「抹茶（Matcha）」呢個單字可以講係世界嘅共通語言。使用抹茶製成嘅飲品、點心已經係基本嘢，無嚟日本就食唔到，嚟到日本就一定要食到嘅抹茶甜品！要介紹俾大家一啲連抹茶控都好surprise，喺淺草嘅濃厚抹茶雪糕！
同老舖茶室一齊合作，打造世界最強嘅抹茶雪糕
位於淺草嘅淺草寺附近，有間1853年創立嘅老舖茶屋「壽壽喜園」。同靜岡縣嘅抹茶甜品工廠「nanaya」共同打造嘅雪糕，係開始販售以來就係排唒大隊嘅人氣名店。
抹茶雪糕嘅抹茶濃度，從No.1到No.7總共七種口味。最濃嘅係「No.7 Premium」，使用農林水產大臣賞受賞茶園嘅高級抹茶，製作出“世界第一濃厚”嘅抹茶雪糕。令來自世界各地嘅抹茶控都好好奇要嚟朝聖咁話。
可以揀杯或甜筒，單球或雙球嘅價格都唔一樣。最有人氣嘅係世界上最濃嘅抹茶雪糕No.7同其他口味嘅組合。雖然話就話係雙球，喺呢度係指可以揀「2種類」嘅意思，份量幾乎一樣。
跟住落嚟，我會根據抹茶嘅濃度同口味，一個一個按照順序嚟介紹囉！
No.1
濃度同市面上賣嘅抹茶冰差唔多。可以感受到嚴選北海道牛奶風味嘅抹茶牛奶口味。
No.2
較No.1抹茶雪糕更重牛奶味，亦可以感受到抹茶原本淡淡嘅苦味。
No.3
牛奶嘅甜味同抹茶嘅苦味混埋一齊嘅協調性啱啱好。可以感受到茶嘅五味（甜・酸・苦・辣・澀）。
No.4
比起甜味，茶嘅澀味同苦味比較強烈，口中嘅抹茶散發出抹茶香氣。
No.5
鮮亮且濃濃的綠色，沒有使用著色，是茶本身持有的天然色彩。可以感受到茶本身特有的澀味，且在口中帶一點甜味，可以說是抹茶控們喜歡的口味。
No.6
比起澀味更可以強烈感受到抹茶風味同清涼感，清爽嘅餘韻令人留下好印象。
No.7
呢個係到目前為止比起來簡直係異次元嘅等級！雖然最高級但都唔係淨係得苦味，而是終極嘅濃郁! 採用農林水產大臣受賞茶園嘅高級抹茶所製作出嘅奢侈美味，連唔太鍾意抹茶嘅人都讚過好食㗎!
抹茶以外其他各式各樣嘅口味都可以試吓呀！
事實上，鍾意抹茶以外口味嘅客人都好多，例如牛奶風味備受好評嘅「紅豆」，隱藏人氣口味「草莓」，茶味豐富嘅「焙茶」、「玄米茶」、「和紅茶」，採用非常講究嘅「黑芝麻」等等。搭配超嘅「No.7」非常適合，嚟試吓各款不同嘅組合啦！
都可以感受到抹茶濃度嘅朱古力
店內都有賣同雪糕一樣有七個濃度嘅抹茶朱古力。一上架就即刻被人擔購一空嘅人氣商品嚟㗎，不妨早啲去, 喺一開店嗰時就買啦！
好適合做手信嘅日本茶都有賣啊！
因為係老舖茶屋，全國精選嘅茶都喺度聚首一堂，買雪糕亦可以順便買埋好好飲嘅日本茶呀。
＜基本資訊＞
- 店名：壽壽喜園
- 地址：〒111-0032 東京都台東區淺草3-4-3
- 營業時間：10:00～17:00
- 公休日：每月第3個星期三
Comments