隨著夏日嘅風聲腳步行近，有無諗過好寫意咁坐係沙灘上面嘆杯酒，同三五好友或者係情人一齊係透明度極高嘅大海裡面嬉戲、浮潛，甚至仲有好似鐵甲奇俠咁會飛起嚟嘅水上活動，係咪令你好心動呢？就算心動都唔好急急腳行動丫，睇完小編為大家準備嘅石垣、沖繩懶人包之後，先同老細遞假單喇！
極致島遊第一島：石垣島！
從香港出發飛行時間大約兩個鐘，近年嘅觀光人潮亦日益增加，除咗有知名部落客出書介紹外，連遊輪行程亦都將石垣島納入地點之一。島上嘅住宿選擇亦非常多元化，除咗有大型度假酒店之外，亦都有各具特色嘅民宿，交通上嚟講會建議自駕係最方便，好多水上活動都配有接送服務甚至會搵到中文解說嘅行程安排，或者係包的士一DAY遊嘅導遊服務，唔洗擔心語言不通！
石垣島必去行程之一：川平灣
必去指數：★★★★★
被「米芝蓮綠色指南日本篇」評選為三顆星，種類約有215個嘅珊瑚礁生態，亦能發現保育類動物「鬼蝠魟」嘅蹤跡，川平灣係禁止任何嘅水上活動，但係可以搭玻璃船觀賞呢個三星等級嘅自然美景。
【小編小語話你知】
- 費用：成人約1030円;幼童約520円
- 營業時間：9:00～17:00﹝亦有可能因氣候而做調整﹞
石垣島必去行程之二：日落沙灘★★★★
必去指數：★★★★
密綿嘅白沙灘、清徹透明嘅海水，瞓係水流上面享受大海嘅擁抱，小朋友响沙灘玩沙，如果呢個係你要嘅畫面，咁就揀日落沙灘喇，唔但止老少咸宜，現場仲有得租太陽遮、躺椅或者沙灘排球等，連付費使用嘅淋浴間同儲物櫃都有，令你可以舒適咁享受呢個迷人嘅沙灘。
【小編小語話你知】
- 營業時間：【5月1日至10月15日】9:30～18:00（最後入場時間17:00）
- 付費設備：沖涼間‧廁所及更衣室/成人:500日幣,兒童:250日幣
石垣島必去行程之三：日本第一個星空保護區「平久保半島的久宇良」★★★
必去指數：★★★
位於石垣島北部平久保半島西嘅『久宇良』係日本第一個被列為星空保護區嘅場所，搭開放式嘅雙層巴士出發，唔單止有滿天嘅星空陪住你，仲有極高嘅機率可以遇到流星，瞓係星空下仰望星星伴隨著現場專業嘅三味線樂手音樂演奏，R爆頭唔知點樣預備個浪漫又難忘嘅驚喜求婚俾女朋友嘅話，呢片星空話唔定係最佳嘅催化劑！要特別留意開團時間丫！
【小編甲哩共】
- 費用: 12歲以上成人7,800円 / 5到11歲兒童3,900円
- 開團時間:請按以下網站查看詳請
- https://tagoo.jp/optour/ishigaki/outdoor/oa2501/
石垣島購物行程：公設市場及Maxvalu百貨
必去指數：★★★
距離石垣港徒步約5分鐘就可以到達嘅公設市場，搭郵輪去嘅話，呢邊係購物嘅最佳地方，唔但止有很多紀念品、手信有得買，連知名嘅石垣島辣油、泡盛酒或海葡萄等，都有得買丫！市場嘅中央三樓仲有個食堂，可以品嚐到當地新鮮食材所烹調出嚟嘅美食。
自駕嘅話，就可以揸車去24小時嘅Maxvalu Shopping喇，有大家最愛嘅藥妝店、電器等，零食、日本酒嘅選項係多到滿瀉！
如果你由細到大都係美人魚故事嘅FANS，咁你就更唔可以錯過參加「幻之島」嘅美人魚活動，由石垣島出發搭船約30分鐘嘅時間，就可以抵達幻之島，除咗青洞、珊瑚礁之外，仲有得事先預定美人魚服裝係藍的海裡面影相咖
【小編小語話你知】
美人魚行程★★★
- 成行人數而決定價格:
- 1～2人成行, 一人8,000円
- 3人以上體驗美人魚行程, 一人7,000円
