從傳統到現代，大大小小嘅美術館以及畫廊林立，東京絕對係藝術愛好者嘅天堂。但係，呢個城市嘅大大小小美術館數量，可能會多到令你唔知道從邊度睇起。不過唔洗擔心，我哋為你精心挑選咗7間東京最正嘅美術館。從日本到西洋、從繪畫到雕塑、從攝影到錄像作品，可以喺呢7個地方欣賞到各式各樣嘅藝術。
東京國立近代美術館
位於皇居附近嘅美術館
位於皇居附近，東京國立近代美術館（MOMAT）擁有國內數一數二完整嘅近現代日本美術收藏品，橫跨20世紀初到現在，甚至仲有來自國外嘅作品。
一次過呈現橫跨一個世紀以上嘅日本藝術
美術館二至四樓嘅常設展，係日本唯一將一個世紀多啲以來嘅日本近代藝術完整呈現出來嘅展覽。除此之外，MOMAT亦會舉辦好多優質特展。
另外，請唔好錯過「有景觀的房間」，喺呢度你可以欣賞到皇居東御苑嘅景色。
基本資訊
- 名稱：東京國立近代美術館（The National Museum of Modern Art, Tokyo）
- 地址：〒102-0091東京都千代田區北之丸公園3-1
- 交通方式：東京Metro地鐵東西線「竹橋站」1b出口 步行3分鐘。
- 門票：
- 一般：500円
- 大學生：250円
- 免費對象：高中生、18歲以下、65歲以上、Campus 會員、MOMAT護照持有者、 MOMAT會員、MOMAT贊助者、殘疾人士及一名陪同人員
- 特展需另外購票
東京都寫真美術館
日本唯一嘅攝影專門公立美術館
東京都寫真美術館，又名「TOP Museum」，位於惠比壽花園廣場內嘅一棟四層樓建築物內。呢度係日本唯一一座專門針對攝影及錄像作品嘅公立美術館。
超過34,000件攝影作品收藏
館藏超過34,000件攝影作品，其中好多作品已經變得稀有而且難以取得。館內展出來自日本同其他國家嘅世界級攝影作品。
另外，美術館附設圖書館及教育活動，反映咗多媒體藝術嘅各個領域最新發展趨勢。
基本資訊
- 名稱：東京都寫真美術館（Tokyo Photographic Art Museum）
- 地址：〒153-0062東京都目黑區三田1-13-3 惠比壽花園廣場內
- 交通方式：JR「惠比壽站」東口步行約7分鐘（使用自動行人道）/東京Metro地鐵日比谷線「惠比壽」站步行約10分鐘
- 門票：依展示、放映內容而異
國立西洋美術館（東京）
世界文化遺產
2016年被聯合國教科文組織（UNESCO）登錄為世界文化遺產，國立西洋美術館（NMWA）係日本唯一專門致力於推廣西洋藝術嘅國立機構。
印象派和羅丹
常設展內容包含來自松方收藏（日本企業家松方幸次郎嘅個人收藏品）嘅印象派畫作和奧古斯特‧羅丹嘅雕塑作品，以及文藝復興到20世紀嘅藝術作品。特展呈現來自海外美術館嘅作品。
基本資訊
- 名稱：國立西洋美術館（The National Museum of Western Art）
- 地址：〒110-0007東京都台東區上野公園7-7
- 交通方式：
- JR上野站公園口步行1分鐘；京成電鐵京成上野站步行7分鐘
- 東京Metro地鐵銀座線、日比谷線「上野」站步行8分鐘
- 門票：
- 一般：500円
- 大學生：250円
- 免費對象：高中生以下、18歲以下、65歲以上、殘疾人士及陪同人員
- 特展需另外購票
- 星期五及星期六晚上5點至8點，常設展免費參觀
東京六本木美術館—國立新美術館
日本最大嘅藝術品展示空間之一
國立新美術館（NACT）係一座前衛創新嘅藝術設施，由建築師黑川紀章所設計。占地14,000平方米，係日本最大嘅展示空間之一。
一座無常設展嘅美術館
