喺東京23區當中，澀谷係一個相當受歡迎嘅地區。要去表參道，原宿同明治神宮都好方便。從商務酒店，到精品酒店，豪華酒店等各式各樣嘅酒店，澀谷都應有盡有。今次，我哋將為大家分門別類介紹澀谷嘅酒店，睇完真係想入去住吓啊！
講到澀谷嘅酒店，首推呢間！東京澀谷藍塔大酒店 (Cerulean Tower Tokyu Hotel)
全部客房位於19樓之上，酒店以景觀非凡為賣點。以富士山為主題嘅小型套房「富士－FUJI－」，客房採用榻榻米地板＋和式桌椅組合，舒適咁坐喺上面，享受東京嘅美景。仲有，供行政樓層客人專用嘅「行政樓層Lounge」有重新裝修過，讓人可以感受更加奢華嘅時刻。而喺館內所設置嘅能樂堂，仲可以接觸日本傳統文化「能樂」同「狂言」。
酒店資訊
- 名稱：東京澀谷藍塔大酒店 (Cerulean Tower Tokyu Hotel)
- 地址：東京都澀谷區櫻丘町26－1
- 交通資訊：澀谷站徒步約5分鐘
東急澀谷卓越大酒店 (Shibuya Excel Hotel Tokyu)
與澀谷站直通嘅酒店。部分客房可以俯瞰澀谷嘅全向十字路口。而「Estacion café 」Lounge內設有可以將澀谷大馬路盡收眼簾嘅吧台座位。早餐嘅菜單備有約50種類嘅「A Bientot」，邊食邊欣賞離地面100m嘅絕佳美景。JR、東京Metro、私鐵各線皆有通過澀谷，可以前往東京、銀座、新宿、吉祥寺、橫濱等各地都心，交通快速方便。酒店前方亦係直達成田機場同羽田機場嘅利木津巴士乘車處。
酒店資訊
- 名稱：東急澀谷卓越大酒店 (Shibuya Excel Hotel Tokyu)
- 地址：東京都澀谷區道玄坂1－12－2（澀谷Mark City內）
- 交通資訊：澀谷站直通徒步約5分鐘
APA HOTEL 澀谷道玄坂上 (Apa Hotel Shibuya-Dogenzaka-Ue)
APA HOTEL 澀谷道玄坂上 係一間價錢合理而且口碑唔錯嘅酒店。客房雖然細，但所提供嘅APA HOTEL原創寢具，其觸感如同軟綿綿嘅白雲般舒適，令人放鬆嘅氣氛。羽絨被、40吋液晶電視、免費WIFI、免費有線LAN高速網路、VOD室內劇院（一晚1,000円）、溫水免治馬桶設施，小小房間五臟俱全。附近就有餐廳同便利店，酒店位置四通八達。退房嗰陣只需要將房卡放入退還箱就得，深受客人好評。
酒店資訊
- 名稱：APA HOTEL 澀谷道玄坂上 (Apa Hotel Shibuya-Dogenzaka-Ue)
- 地址：東京都澀谷區圓山町20－1
- 交通資訊：JR澀谷站嘅八公口往道玄坂方向直行徒步約8分鐘
澀谷METS酒店 (Hotel Mets Shibuya)
離成田特快（N'EX）閘口非常近，同澀谷站直通。酒店大廳嘅Lounge提供免費咖啡同紅茶享用，並設有PC區同圖書室。客房仲配置客用免費租借嘅智慧型手機，對應多國語言，喺酒店出面都可以使用。無線網路、客房之間通話嘅內線電話，撥打日本國內嘅電話均免費，而撥打至海外嘅國際電話，香港、中國、台灣、美國及泰國都可以免費使用。兩晚以上嘅住宿仲有優惠方案。
酒店資訊
- 名稱：澀谷METS酒店 (Hotel Mets Shibuya)
- 地址：東京都澀谷區澀谷3－29－17
- 交通資訊：JR澀谷站徒步約1分鐘
SHIBUYA HOTEL EN
最多人搜尋嘅澀谷酒店就係SHIBUYA HOTEL EN。時尚嘅外觀，設計採用咗日本同澀谷嘅獨特文化，令從世界各地來訪嘅客人怦然心動。九層樓層呈現各種唔同嘅世界觀。客房隨處可見嘅高級原始材料，如樹木、石塊同積木等，空間和諧地呈現傳統日本與理性西方嘅組合。
酒店資訊
- 名稱：SHIBUYA HOTEL EN
- 地址：東京都澀谷區圓山町1－1
- 交通資訊：JR澀谷站徒步約7分鐘
Comments