可能你已經開始準備參加東京台場嘅超世代音樂節（Ultra Worldwide Music Festival）。呢場音樂節將於2019年9月舉辦，為期三日嘅音樂狂歡。想徹底享受呢三日，需要搵到個地方住，如果可以靠近活動舉辦會場就最好啦。我哋為大家搜羅咗啲值得入住嘅台場酒店，希望可以俾你參考吓啦。
靠近東京台場Ultra Park嘅酒店
Ultra-Japan係全球超世代音樂節（Ultra Worldwide Music）嘅大型音樂節目之一。每年9月喺東京台場東京灣嘅一個人造島嶼上舉辦。呢個地區離東京市中心相當遠，但要去一啲大型購物中心、景點同餐廳都非常方便。一於搵下附近嘅酒店入住。
Odaiba Hilton Hotel (東京台場希爾頓酒店)
鄰近海灘嘅呢間大酒店擁有絕佳全景可以觀賞。其地理位置離鄰近嘅交通設施有啲遠，不易前往。但呢間酒店所提供嘅服務與餐點享有極高評價。離Ultra Japan會場步行約9分鐘嘅距離。
景點資訊
- 景點名稱：Odaiba Hilton Hotel (東京台場希爾頓酒店)
- 地址：〒135-0091 東京都港區台場1－9－1
- 交通資訊：百合海鷗號台場站徒步約1分鐘
Le Daiba Hotel / Grand Nikko Tokyo Daiba (格蘭太平洋酒店/東京台場日航大酒店)
東京台場日航大酒店其舊稱為格蘭太平洋酒店，而位置就喺東京台場希爾頓酒店嘅隔離，係台場另一間大型酒店。入住呢間酒店，夜晚將會擁有令人驚嘆嘅東京夜景，以及同您所愛嘅人共渡一場浪漫燭光晚餐嘅完美場所。步行至Ultra Japan活動會場只需9分鐘。
景點資訊
- 景點名稱：Le Daiba Hotel / Grand Nikko Tokyo Daiba (格蘭太平洋酒店/東京台場日航大酒店)
- 地址：〒135-0091 東京都港區台場2－6－1
- 交通資訊：百合海鷗號台場站徒步約3分鐘
鄰近台場嘅有Hotel Sunroute Ariake (明燦路都大酒店)
Sunroute連鎖大酒店係日本連鎖嘅商務旅館。行到去Ultra Japan活動會場只要21分鐘。如果你嘅要求簡單，只要有住宿地方可以休息，房間乾淨、價錢便宜即可，咁呢度將會係最佳選擇。
景點資訊
- 景點名稱：Hotel Sunroute Ariake (明燦路都大酒店)
- 地址：〒135-0063 東京都江東區有明3－6－6
- 交通資訊：乘搭百合海鷗號至國際展示場站徒步約10分鐘或乘搭臨海線至國際展示場正門站徒步約10分鐘
鄰近台場嘅東京華盛頓酒店，Tokyo Bay Ariake Washington (東京灣有明華盛頓酒店)
呢間酒店距離Ultra Japan活動會場有啲遠，略為不便，需要行25分鐘左右嘅路，但呢間酒店離百合海鷗線嘅有明站及臨海線嘅國際展示場正門站嘅距離非常近。同時呢間酒店亦鄰近台場主要Akira觀光景點，例如DiverCity Tokyo Plaza東京台場購物中心、台場維納斯城堡（VenusFort）等等。
景點資訊
- 景點名稱：Tokyo Bay Ariake Washington (東京灣有明華盛頓酒店)
- 地址：〒135-0063 東京都江東區有明3－7－11
- 交通資訊：乘搭百合海鷗號至國際展示場站徒步約5分鐘或乘搭臨海線至國際展示場正門站徒步約10分鐘。
Comments