同屋企人或者朋友去東京旅行但唔知去邊玩好？可以試吓將東京嘅動物園排入行程入面呀。男女老幼都啱去，投入大自然嘅世界。以下為你介紹4間東京熱門嘅動物園，睇吓對邊間最啱你啦。
去東京嘅動物園行吓啦～
帶埋你嘅小朋友去, 除咗可以學到人類同其他動物相關嘅知識，而其中有啲生物我哋幾乎係無接觸過添。同時仲可以了解到生物嘅棲息地。喺東京動物園入面嘅生物種類繁多，要好好把握呢個可以認識多啲動物嘅機會呀。
上野動物園
想睇世界各地嘅動物? 上野動物園就啱唒喇。上野動物園入面有嚟自遙遠國家嘅稀有動物，就好似嚟自馬達加斯加(Madagascar)嘅指猴、剛果(Congo)嘅條紋歐卡皮鹿（Okapi）、同埋加拉巴哥群島(Galápagos Islands)大你好多年紀嘅加拉帕戈斯象龜 （Galápagos tortoise）。除此之外，仲有嚟自俄羅雅布洛諾夫山脈(Yablonoi Mountains)嘅野貓同北極熊添。
上野動物園有好多你從來都無見過嘅動物，種類仲好豐富添。一齊好好咁去了解呢啲動物吖，仲要影多啲佢哋嘅相啦, 不過小心園內嚴禁閃光拍攝㗎。
景點資訊
- 景點名稱：上野動物園
- 地址：〒110-8711 東京都台東區上野公園9－83
- 交通資訊：從JR上野站公園口徒步約5分鐘
千葉市動物公園
千葉市動物公園最大嘅魅力就係園內有8隻小貓熊，分別取名：奇奇、梅梅、明太、九太、麻衣、小咪、源太。佢哋無辜可愛嘅眼神，吸引咗好多世界各地嘅觀光客，專程嚟動物園一睹風采㗎。
千葉市動物公園分為幾個區域：動物科學館、小動物區、草原區（草食動物）、兒童動物園區（可以親親小動物）、猿猴區、摸摸動物村同鳥類&水系動物區。
你可以喺動物科學館睇到生活喺熱帶雨林嘅動物，就好似係夜行動物同熱帶鳥類。你亦可以去兒童動物園區摸摸山羊同綿羊。
景點資訊
- 景點名稱：千葉市動物公園
- 地址：〒264-0037 千葉縣千葉市若葉區源町280番地
- 交通資訊：搭千葉市單軌電車至動物公園站步行約5分鐘
多摩動物公園
最初規劃成為上野動物園嘅一部份嘅多摩動物公園係一間好大嘅動物園，特登以動物們本來嘅生態為藍本設計園區，俾佢哋可以喺自然棲息地生活。園區主要分為四個區域—亞洲園區、非洲園區、澳洲園區同昆蟲園區。嚟到日本唔好錯過去呢度睇吓啲日本動物，例如梅花鹿、蝦夷棕熊、日本獼猴, 仲有日本長鬃山羊等等啦。
喺朝早10點至下午3點50分，亞洲園區內有免費巡迴巴士可以搭，咁你就可以搭住車輕鬆遊園啦！動物園週年紀念嘅5月4號同5月5號、仲有10月1號都可以免費入園，到時園入面一定會人山人海。如果唔想同人逼嘅話，請盡量避免呢啲日子嚟喇。
景點資訊
- 景點名稱：多摩動物公園
- 地址：〒191-0042 東京都日野市程久保 7-1-1
- 交通資訊：搭京王線、多摩單軌電車「多摩動物公園站」落車步行約1
井之頭自然文化園
你可以買一張門票暢玩井之頭自然文化園嘅兩個園區。公園（或動物園）主要致力於保護同飼育日本松鼠、鴛鴦同天鵝。自從飼養嘅鴨被放生喺公園隔離個池塘，而家你都可以免費去望吓啲鴨仔喇。而某啲稀有品種例如鴛鴦，就要入園之後先可以睇到喇。喺公園嘅其他區域，你都可以睇到馬騮、貉、遠東豹同日本長鬃山羊。
欣賞完動物之後，呢度仲有個小型遊樂場、雕塑花園同一間博物館。只要400日圓（成人票價）就可以入去呢個井之頭自然文化園，相當抵玩。小朋友都可以喺遊樂場度盡情咁玩。有機會就帶屋企人嚟呢度啦。
而殘疾人士同一名同行人士就可以免費入園。另外，5月17號（動物園紀念日）、5月4號（綠之日）同10月1號（東京都民日）都免費開放。外國遊客的話仲可以票價打個八折添。
景點資訊
- 景點名稱：井之頭自然文化園
- 地址：〒180-0005 東京都武藏野市御殿山1-17-6
- 交通資訊：搭JR線、京王井之頭線、東京Metro東西線到吉祥寺站落車行約10分鐘
Comments