大家好！
由今個月開始到出年嘅3月、大約1年的時間左右、我地會為你地詳細介紹有關2021年係日本・關西舉辦嘅世界知名嘅大型運動會「World Masters Games 2021 關西」資訊。
今日、我地會介紹舉辦地、關西地區嘅相關資訊俾大家知。
東京同九州都有去過、但未去過關西嘅人應該都為數唔少?為咗為數唔少嘅你地,準備相關資訊情報要話你知。
就算有去過嘅、又係唔係淨係去大阪同京都?其實關西仲有好多地方係必去咖!
關西必去理由①
大大條美食街道！食美食可以食到你個胃圓碌碌飽到郁唔到！
大阪嘅靈魂料理非章魚燒同炸串物莫屬！可以第一時間熱辣辣咁擺入口,係B級美食「平價美食」嘅代表！
歷史悠久家喻戶曉嘅京都傳統家常料理おばんざい「Obanzai」、係用簡單嘅調味，帶出食物原始風味嘅料理、同埋豪華嘅懷石料理都係小編推介。當然唔少得絕品美食嘅抹茶甜品喇!
其他嘅仲有係兵庫美食名物、落左湯頭食落口感鬆軟嘅明石燒（睇落同章魚燒好似樣！）、名牌神戸牛嘅牛扒等等由B級去到高級美食嘅多元變化享受。
係奈良、首推當地代表嘅表表者・柿葉壽司！係以前,山間嘅土地裡, 鯖魚等等的海産物係屬於貴重食材、所以開始左將鯖魚放係醋飯上面再用有去腥味作用的柿葉去包裹按押而成嘅柿葉壽司。
關西必去理由②
可以感受到好多世界遺産嘅樂趣！！
首先、應該好多人都有去過？有名嘅京都清水寺。最值得去嘅就係「清水の舞台」。無論係企係樓高12米望落去、定由下面嘅平台望上去都係絶景。特別係春天嘅櫻花景色同埋秋天嘅紅葉景色係份外美麗！！！當然5月份大會嘅開催時間係青蔥綠色風景嘅季節都係不容錯過喔。
然後、係兵庫縣嘅姫路城。1993年初次登錄日本世界遺産、“醉人唯美程度係日本第一” 譽響嘅名城。係呢邊睇春天嘅櫻花景色都係絶景！！
關西必去理由③
去旅行去到攰的話・・・去浸個温泉消除疲勞喇！
小編要介紹嘅係位於兵庫縣嘅城崎温泉。係呢5年裡面嚟觀光嘅外國遊客升咗成35倍係人氣首位嘅熱門温泉地！ 可以造訪7個外湯的「外湯巡遊」正係城崎溫泉的一大特色、巡遊外湯時嘅係都不妨換埋浴衣出門、係舊街漫步感受古街日本風情。
只要你行出多幾步,就可以試到到咁日本風嘅體驗喇。
你地又覺得點呢？
今日挑選左呢幾個代表性嘅場所、食物介紹比大家、唔止呢邊嘅介紹、嚟緊仲會有其他嘅詳細介紹特集,記得密切期待留意喇♪
Comments