中野百老匯係一間購物中心，位於東京新宿嘅西方。入面有幾百間商店，專門販售動漫周邊商品、收藏公仔及模型玩具等。雖然好多遊客認為呢度係秋葉原嘅代替品，但係中野百老匯入面其實都有好多一流嘅美食餐廳、酒吧同專賣店！
深入中野百老匯
中野百老匯於2016年屆滿50週年，儼然成為尋找日本紀念品必行嘅聖地。而且仍舊持續受到鐘意日本流行文化嘅人、動漫愛好者及收藏家嘅歡迎。
中野百老匯距離中央線嘅新宿站約三個站嘅距離，全館有四層樓，入面有300多間商店，提供各項商品、小食及餐廳。
中野百老匯距離中野站只係得幾分鐘嘅路程，可以從Nakano Sun mall中野商店街行到去中野百老匯，喺商店街有好多小食、珠寶店及遊戲中心等，可以邊行邊望。
中野百老匯販賣動漫及收藏品嘅店鋪
如果你鐘意動漫同一啲收藏用嘅紀念品，咁樣你一定要去中野百老匯嘅2樓及3樓行下。喺嗰度你會發現「Robot Robot」、「Anime World Star」等商店，中野百老匯可以話係宅男宅女嘅天堂！
好多商店有出售漫畫同舊嘅收藏品，嚟呢度行一圈，話唔定可以俾你搵到意想不到嘅稀有寶藏！而嚟到中野百老匯，絕對必行嘅地方就係Mandarake中野店！
喺中野百老匯入面嘅Mandarake中野店實際上分咗好幾間，佢哋專門出售各種二手商品，價格從幾百円至幾十萬円不等。有啲員工係外國人，可以用日文、英文或中文溝通。
中野百老匯美食
突然覺得個肚有啲餓？喺中野百老匯你會發現有各式各樣嘅食物任君選擇！呢度有好多小食攤同餐廳，例如快餐店、壽司、鰻魚飯、烏冬等等。其中最熱門嘅一間就係Daily Chico，每個人都應該去食一下，呢間店特製嘅8層雪糕，超級適合影相上傳IG！而且呢款特大8層冰淇淋只係490円，絕對係嚟中野百老匯值得一買嘅美食！
除咗雪糕之外，香林坊係一家台式嘅素食餐廳，菜色有中式麵食、烏冬同炒飯等等！但佢哋嘅料理有放雞蛋，唔鐘意食雞蛋嘅話，可以告知店員走雞蛋。
中野百老匯營業時間
雖然中野百老匯對外開放營業時間係朝早11點至晚上8點，但實際上，入面商店營業時間不一，主要嘅幾間商店喺中午12點開始營業，而好多商店喺星期三作休息。
從中野站行到去中野百老匯，大約5分鐘路程，穿越Nakano Sun mall中野商店街抵達。乘搭東京Metro東西線或喺新宿站乘搭中央線至中野站，車程約5分鐘，票價為160円左右。
景點資訊
- 景點名稱：中野百老匯
- 地址：〒164-0001東京都中野區中野5-52-15
- 交通資訊：乘搭JR中央線或東京Metro東西線至中野站，步行約5分鐘
Comments