想盡情購物同享用美食嘅話，嚟池袋就絕對無錯！池袋係東京中相當受歡迎嘅景點。可以滿足各種需求嘅池袋，到底要點先至可以盡興咁玩一日呢？今次我哋就要為大家推薦一啲觀光景點，購物資訊，仲有美食資訊啦。
想瘋狂購物，就去唐吉軻德、Sunshine City、LOFT！
要盡情買買買！就要去池袋啦。多采多姿嘅百貨公司以及商店，滿足你唔同嘅需求。盡情享受購物樂趣，就嚟池袋嘅唐吉軻德、Sunshine City以及LOFT行一圈啦！
唐吉訶德 池袋東口站前店
一出池袋東口，眼前就係唐吉訶德池袋東口站前店。成棟大樓都係賣場，販賣各式各樣嘅商品。男女老少生活上所使用嘅物品喺呢度都可以買得到。而且價錢便宜，非常實惠！
景點資訊
- 名稱：唐吉訶德 池袋東口站前店
- 地址：東京都豐島區南池袋1- 22-5
- 交通資訊：從池袋站東口徒步約3分鐘
池袋Sunshine City
講到池袋，最推薦嘅景點係池袋Sunshine City。從B1到3F有好多分類嘅商店進駐，生活用品到服裝都可以喺呢度入手。而且，頂樓仲有展望台，可以眺望美麗嘅夜景。
景點資訊
- 名稱：池袋Sunshine City
- 地址：東京都豐島區東池袋3-1-1
- 交通資訊：從池袋站東口徒步約8分鐘
池袋LOFT
LOFT販賣各種雜貨以及生活用品。其中仲有電視上經常介紹嘅商品及各種有趣嘅商品。如果想購買呢類商品，不妨嚟池袋LOFT行一行，尋一下寶啦！
景點資訊
- 名稱：池袋LOFT
- 地址：東京都豐島區南池袋1-28-1 西武百貨池袋本店 9F～12F
- 交通資訊：從池袋站東口徒步約2分鐘
去BOOKOFF同DAISO掃平貨
想買遊戲或書等商品嗰陣，就去BOOKOFF啦。當然，仲有其他商品，日劇BOX、日本動漫BOX以及電影BOX等相關商品都可以以優惠嘅價格購入，鐘意日本娛樂嘅人可以喺呢度盡情購物。商品都係二手貨，但品質同狀態都保存良好，可以放心。
景點資訊
- 名稱：BOOKOFF 池袋Sunshine City 60通店
- 地址：東京都豐島區東池袋1-22-10 HUMAX PAVILION
- 交通資訊：從池袋站東口徒步約7分鐘
- 想買日常用品，首先諗到嘅係DAISO。DAISO Sunshine City店位於池袋Sunshine City入面。店面積雖然細，商品卻麻雀雖小五臟俱全。
景點資訊
- 名稱：DAISO Sunshine City店
- 地址：東京都豐島區東池袋3-1 Sunshine City Alpa B1
- 交通資訊：從池袋站東口徒步約8分鐘
去UNIQLO買得盡興！
鐘意行街購物嘅人絕對唔可以錯過！池袋附近除咗有好多百貨公司之外，仲有好多各式各樣嘅品牌商店。深受觀光客喜愛嘅UNIQLO喺池袋呢度就開咗四間分店。而其中兩間係超大型店面，聚齊咗最新發售以及期間限定等多種商品。
景點資訊
- 名稱：UNIQLO 池袋東口店
- 地址：東京都豐島區南池袋1-26-9 1F
- 交通資訊：從池袋站東口徒步約5分鐘
去水族館及動物Café 親親小動物
滿足各項需求嘅池袋，除咗購物以外，仲有好多悠閒嘅散步景點！接落嚟所介紹嘅景點，可以俾你體驗不一樣嘅池袋。如果覺得購物行程有啲膩嘅話，一定要嚟呢度嘅景點行一下，療癒一下心靈！
池袋Sunshine水族館
喺呢個繁華熱鬧嘅都市入面居然可以睇到企鵝！如果想睇企鵝喺頭上暢泳嘅姿態，一定要嚟池袋Sunshine水族館行一行。水族館入面唔止有企鵝，仲展示咗好多水中生物，一覽鮮豔嘅海洋世界！
景點資訊