國立新美術館並無永久嘅館藏品，而係致力於各種特展嘅策劃。主要嘅展示空間可以免費參觀，其中一啲特展需要另外購票。
基本資訊
- 名稱：國立新美術館（The National Art Center, Tokyo）
- 地址：〒106-8558東京都港區六本木7-22-2
- 交通方式：東京Metro地鐵千代田線乃木坂站，往青山靈園方向閘口6出口（直達美術館）
- 門票：依展示內容等而異
東京六本木美術館—森美術館
位於高樓層嘅當代藝術美術館
位於森塔（Mori Tower）52及53樓嘅森美術館專注於當代藝術，策展範圍廣泛，從服裝、建築、設計到攝影同錄像都有。
位於高樓層擁有絕佳景觀嘅美術館
除咗精心策劃嘅特展之外，美術館嘅另一個魅力係室內嘅360度觀景台，同屋頂嘅室外觀景台。喺呢度可以睇到壯觀嘅東京城市景觀。只要買一張套票就可以一次過參觀曬美術館以及觀景台。
基本資訊
- 名稱：森美術館（Mori Art Museum）
- 地址：〒106-6108東京都港區六本木6-10-1（六本木之丘森大樓53F）
- 交通方式：東京Metro地鐵日比谷線「六本木站」1C出口步行0分鐘（經由連通道直達）
- 門票：森美術館／六本木新城展望台 東京城市觀景
- 一般：1,800円
- 學生（高中生、大學生）：1,200円
- 兒童（4歲～初中生）：600円
- 老人（65歲以上）：1,500円
東京普利司通美術館
一座由普利司通集團創立嘅優質美術館
1952年，普利司通輪胎創辦人石橋正二郎喺東京・京橋普利司通大樓2樓開設藝廊，向公眾展示佢嘅個人收藏品。普利司通美術館由此成立。
美術館嘅館藏聚焦於近現代西洋美術，特別係印象派，20世紀畫作，以及日本近代洋畫。
因大樓重建工程，美術館現正長期休館中，預計於2019年秋天開館
2015年5月開始，因為大樓重建工程，美術館現正長期休館中。預計於2019年秋天開館。空間將會比以前大近兩倍。
基本資訊
- 名稱：普利司通美術館（Bridgestone Museum of Art）
- 地址：〒104-0031東京都中央區京橋1-10-1
- 交通方式：
- JR「東京」站八重洲中央口 步行5分鐘
- 東京Metro地鐵銀座線「京橋」車站6號出口步行5分鐘
- 東京Metro地鐵銀座線・東西線、都營地鐵淺草線「日本橋」車站B1出口 步行5分鐘
- 門票：依展示內容等而異
東京富士美術館
傑出嘅西方油畫收藏
東京富士美術館（TFAM）於1983年由國際創價學會（SGI）會長池田大作所創立。TFAM收藏咗超過30,000件藝術品，從東方到西方，從古典到現代。
特別值得一提嘅係該館傑出嘅西方油畫收藏，橫跨咗500年嘅西洋藝術。從文藝復興、17世紀巴洛克、18世紀洛可可到印象派以及後印象派。
基本資訊
- 名稱：東京富士美術館（Tokyo Fuji Art Museum）
- 地址：〒192-0016東京都八王子谷野町492-1
- 交通方式：
- 京王八王子車站出口，於西東京公車第4號車站乘搭；或JR八王子車站北口：乘搭首班至12點29分以前嘅巴士，於西東京巴士14號站候車；乘搭12點31分以後嘅巴士，於西東京巴士12號站候車。
- 開往創價大學正門東京富士美術館
- 創價大學循環：於「創價大學正門東京富士美術館」落車
- 門票：
- 一般：1,300円
- 高中生、大學生：800円
- 初中生、小學生：400円
- 免費對象：學齡前兒童、當日壽星
- 初中生及小學生星期六免費參觀
Comments