去沖繩玩，唔出奇！
去合掌村玩，唔出奇！
去富士山玩，唔出奇！
一個旅行去哂呢三個地點，好啦！係令人有D好奇。
話說隨意門應該係所有旅人們最想要嘅一個法寶嚟卦！唔單止可以瞬間到達想去嘅地方，重點係唔洗錢！雖然而家嘅科技仲未有法子真係實現呢個願望，但係交通時間大幅縮短、價格亦親民到不行嘅方法，簡直就係隨意門嘅現代版！利用呢個隨意門，令你一次日本行就能征服沖繩、合掌村同富士山！等我地繼續睇落去喇！
沖繩‧首里城之旅
對於沖繩旅行相信大家都唔會陌生！由香港到沖繩約兩個半鐘嘅時間就可以抵達，旅行所用嘅交通時間亦都係安排旅程中最重要嘅一個環節，太長時間嘅交通，往往仲未到達景點就將體力耗盡，咁亦都係沖繩受到台灣及香港人喜愛的原因之一，一般大家對於沖繩的印象除咗浪漫的沙灘教堂婚禮、海邊活動及購物之外，其實仲有一個很重要嘅歷史遺跡，而且係2000年更被判定為世界遺產之一，佢就係琉球王國嘅遺跡：首里城。咁亦都係點解成日聽到同提到沖繩嘅時侯，總係「琉球」「琉球」咁嗌嘅原因，首里城係琉球王國時嘅王宮，佢嘅外觀建築融合咗中日嘅風格，仲有著極高超嘅石砌技術，嚟到沖繩記得來朝聖一下呢個世界遺產丫！
打開隨意門，從沖繩快速抵達白川鄉合掌村
係以往,咁樣嘅旅行路線係無咩可能發生，點可能玩完沖繩，仲能夠一瞬間抵達日本嘅東北地區，但係而家有咗日本國內航線針對外國觀光客所推出嘅國內線優惠方案JAL Japan Explorer Pass（JEP），就好似隨意門一樣，滿足你暢遊日本嘅願望，沖繩那霸機場飛到離白川鄉最近嘅小松機場只係大約2個鐘，都唔洗港幣800蚊，令你征服第二個世界遺產─ 白川鄉合掌村。
冬季嘅童話世界、夏季嘅山光明媚，合掌村唔同嘅面貌及獨特嘅風情成為日本旅遊及推薦景點之一，特殊嘅房屋造形就好似雙手合掌咁，所以被稱為合掌屋，亦方便積雪滑落、唔易推積，屋頂係使用茅草而蓋，當屋頂茅草更換時，必須動員全村人力，亦形成合掌村村民一股特殊民情，你都可以選擇係合掌村過一晚，係世界遺產中過夜，應該會令人羨煞不己吧！有投宿過嘅朋友仔，感覺如何呢？小編都好想知道喔！
點可以少咗富士山呢！
一樣用唔到港幣800蚊，一個鐘頭10分鐘的時間，從小松機場抵達東京。到達東京後，可以先係東京觀光，再出發到富士山，因為係熱門景點，所以交通亦都十分方便，富士山，佢係2013年被列入世界遺產，除咗無論由邊個角度觀賞，都係左右對稱地優雅矗立外，更係日本人信仰嘅核心，你可以挑戰登上富士山之外，其實遊富士五湖﹝西湖、精進湖、本栖湖、河口湖及山中湖﹞亦係十分熱門欣賞富士山嘅方式！有朋友已經征服咗富士五湖了嗎？定係一早就攻埋富士山頂呢！
一趟日本行就令你足跡橫跨三個世界遺產，重要嘅係旅行的預算或者時間卻唔會因此而增加太多，只要善用現代版嘅隨意門：日本划算嘅國內線飛機JEP，就能令你嘅日本之旅變得不思議喔！
新嘅旅遊路線點止呢D，每周五都會固定更新。記得準時睇喇！
JEP詳細介紹請睇呢邊→JAL Japan Explorer PASS
Comments