- 名稱：Sunshine水族館
- 地址：東京都豐島區東池袋3-1-1 Sunshine City
- 交通資訊：從池袋站徒步約8分鐘
貓頭鷹café
都市生活，難免有啲時候感到身心都精疲力盡。呢個時候，就可以嚟池袋呢間令你療癒身心嘅café。貓貓café？已經OUT啦。呢度係一間貓頭鷹café，由於香港無法飼養貓頭鷹，喺呢度可以同貓頭鷹嚟個親密接觸。貓頭鷹擁有圓祿祿嘅大眼睛，真係勁可愛啊！
景點資訊
- 名稱：池袋貓頭鷹café
- 地址：東京都豐島區南池袋1-17-1 6F
- 交通資訊：從池袋站東口徒步約8分鐘
都市中的一片綠洲：池袋嘅公園
玩到攰，去公園悠閒地休息一下都唔錯呀。
池袋西口公園
首先為大家介紹嘅係日劇「池袋West gate Park」嘅拍攝景點「池袋西口公園」。位於池袋西口附近嘅公園，廣場中央有噴水池。停留喺呢度不禁覺得涼爽。隔離係東京藝術劇場，定期會有戲劇、舞蹈以及音樂等公演。一到假日，就會有好多活動喺呢度舉辦。
景點資訊
- 名稱：池袋西口公園
- 地址：東京都豐島區西池袋1-8-26
- 交通資訊：從池袋西口站徒步約1分鐘
南池袋公園
實際上，除咗出名嘅池袋西口公園以外，池袋地區仲有好多公園可以去。於城市正中央嘅南池袋公園鋪有草皮，就好似沙漠中嘅一片綠洲。公園內設有兒童遊樂區域以及桌球台，俾一家大細都可以喺呢度度過悠閒嘅快樂時光。
景點資訊
- 名稱：南池袋公園
- 地址：東京都豐島區南池袋2-21-1
- 交通資訊：從池袋站東口徒步約5分鐘
喺池袋食咩好？壽司、燒肉、同居酒屋！
一於食壽司！
嚟日本一定想食日本料理喇掛。特別係放上新鮮魚貝類嘅壽司，非常好食，廣受觀光客好評。池袋有好多壽司店，普通吧檯式嘅壽司店或迴轉壽司店相當多，今日嘅午餐一於就食壽司你又點睇呢？
嚟到池袋一定要去燒肉店同居酒屋
夜晚嘅池袋有好多餐飲店營業。當中絕對唔可以錯過嘅就係燒肉以及居酒屋。提供從平民級嘅燒肉到A5等級嘅店鋪種類眾多，推薦俾肉食愛好者，絕對好味！而池袋嘅夜晚亦非常熱鬧，想喝杯小酒放鬆一下嘅人就嚟池袋啦。從便宜好食嘅立飲居酒屋到非常高級嘅居酒屋，喺池袋應有盡有。反而會煩惱揀選邊一間店鋪先好。
方便的池袋酒店
每日都有好多觀光客嚟到池袋。池袋轉乘方便，去邊都唔洗煩惱。而且可以充分享受購物及美食，增添旅遊回憶嘅設施非常多。住喺池袋嘅酒店會係一個唔錯嘅選擇。
池袋百長夫酒店及Royal Hotel
特別推薦離車站好近嘅池袋百長夫酒店以及Royal Hotel。呢兩家飯店離池袋車站約4分鐘，瘋狂購物之後，由於酒店好近，可以即刻將啲嘢放喺酒店，繼續輕鬆愉快嘅行程。
酒店資訊
- 名稱：池袋百長夫酒店
- 地址：東京都豐島區東池袋1-8-9
- 交通資訊：從池袋站東口徒步約4分鐘
- 名稱：池袋Royal Hotel
- 地址：東京都豐島區池袋2-41-7
- 交通資訊：從池袋站東口徒步約4分鐘
挑戰池袋車站！
池袋車站一共有四間鐵路公司嘅路線匯流，JR嘅山手線、埼京線以及湘南新宿線，東京METRO嘅有樂町線，副都心線以及丸之內線，東武東上線及西武池袋線等路線都有經過池袋，轉乘非常方便，但要記住所有嘅路線都幾辛苦。第一次嚟池袋嘅人話唔定會迷路。
池袋嘅出口大方向分為六個，東口、西武東口、西武口都喺東邊，而北口、西口同南口都喺西側。車站以及各百貨公司直接連通，想去西武百貨嘅話，直接行到去西武東口最快。想去東武百貨，就係西口。而站內嘅轉乘通道仲有好多餐飲店及商店。時間充裕嘅話，就喺池袋站散下步啦！
Comments