Tokyo Midtown (東京中城)係東京市中心六本木嘅地標。精緻優雅嘅建築入面，有130間品味出眾嘅商店同餐廳、周圍仲有綠蔭環繞, 恬靜愜意嘅檜町公園，同埋美術館同酒店。呢個係一個幾受東京人鍾意嘅地方。呢次我哋就介紹一下Tokyo Midtown啦！
Tokyo Midtown 係受歡迎嘅觀光勝地
Tokyo Midtown 嘅最大特點係「綠色」同「藝術」。可以感受到一百多種植物帶嚟四季變化嘅花園之中，有從傳統日式庭園或者防衛廳移植過嚟、樹齡估計超過100年嘅樹、仲有大約140棵櫻花樹同樟樹。一到春天，呢啲咁靚嘅櫻花真係好迷人㗎。春天可以賞花、夏天可以著住浴衣沉醉喺啤酒花園之中、秋天又可以喺草地做瑜珈或者睇書做文青、而冬天就有燈飾同埋充滿冬日季節氣氛嘅活動。
呢度仲有三得利美術館、21_21 DESIGN SIGHT美術館，隨處都有嘅雕刻同藝術品，展現出城市同藝術相融嘅和諧。特別係2014、2015年嘅哥斯拉藝術品，當時好hit㗎。
到UNIQLO 、無印良品、伊東屋購物
Tokyo Midtown 有130多間商店。由國際名牌到具有東京特色嘅精品店、室內家居用品店等都有，淨係睇吓野行吓街就已經好開心。商品齊全嘅UNIQLO係人氣商店之一。
如果想買手信，可以睇吓無印良品或者伊東屋嘅文具。如果想搵有日本風嘅嘢，可以去行吓THE COTHE COVER NIPPON、中川政七商店街、「日本橋木屋」或者「箸長」啦。可能你會有意外收獲㗎。
喺orangé乾杯！夜生活都可以玩得好精采
喺櫻花季或者冬季燈飾期間，我諗你都會想預約一間有露天茶座可以欣賞到花園景觀嘅餐廳喇。
如果想有現場音樂演奏、又可以欣賞到東京夜景嘅話，可以試吓去又係餐廳又係club嘅Billboard Live TOKYO, 又或耆係喺Tokyo Midtown 45樓嘅The Bar喇。如果想喺東京嘅酒吧玩到更夜，好推薦去orangé呀。呢間小酒館推崇「champagne everyday (每日香檳)」呢個概念, 每日營業到凌晨3點，並且全天候提供餐點。
The Ritz Carlton Tokyo
細心周到嘅日式服務精神、充滿日式美感嘅空間吸引咗世界名流，呢度就係The Ritz Carlton Tokyo(麗思卡爾頓酒店)。酒店位於東京最高建築物入面嘅47到53樓，總共有245間客房，其中有35間係行政套房，係可以感受到東京活力嘅絕佳地點。
如果想喺料理中體驗四季，好推薦去日式料理店Hinokizaka，呢個係一間依照傳統製法保留食材原味嘅餐廳。透過五感去體驗日本, 令你留下深刻印象。
基本資訊
- 名稱：Tokyo Midtown
- 地址：〒107-0052 東京都港區赤坂9-7-1
- 交通方式：東京Metro地鐵日比谷線「六本木站」地下通道直達；千代田線「乃木坂站」3號出口步行3分鐘；都營地鐵大江戶線「六本木站」8號出口直達
Comments