如果你j曾透過類似Airbnb嘅網站來選擇住宿，好可能會看到日本嘅屋入面有一啲我哋唔熟悉嘅功能。一踏進日本嘅浴室，你就發覺同我地平日嘅浴室好唔同。最明顯唔同嘅係，廁所可能係獨立出嚟。相對地，如果廁所、淋浴同浴缸都放埋一齊，喺日本稱為「系統式浴室」。而家有一啲家庭會安裝自動化熱水供應系統，如果唔識日文，第一次操作嘅話可能會有困難。喺入住日本住宅，遇到意想不到嘅功能之前，不如我地先嚟了解一下呢啲日本浴室洗手間嘅設備。
獨立廁所
大部分住宅入面，廁所通常喺浴室旁嘅狹小空間入面。廁所入面未必有洗手盆，取而代之嘅係馬桶水箱上面嘅小洗手台，沖廁時乾淨嘅水會喺水箱上面流出來。雖然大多數情況下唔未必用呢度嚟洗手，但當然亦都真係可以用嚟洗手嘅。
相關文章：呢啲掣點用？日本溫水洗淨馬桶篇
洗臉台區亦係換衫更衣嘅地方
通常洗臉盤會喺實際嘅浴室區內。呢個地方稱作「洗面所」，通常都會放埋洗衣機喺呢度。日本通常都會將衣服掛喺室外晾乾，所以喺日本住家中好多時只有洗衣機，無乾衣機。呢個區域亦都係進入浴室前會通過嘅位置。所以呢度亦係更衣空間。可以想像，每日朝早，呢邊可能喺成間屋裡最忙碌嘅區域。
浴室入面嘅設備
浴室係一個封閉嘅空間，包括咗淋浴同浸浴嘅區域。呢種構造同好多其他國家嘅浴室都唔一樣。其實同日本嘅浸浴文化密切相關。想像一下如果去公眾澡堂「錢湯」或者溫泉，通常喺進入浴池之前，會先洗頭沖乾淨個身。而喺日本嘅住宅入面，亦都有相同嘅概念。浴缸入面嘅水係全家人共用，所以保持乾淨好重要。雖然浸浴係每日例行工事，但如果有啲人剩係想淋浴，亦完全無問題，因為淋浴區有花灑頭。大部份日本人都習慣夜晚沖涼，但亦都有一部人鍾意朝早沖涼，又或者朝早夜晚都沖。
應該要學吓浴室電子控制系統
浴室嘅電子控制系統喺日本好常見，通常有熱水功能。有幾個設定可以選擇，同冷暖氣系統一樣，如果唔識日文嘅話，就會有啲難操作。有啲系統仲會有再加熱嘅選項，可以將浴缸入面嘅水再加熱嚟用。為咗慳水，有啲人會儲起浴缸入面嘅水，第二日再用。另外亦有浴室嘅抽風暖氣系統，可以令浴室保持乾爽，甚至可以用嚟晾衫。
相關文章：
高效率嘅系統式浴室
比起家庭住宅，好多獨身人士嘅住宅都會配備呢種系統式浴室，將淋浴、浴缸同埋廁所放埋喺同一個空間入面。系統式浴室雖然好狹窄，但係仍然會有一個夠深可以浸浴嘅浴缸。通常浴缸會配埋花灑，所以亦都可以用嚟淋浴。對於習慣西式浴室嘅人嚟講，可能會覺得空間太細，但對於香港人嚟講，就可能覺得好常見好親切。
浴室係住宅中好重要嘅一部分。大多數日本人會以舒服嘅浸浴去結束一日嘅辛勞。浸浴係消除疲勞嘅最佳方法之一，尤其係勁凍嘅冬天，喺浴缸入面浸浴可能令身體暖起嚟。雖然日本嘅浴室可能未必同你習慣一樣，但亦可以體驗一下上述嘅功能，可能會發現其實好有趣。
Comments