會舉辦小型慶典，令成個區域變得充滿活力同朝氣。
景點資訊
- 景點名稱：巢鴨地藏通商店街
- 地址：〒170-0002 東京都豐島區巢鴨3-18-17
- 交通資訊：JR巢鴨站步行約3分鐘
巢鴨溫泉
當你行完巢鴨，買完嘢，點解唔喺巢鴨稍作休息呢？東京染井溫泉櫻花館係東京地區其中一個極受歡迎嘅溫泉。每日營業，營業時間從朝早10點至晚上11點，成人票價只需要1,296円，3歲至12歲嘅兒童票價為756円。
嚟到東京染井溫泉櫻花館，你可以喺SPA享受成日。嗰度提供咗6間浴室俾女性使用，男性使用嘅浴室共5間，仲有桑拿及沙龍。喺呢度可以以便宜嘅價格租借毛巾同館內用服裝，穿著租借嘅服裝於館內四處走動。喺享受溫泉嗰陣，可以將貴重物品放入儲物櫃。
景點資訊
- 景點名稱：東京染井溫泉櫻花館
- 地址：〒170-0003 東京都豐島區駒込5-4-24
- 交通資訊：從JR山手線巢鴨站/都營三田線巢鴨站A1出口步行約8分鐘、A4出口步行約6分鐘；JR山手線駒込站/東京Metros南北線駒込站 3號出口步行約10分鐘
關於巢鴨車站
信不信由你，巢鴨站喺1903年4月開始營運，已擁有超過100年歷史！由JR山手線以及都營三田線提供載客服務，山手線沿線幾乎都係東京主要嘅熱門觀光景點。
與東京其他熱門觀光景點相比，巢鴨站周圍嘅區域顯得冷清咗啲，但卻呈現另一種日本風貌—日本日常生活嘅悠閒景色。而呢度有好多居酒屋同商鋪，主要販賣傳統糖果以及傳統商品，絕對值得深入探索！
景點資訊
- 景點名稱：巢鴨車站
- 地址：〒170-0002 東京都豐島區巢鴨1-16-8
- 交通資訊：JR山手線以及都營三田線
巢鴨站鄰近嘅酒店
住喺巢鴨嘅優點係，比起住喺澀谷、新宿等熱門地點，價錢較為便宜。有幾間靠近巢鴨站嘅酒店，提供優質服務以及舒適嘅客房，無論你係隻身前來或者係同屋企人同行都非常適合。
Smile Hotel Sugamo (巢鴨微笑酒店)
從巢鴨站行到去Smile Hotel Sugamo只需要2分鐘，係一間舒適嘅住宿設施，熱情款待，客房價格合理，仲可以輕鬆前往巢鴨熱鬧嘅地方等等！
景點資訊
- 景點名稱：Smile Hotel Sugamo (巢鴨微笑酒店)
- 地址：〒170-0002 東京都豐島區巢鴨2-4-7
- 交通資訊：從JR巢鴨站A1出口步行約8分鐘
Flexstay Inn Sugamo
隸屬MYSTARYS HOTEL集團嘅Flexstay Inn Sugamo鄰近巢鴨站，提供多間寬敞嘅單人房及雙床房。所有客房均設置小型廚房，係你喺東京長期住宿嘅最佳選擇。
景點資訊
- 景點名稱：Flexstay Inn Sugamo
- 地址：〒170-0002 東京都豐島區巢鴨3-6-16
- 交通資訊：從巢鴨站步行約7分鐘
APA Hotel Sugamo (APA酒店 巢鴨站前)
「APA酒店 巢鴨站前」就喺巢鴨站對面，非常易搵！呢間酒店有充足嘅房間，並提供無線網路、液晶電視，頂樓仲有露天浴池嘅公共澡堂。
景點資訊
- 景點名稱：APA Hotel Sugamo (APA酒店 巢鴨站前)
- 地址：〒170-0002 東京都豐島區巢鴨2-9-7
- 交通資訊：從JR巢鴨站步行約2分鐘；都營三田線巢鴨站A4出口步行約1分鐘
Comments