今次要介紹各種最適合你需求嘅東京膠囊旅館。從平價至高級，安靜舒服或設計特別嘅膠囊旅館應有盡有。以下將推薦唔同需求嘅各類膠囊旅館。
東京膠囊旅館指南
你係唔係第一次嘗試住膠囊旅館呢？
膠囊旅館通常係無預先訂酒店嘅人或者係預算有限嘅旅客嘅選擇。通常喺膠囊旅館內，男女分別喺唔同樓層。為減低預算，可以自行選擇加購各式服務以及設備。但對於有幽閉恐懼症嘅人唔推薦住宿膠囊旅館喇。
早鳥低價優惠嘅日本橋室町Bay Hotel
日本橋室町Bay Hotel係一間安全系統及設備完善嘅膠囊旅館。適合想去銀座、秋葉原、澀谷同淺草嘅旅客，所有景點都可以乘搭電車或巴士抵達。
如果提早喺官方網站以「早鳥（Early Bird）」優惠預訂嘅話，仲可以以大約3,000円低價訂房添！
景點資訊
- 名稱：日本橋室町Bay Hotel
- 地址：〒103-0023 東京都中央區日本橋本町2-4-7
- 交通方式：地下鐵三越前站或係從JR新日本橋站步行約5分鐘
寧靜又令人放鬆嘅The Nell 上野御徒町旅館
如果喺東京想搵一間位置又便利又安靜嘅旅館住宿，The Nell 上野御徒町旅館就非常合適。呢間膠囊旅館喺日本人之間都好有口碑。而且去淺草寺或係阿美橫丁都好近。想購買又平又抵買嘅嘢，阿美橫丁係絕佳嘅好去處。喺呢度住宿一晚約3,000円。
景點資訊
- 名稱：The Nell 上野御徒町旅館
- 地址：〒110-0015 東京都台東區東上野2-15-9
- 交通方式：新宿車站步行5分鐘
設計感十足嘅9h nine hours北新宿
呢間全年無休嘅膠囊旅館名為「9h nine hours北新宿」，如果使用佢哋嘅「早鳥」優惠訂房，可以慳唔少預算。最新裝潢嘅9h nine hours北新宿膠囊旅館位於新宿北邊，如果想搵間有設計感嘅地方住一晚，可能會愛上呢度時尚又現代感嘅室內設計風格。
喺呢度住宿一晚約4,300円，請自行到官網查詢，價格隨時期而不同。
景點資訊
- 名稱：9h nine hours北新宿
- 地址：〒169-0073 東京都新宿區百人町1-4-15
- 交通方式：JR新大久保站步行2分鐘
到The Millennials Shibuya體驗千禧膠囊旅館
如果願意提高一啲預算體驗較高科技嘅膠囊旅館，推薦「The Millennials Shibuya」。於2018年3月開業，館內最獨特嘅20間艙房，分別由唔同嘅藝術家所繪製。當然亦可以選擇價格較為便宜嘅標準艙房。當Check-in嗰陣，會提供每人一台iPod控制艙房內嘅各項設備，包含乘搭電梯等。
如果提早預約，每晚住宿含早餐約8,400円。
景點資訊
- 名稱：The Millennials Shibuya
- 地址：〒150-0041 東京都澀谷區神南1-20-13
- 交通方式：澀谷車站步行8分鐘
適合情侶嘅膠囊旅館：東京木場酒店
如果情侶一同旅行嘅話，東京木場酒店可能符合你嘅需求。呢度提供雙人床艙房，並且每個樓層都係男女兼用。艙房嘅空間較大又舒適。如果加價500円，仲可以使用Spa。
喺朝早5:30至8:30，額外比200円仲可以任飲自動販賣機嘅飲料添，有興趣可以去櫃台了解更多。
雙人用嘅艙房每晚約4,200円。
*資料更新：東京木場酒店已於2019年4月30日結業。*
景點資訊
- 名稱：東京木場酒店（Tokyo Kiba Hotel）
- 地址：〒135-0042 東京都江東區木場1-4-3
- 交通方式：地下鐵木場站步行3分鐘
以上文章中提到嘅各旅館住宿價格均為大約價格、僅供參考，實際價格請查詢各旅館官網或訂房網站。
Comments