- 詳情請睇: https://tagoo.jp/optour/ishigaki/photo/oa1180/
水上鐵甲奇俠行程★★★
- 費用約12,000円到20,000円不等。
- 詳情請睇: https://tagoo.jp/optour/ishigaki/flyboard/
極致島遊第二島：去沖繩囉！
使用針對外國訪日旅客的日本國內優惠機票JAL Japan Explorer Pass(JEP)嘅話，一個鐘大約港幣500蚊就可以由石垣島跳到沖繩喇！一樣都係島嶼，沖繩又比石垣島嚟得觀光氣息更為濃厚一D，沖繩嘅第一站我地就先去山上喇！
沖繩：比地大瀑布
必去指數：★★★★
沖繩其實唔只有美麗沙灘，仲有一個約26公尺高嘅比地大瀑布，單趟約1.5公里左右，來回漫遊嘅時間大約係3個鐘，沿途都係有修整過嘅步道，就算湊住小朋友都可以安心參加，單趟約40分鐘，幸運嘅話仲可以遇見琉球龍蜥、琉球歌鸲喔 ！
【小編小語話你知】
- 入場門票：成人500円 兒童300円
- 詳情請看：http://hiji.yuiyui-k.jp/
令你無比悸動嘅超美海景：萬座毛
必去指數：★★★★
位於沖繩嘅西海岸，高度約有20公尺嘅懸崖峭壁，從遠處睇落就好似個大象鼻咁，當陽光折射係湛藍嘅海水上，透出耀眼嘅光芒，唔同深淺嘅藍更係令人不禁讚嘆，沿著觀光步道散步約30分鐘嘅行程，唔好唔記得要同大象鼻影相丫！
【小編小語話你知】
- 從那霸機場揸車約 90分鐘
- 沿著步道散步約30分鐘嘅行程
傳說中琉球王國嘅最高聖地：齋場御嶽
必去指數：★★★★
嚟到呢邊好自然感受到一股神聖嘅氛圍，據講呢邊係琉球王國嘅創世神「Amamikiyo」所造，琉球王國最高嘅聖地。齋場御嶽裡有六個神域，其主要嘅象徵係三庫理，由巨型岩石交疉出三角形嘅通道，係以前琉球王國時代舉辦祭典時，會從久高屋運來白砂，鋪滿整個御嶽，各位嚟參觀時，亦請一定要帶著虔敬嘅心遵守當地嘅規定喔！
【小編小語話你知】
- 從那霸機場出發約35分鐘車程(那霸市國場→經由南風原町)
- 開館時間 : 9:00～18:00 （最後入館時間17:30）
- 費用: 成人200円、國中、小學生100円、20人以上團體150円
沖繩好好食同好好買嘅國際通大道
必去指數：★★★★★
唔理係食定係買，係國際通大道都可以滿足你嘅需求，沖繩必食嘅沖繩蕎麥麵、阿咕豬、石垣牛燒肉、美式牛扒、雪鹽雪糕等，應有盡有，藥妝店、超商、百貨公司或者係沖繩琉璃也都買得到，半日時間絕對係走唔甩喔！
【小編小語話你知】
- 從那霸機場出發約35分鐘車程
美麗海水族館嗰日都可以安排去埋古宇利島
必去指數：★★★★★
從美麗海水族館出發前往古宇利島嘅話，大約40分鐘左右就可以抵達，途中會跨越全長約2公里嘅知名古宇利大橋，記得要去偶像團體「嵐」拍廣告嘅心型礁岩影相丫！古宇利島又叫做戀之島，據說係以前，有一對男女童從天而降，係呢度過著快樂嘅生活，而佢地嘅子子孫孫就成為咗後來嘅沖繩人。
【小編小語話你知】
- 從那霸市區自駕，車程約1個半鐘。
- 地址：日本 〒904-0406 沖繩縣國頭郡今歸仁村字古宇利
日本跳島行程你又覺得點呢？呢個夏天嘅端午假，同公司攞假嚟衝一波喇 ！
新嘅旅遊路線點止呢D，每周五都會固定更新。記得準時睇喇！
JEP詳細介紹請睇呢邊→JAL Japan Explorer PASS
Comments