朱古力、曲奇、貝殼蛋糕等法式小點心，仲有布甸、啫喱、冰涼水果製作嘅甜點等，網購美食喺日本非常普遍，亦非常受到女生們嘅愛戴。今次我地就喺網上可以買到嘅全日本有名嘅甜品店同各種嚴選高級材料製出嘅甜品入面，揀出幾款可以充份體驗網購甜品魅力嘅商品推介！
著名北海道朱古力品牌「ROYCE」
講到朱古力有生朱古力、朱古力板、松露朱古力、堅果朱古力等各式各樣嘅種類。特別喺生朱古力同松露朱古力以北海道「ROYCE」最為出名，佢賣嘅抹茶、草莓口味等商品都有獨特口感。仲有含高可可成份嘅朱古力板、純朱古力等，都係送禮自用都適合嘅人氣商品！
賞味期限較長，最適合作為送禮嘅「小糕餅」
由於可以喺室溫下長期保存，好多人會選擇糕餅類嘅小點心用作送禮。有好多唔同種類，例如年輪蛋糕、烤麵包同蜂蜜蛋糕、貝殼形蛋糕等等。其中仲有高級糕點品牌推出可以喺餅乾上面寫字嘅訊息餅乾等。而呢啲糕餅喺工廠製作過程入面出現嘅「瑕疵品」，例如係餅乾碎、蛋糕邊，由於唔可以作為送禮商品，經常會包裝成「福利商品」特價出售，可以買嚟自家品嚐食用，又平又好食，所以都好有人氣，大受歡迎。
精選食材製作嘅人氣甜品「布甸＆啫喱 」
精選濃郁奶香嘅布甸，或者係堅持使用北海道產嘅南瓜布甸等特色布甸，都係高性價比嘅人氣商品。啫喱嘅話推薦「千疋屋総本店」或者係「資生堂Parlour」呢啲甜品名店。由於包裝啫喱可以喺室溫下長期保存，作為夏天中元節嘅禮物，或者係年末尾牙禮品就最適合。例如放咗成果橙入去嘅奢華啫喱、或者用咗信州長野葡萄、或者北海道產嘅高甜度葡萄啫喱等。布甸價錢大約係1,500日圓4個，而啫喱就大約3,000日圓8個左右。
夏日炎炎！「雪糕＆沙冰」最消暑
用咗北海道產嘅現榨香醇牛乳製作，有多種口味組合，鮮豔彩色拼盤雪糕供您選擇。特別喺夏天時最受歡迎，8個一組大約3,000日圓左右。用「冷凍便」送到府上！
人氣LeTAO同Mon cher「蛋糕」
乳酪芝士蛋糕、朱古力乳酪雙層蛋糕、生乳捲蛋糕、牛奶crepe等蛋糕類，喺眾多乳酪芝士蛋糕當中北海道嘅「LeTAO」最出名，而如果想食瑞士蛋糕卷嘅話，Mon cher嘅堂島蛋糕卷就CP值超高。乳酪芝士蛋糕直徑12cm大約2,000日圓左右，而蛋糕卷一條就約2,000日圓，乳酪芝士蛋撻就約1,500日圓5個左右。
今次介紹嘅日本網購美食入面，你最鍾意邊款呢？有乜嘢網購美食推介？歡迎留言話俾我哋知！
Comments