將好幾個切成一啖大細嘅雞肉各式各樣嘅部位串成一串，直接用炭火燒，沾上醬料嘅「燒雞串」。係居酒屋必食嘅菜色，配搭啤酒相當好味，係人氣嘅伴酒菜。燒雞串有各式各樣嘅種類，必點嘅有雞腿串、雞蔥串、雞肉丸串。除此以外，仲有用雞心或者雞胃呢D內臟類等適合老饕享用嘅燒雞串。我哋將為你介紹嚟日本燒雞串店先至可以享用嘅烤雞串，請你務必嚟試下啦！
特徵係有彈性有嚼勁雞嘅心臟部位「燒雞串・雞心串(焼き鳥・ハツ)」
口感方面有啲彈性、富有嚼勁雞嘅心臟部位「雞心串」。一隻雞得一粒心，為咗串成一串雞心串，必須用上2、3隻雞，係一種相當珍貴奢侈嘅燒雞串。調味無論係醬味或者鹽味都非常好食。
將雞胸、雞頸、雞腿嘅皮串成一串，口感酥脆嘅「燒雞串・雞皮串(焼き鳥・かわ)」
將雞皮串成一串，用炭火燒得酥酥脆脆就大功告成嘅「雞皮串」。多數採用「雞頸皮」，比起其他部位嘅雞皮稍為厚，相當好味。驚呢個部位油脂過多嘅人，就去除油脂嘅地方啦。
用雞隻胃袋嘅一部分，彈韌有嚼勁嘅「烤雞串・雞腎串（焼き鳥・すなぎも）」
使用胃袋嘅一部分「砂囊」嘅燒雞串。雞胃，似乎有陣特殊嘅味道，唔太敢食內臟類嘅人當中，有唔少人敢食雞腎。特徵係雞腎彈韌有嚼勁嘅口感。調味除咗鹽味以外，亦都非常推薦沾WASABI嚟享用。
採用雞尾骨嘅附近部位，多汁有彈性嘅味道「燒雞串・雞籮柚串（焼き鳥・ぼんじり）」
係雞籮柚條尾，小小尾骨嘅周圍部分，一隻雞剩係可以用哩一度少少嘅部位，係相當珍貴嘅燒雞籮柚串。比起其他部位，富有豐富嘅脂肪，被稱為雞嘅「鮪魚肉」。特徵係鮮嫩多汁嘅味道。由於呢個部位相當罕有，係超市、熟食菜式店、居酒屋都係非常少見㗎。
Comments