夏天一到，日本人就會出盡各種招數諗盡各種辦法避暑。喺河邊野餐、享用流水素麵、刨冰、西瓜或鰻魚丼等夏季美食…而最後一項必做嘅，亦係夏天一大盛事—聽恐怖故事或經歷，感受炎炎夏日中嘅寒意(打冷陣ING)！以下就等我哋帶大家，認識有關日本靈異奇幻嘅一面吧！
日本係一個崇拜信仰多多嘅國家
日本人並無特定相信嘅宗教信仰，而係將大部份嘅信仰混合埋一齊。例如出生時得到神社祝福，喺基督教教堂中舉辦婚禮，於佛教儀式中火化祭祀，而以上種種都只係日本信仰嘅一部分例子。喺日本人嘅信仰當中，祈求財富與運氣都係十分重要嘅一環。
神道根源類似泰國萬物有靈論；萬事萬物皆可有靈神,神喺周圍甚至會有廁所之神。實際上，部分已故的先人及皇帝作為神明而供奉著。除了神明，其它現象唔單單只係幽靈或靈魂，日語嘅詞彙當中，有許多詞係用於形容各種唔同嘅靈異現象。
1. Gods (神様) 神明
日本最古老嘅民間故事—神話和傳說，講述日本如何誕生以及由誰人治理。由於傳說流傳於正式紀錄文本出現之前，一切神話與傳說都係口述，因此相關資料非常唔齊全。除咗最知名嘅「天照大神」以外，神話中仲有多個神明，例如天照大神父神「伊邪那岐」與母神「伊邪那美」呢對夫婦配對組合嘅神明，仲有單獨一人嘅獨神（ひとりがみ)。經典組合「風神與雷神」亦十分受歡迎，能夠經常喺畫作中望見佢哋嘅蹤影，而淺草寺雷門兩側佇立嘅雕像，亦正正就係風神與雷神！
神道相信天地萬物皆有靈，而其信仰數量之多，亦令神道有「八百萬神明」之稱。部分神明因其行為事跡而聞名，部分神明則因作弄人類嘅惡作劇而聞名。當中亦有民間故事會描述被無故消失嘅人民為「神隱(神隠し)」呢。
2. Youkai (妖怪)
由於動漫「妖怪手錶」大受歡迎，妖怪近年近備受寵愛及關注。但係最初，妖怪係被認為超越人類所能理解嘅超自然，佢哋嘅出現會產生多個難以理解嘅現象。而妖怪最常見嘅能力就係變形，亦因此妖怪喺日本被稱之為Obake (お化け) 或者係 Bakemono (化け物)，即係「鬼怪、怪物」。
部分妖怪生性仁慈，喺某啲地區會被視為神，例如係河童或犬神；部分被視為神明使者，如雷獸。惡毒嘅妖怪則有其他稱號，如魔物、妖獸等。當中又有妖怪會生活喺你我生活之中，例如係飛頭蠻等。
3. Yuurei (幽靈)
並非所有現象都會被視為由係妖怪或神明引起，人類靈魂亦係造成靈異現象嘅原因之一！民間故事、都市傳說、怪談，甚至係靈異照片，好多可怕故事其實都係由人類靈魂，亦即係「鬼」所引起。而部份故事嘅主角，仲係活生生嘅人當中脫離出來嘅生靈𠻹！
著名靈異故事
報告：發生喺盂蘭盆節期間嘅奇怪事件
日本嘅盂蘭盆節（お盆、香港俗稱鬼節）象徵前往另一個世界嘅通道開啟及關閉，意味著兩個世界之間嘅結界處於薄弱狀態，允許眾生來去自如，就連牛郎織女都係利用呢段時間見面！
喺呢段期間內，您會有機會唔小心見到「唔應該睇到」、來自遠方嘅老友記，譬如鬼火（hitodama）。除咗日本當地嘅怪談，呢段期間嘅靈異現象或從彼岸回返嚟嘅祖先亦添加更多神秘色彩如果您想試吓體驗驚悚靈異，或者盂蘭盆節期間係最佳時刻！
怪談：阿岩之復仇—「四谷怪談」
貞女阿岩被丈夫伊右衛門慘殺後，為求令佢嘅靈魂安息，於是後人就將佢嘅遺體供奉於「於岩稲荷田宮神社」。不過阿岩由於遭到丈夫背叛，死不瞑目，於是變成幽靈從墳墓爬起身，去搵她花心嘅老公展開報復行動。阿岩最後復仇成功，為悲傷怪談故事畫下令人完美句號。
怪談：花魁淵大屠殺
日本知名鬧鬼景點之一嘅花魁淵嘅故事起源於戰國時代。為求當地埋藏黃金嘅秘密不會外洩，武田家族當時雇用55名遊女（藝妓）喺瀑布上方嘅舞台表演，當遊女們正翩翩起舞時，突然舞台繩子被切斷，令所有遊女從高空跌落瀑布底下，從此令外人再唔夠膽靠近區域，而靠近當地嘅女性亦傳聞會陷入莫名悲傷！
延伸閱讀：
令您夏日消暑嘅恐怖故仔
都市傳說：東京五芒星結界
「江戶」即現時嘅東京。根據超自然現象，江戶整個區域利用雙重五芒星設計，為重要建築物(神社、寺廟)建置於首都周圍嘅10個地點作出保護屏障。直至現時，每個位置都係著名能量景點，甚至連京都、大阪都有五芒星結界呢！
都市傳說：鬼屋內難辨真假，真正嘅鬼魂話唔定就係裡頭！？
日本鬼屋出名夠真夠驚嚇，有啲鬼屋(お化け屋敷)由古老建築改建，譬如廢棄醫院或酒店。隨著鬼屋人氣逐漸上升，再加上部分曾經改裝翻新過，當您喺鬼屋內冒險時，分分鐘宦好難察覺嚇你嘅係工作人員？定係真正嘅….鬼！？？話唔定您都有試過喺鬼屋裡，感受到令人不安嘅氣息、唔知從邊到嚟嘅喃喃細語，甚至係一股不其然嘅寒意。您認為您有第六感嗎？下次嚟日本時，不妨去鬼屋試一試吧！
編輯後話
以上內容，大家覺得有趣嗎？【驚慄・奇幻系列】會不定期為大家介紹有關日本嘅奇幻靈怪內容。如果有任何想要知道或建議嘅故事，歡迎留言畀我哋，編輯部將為您探索更多，介紹更多！
Comments