三重縣內知名觀光景點嘅城下町－伊賀上野，自古以嚟就以「忍者之街道」呢個稱呼聞名全日本，而佢嘅厲害之處唔單止凈係咁！呢篇文章，我地將會同東京出身嘅嘉賓一齊，探訪喺車站步行範圍內可以短時間去睇嘅觀光景點！
今次同我哋一齊漫步伊賀上野嘅嘉賓，係呢位有自然曲髮做標嘅先生，暱稱為阿蓬先生。雖然好多人未必記得佢真名，不過姑且喺呢度介紹一下阿蓬先生嘅本名－林田將明先生。佢喺東京大學、史丹佛大學等地，針對宇宙分野進行研究嘅物理學家。主要研究議題，包括黑洞周圍所引發嘅現象，或者係放射線範疇中伽瑪射線相關研究等。喺國際間非常有名嘅綜合科學期刊「Nature」雜誌上，亦刊載咗林田先生嘅論文，喺業界嚟講係非常具有影響力嘅人物。
9:00 伊賀市站乘搭忍者列車
抵達伊賀市之後，咁啱撞到伊賀鐵道嘅忍者列車駛進月台。真係太幸運啦！呢台忍者列車嘅外觀係「銀河鐵道999」大名鼎鼎嘅作者－漫畫家松本零士先生所設計。車內獨特嘅設計，亦令好多遊客為咗想一睹忍者列車，而造訪呢度。
我哋喺車站前裝飾咗「銀河鐵道999」主人公梅德爾同星野鐵郎銅像嘅觀光諮詢所，拎到今次旅程唔少得要用嘅觀光地圖。
9:30 伊賀編繩體驗
第一站去到伊賀傳統傳承館－伊賀編繩 組匠之里。編繩，係喺人氣電影《你的名字》入面作為男女主角間嘅聯繫，因而受到大眾矚目嘅日本傳統工藝。電影雖以岐阜縣作為故事舞台，但事實上伊賀上野卻係占咗全日本90%生產量嘅編繩生產地。編繩係由奈良時代之前就開始代代相傳、富有歷史嘅傳統工藝，所使用嘅絲線亦喺伊賀當地進行染色。今次學習嘅，係藉由圓台輔助進行嘅手織方式。
喺鏗咚聲中，阿蓬先生一邊講論吊墜同線球兩者間嘅重力話題，一邊則用手確認線球嘅觸感，隨著步驟擺弄線球。腦海中自然地浮現出電影內嘅場景。
「聚喺一齊，成型，扭曲，纏繞，有時又還原，斷裂，再次連結，呢個就係組紐。」「連接繩線嘅係結，連接人與人嘅係結，時間嘅流動都係結。」（截自電影《你的名字》）
嗯～真係深奧！
完成嘅作品就好似上圖咁，編繩手鍊同鎖匙扣。喺呢度，既有接觸傳統工藝嘅機會，亦享受到親身體會手工製作嘅寶貴時間。仲製作出屬於自己獨一無二嘅作品，更加係無價！（雖然咁講，不過體驗費都要1100日圓！）喺手作體驗之後，唔好漏咗參觀介紹編繩歷史嘅展示室，可以更深入了解有關編繩嘅知識。展示室仲提供英文版本解說。
伊賀傳統傳承館 伊賀編繩組匠之里
地址：伊賀市上野丸之內116-2
電話：0595-23-8038
10:30 伊賀流忍者博物館忍者秀
嚟到呢度當然唔可以唔睇忍者啦！想要了解忍者有關知識嘅話，就要去伊賀流忍者家啦。乍看之下似乎只係普通住家，但入面有好多機關，包括隱藏門、逃跑密道等，仲有忍者導覽員帶住遊客一邊實際演示，一邊介紹各個機關。
忍忍！
併設嘅忍術體驗館、忍者傳承館中，展示咗各式各樣嘅忍者道具，古物書等，包括我地都識嘅手裏劍、飛鏢等。另外，由伊賀忍者特殊軍團「阿修羅」所帶嚟嘅忍者表演，更加係魄力滿分！
日本海外都有展開公演嘅人氣軍團。女性忍者仲使用編繩進行戰鬥！
喺唔同日子都定期推出手裏劍體驗，射中紅心嘅遊客仲可以獲得忍者學習帳作為獎勵。
伊賀流忍者屋敷
地址：三重縣伊賀市上野丸之內117
電話：0595-23-0311
12:00 昌苑享用燒烤伊賀牛涮肉片
午餐去到日式燒肉專門店－燒肉舞台 昌苑。宣傳標語係「究極般嘅美味、家庭般嘅價格」，招牌菜就係燒伊賀牛涮肉片。由於伊賀牛嘅生產量好稀少，僅喺伊賀近鄰地區先至進行流通販賣，所以亦被賦予「夢幻之牛」嘅稱號。昌苑呢家舖頭，則由市面上稀有嘅伊賀牛之中，更嚴選品質最好嘅牛肉提供俾顧客享用。
將店家最具自信嘅薄切牛肉經過炭火燒烤後，喺微微皺縮嘅牛肉表面，浮現出鮮美油脂。小心輕輕咁捲起，唔好俾美味流失，沾上店家特製嘅醬料享用。
燒肉舞台 昌苑
地址：三重縣伊賀市上野忍町2520-5
電話：0595-24-3194
13:00 伊賀上野城 高度令人欽佩嘅石垣
食飽之後，我哋去到由藤堂高虎所建築而成嘅上野城。而家佇立於城跡之上嘅，係喺後代再現嘅模擬天守閣。
喺呢度最令人為之驚嘆嘅係，日本國內數一數二高嘅石垣。
行到離城牆邊緣非常接近嘅一角望落去，雙腿忍唔住發麻！話俾我哋知呢個絕佳觀景地點嘅女性話「呢個位置可以行到非常邊緣，令人有種幾乎要一墜而下嘅錯覺！」無諗到真係好似佢咁講！如果有畏高嘅話，就千祈要小心啦！
伊賀上野城
地址：三重縣伊賀市上野丸之內106
電話：0595-21-3148
13:40 到日本酒酒吧享用最上乘嘅好酒
我哋嚟到上野站徒步1分鐘就可以抵達嘅商店街「新天地Otomnari」。呢一日咁啱撞到商店街內「italian balono」舉辦日本酒嘉年華。（每個月第二個星期日舉辦）將舖頭內提供嘅新酒、限定酒、市面上稀少嘅日本酒等精選日本酒，利用企喺度飲用嘅方式，俾顧客可以品嘗比較唔同嘅日本酒活動。
喺呢度都可以一嚐市面上少見嘅伊賀當地日本酒風味。
星期日嘅日本酒酒吧（Italian bal ono）
地址：三重縣伊賀市上野丸之內23
※每月第二個星期日舉辦
來賓：林田將明（阿蓬先生）
導覽顧問：作家Kanzaki
作者：福田Miki
Fukuda Miki。OTONAMIE三重縣觀光情報網路雜誌副代表。OTONA MASTER
擔任東京某企業公司嘅社長秘書，兼任辦公室中心長。學生時代就開始半工半讀進行而家嘅工作。2014年隨著丈夫從東京搬遷至三重。喺對於離別舊生活嘅感傷中亦懷抱起對新環境所產生嘅好奇心。由於係從外地而來嘅關係，更加深深受到三重呢塊土地自身魅力嘅俘虜。
OTONAMIE http://otonamie.jp/
*此網站附有Google網頁翻譯功能。
Comments