月島係位於隅田川三角洲嘅東京灣上嘅人造島嶼，透過橋梁同其他地區連結。雖然有唔少摩天大樓襯托，但依然以「月島文字燒一條街」而聞名。成條街一排餐廳都提供當地美食「文字燒」！即使你唔係好熱衷於文字燒，仍然可以喺呢度享受當地最新流行嘅「貓頭鷹咖啡店」！
月島文字燒一條街即係咩嚟？
「西仲通」就係所謂嘅「文字燒一條街」，呢條街道非常狹窄，從月島站行過嚟只需要1分鐘。就好似佢嘅暱稱咁，成條街都係提供當地美食——文字燒嘅餐廳。
文字燒實際上就是東京風味的御好燒！
文字燒係三個知名麵粉製（粉もん、konamon）料理嘅其中之一。同御好燒係兄弟姊妹般嘅存在。但做法唔似其他兩種（大阪燒、廣島風御好燒），文字燒並唔係製作成圓圓嘅一團再切片。必須用小小嘅鐵板鏟去切，一次享用一小口！
於月島有超過40間文字燒餐廳，其中有30間位於文字燒一條街，佢哋仲建立咗一個月島文字燒宣傳協會（月島文字燒振興會協同組合）。請務必嚟呢度睇睇，拿張列有文字燒餐廳嘅地圖行下啦！
景點資訊
- 名稱：月島文字燒宣傳協會（月島文字燒振興會協同組合）
- 地址：〒104-0052 東京都中央區月島1－8－1
- 交通資訊：從月島站7號出口徒步約1分鐘
必須排隊等待嘅知名美味！
由於月島文字燒非常受歡迎，好多餐廳用餐時間嘅人潮絡繹不絕，大概下午6點先嚟嘅話可能就要曬時間排隊。有啲餐廳晚餐時段會早一啲5點開始營業，而有啲則係會喺中午營業並提供午餐優惠套餐。
多數嘅文字燒餐廳同時亦提供御好燒或鐵板燒菜單，都係用鐵板烹調嘅料理。各間餐廳大小不一，平均提供30至40個座位。大多數接受信用卡付款以及有供應含酒精飲品。
文字 藏（もんじゃ 蔵、monja kura）深受女性客人歡迎，因為佢哋所放嘅材料豐富多樣。而monkichi（もん吉）同文字太郎（もんじゃ太郎、monjatarou）則係因為漫畫「三月的獅子」、「哆啦A夢」嘅關係而聞名。店內仲擺放咗名人嘅簽名㖭！
景點資訊
- 名稱：文字 藏（もんじゃ 蔵、monja kura）
- 地址：〒104-0052 東京都中央區月島3－9－9
- 交通資訊：從月島站7號出口徒步約3分鐘
景點資訊
- 名稱：monkichi（もん吉）
- 地址：〒104-0052 東京都中央區月島3－8－10
- 通資訊：從月島站7號出口徒步約3分鐘
景點資訊
- 名稱：文字太郎（もんじゃ太郎、monjatarou）
- 地址：〒104-0052 東京都中央區月島1－24－10
- 交通資訊：從月島站7號出口徒步約1分鐘
嶄新魅力：月島貓頭鷹café
開幕於2012年嘅「貓頭鷹的店（ふくろうのみせ、Fukurou no Mise）」俾你喺café放鬆嘅時候，與貓頭鷹嚟個親密接觸。呢間café為咗給予貓頭鷹最完善嘅棲息地，加強咗窗戶嘅遮光性，所以店內唔會有任何光線照射。當然亦禁止用閃光影相。
每個鐘只接待10位客人。頭十分鐘會為你介紹及引導你如何對待貓頭鷹。話俾你知道邊啲行為可以做、邊啲行為唔可以做。當然你亦可以好好享受café所提供嘅飲品。飲完杯咖啡，喺一群貓頭鷹之中亦會化身為一隻貓頭鷹？！聽落去幾得意，係唔係呢？
請注意，呢間café無法事先訂位，所以必須提早到場現場排位。就好似俗語話「早起的鳥兒有蟲吃」，喺呢個情況底下係「早起的鳥兒有得玩」！
景點資訊
- 名稱：貓頭鷹的店 （ふくろうのみせ、Fukurou no Mise）
- 地址：〒104-0052 東京都中央區月島1－27－9
- 交通資訊：從月島站10號出口徒步約6分鐘
去月島嘅交通方法
儘管月島係東京灣上嘅一個島嶼，乘搭交通工具去月島其實非常方便。最簡單嘅方式係乘搭地鐵，乘搭東京Metro有樂町線至月島站（Y21），或乘搭都營地鐵大江戶線至月島站（E16），馬上就可以輕鬆抵達月島。
景點資訊
- 名稱：月島站
- 地址：〒104-0052 東京都中央區月島1－3－9（東京Metro）和 1－5－4（都營地鐵）
- 交通資訊：東京Metro有樂町線月島站（Y21）以及都營地鐵大江戶線月島站（E16）
Comments