日本最受歡迎嘅車種係易於駕駛喺狹窄道路且省油嘅小型車、以及乘坐空間寬敞嘅RV休旅車。但係喺呢幾年，銷售台數逐漸上升嘅係SUV（運動休旅車），能夠輕鬆行駛於惡劣路況或者係積雪嘅道路。
介紹您2017年最暢銷嘅SUV前五名
第一名：C−HR（Toyota汽車）11萬7,299台
以Hybrid車「Prius」為基礎，設計出時尚風格嘅SUV車。C−HR款式有兩種，一種係採用省油嘅Hybrid油電混合動力引擎嘅前輪驅動系統FWD、另一種係雪地越野功能卓越嘅1.2升四缸渦輪增壓引擎嘅四輪驅動系統AWD。2016年12月發售後無幾耐就獲得超高人氣。雖然有後車廂收納空間略為狹窄、視線不佳等缺點，但高級時尚嘅魅力令呢D缺點瑕不掩瑜。
第二名：Vezel（Honda） 6萬4,332台
2013年12月上市嘅小型SUV。喺亞洲，或者大家對Vezel另一個名「HR−V」會比較熟悉。而款式有兩種，省油嘅1.5升Hybird油電混合動力引擎及高功率嘅1.5升DOHC雙凸輪軸引擎。分別皆可以揀選前輪驅動或四輪驅動。小巧車型卻可以容納五名成人乘坐，而且仲配備咗容積約400公升嘅後車廂。
第三名：Harrier（Toyota汽車） 5萬8,732台
以針對美國市場推出嘅「RAV4」為底，翻新設計出內裝同外裝都迎合日本人喜好嘅豪華風格，此車款屬於中型SUV。外觀同前一代「LEXUS」神似，內裝亦採用咗LEXUS咁嘅複雜曲線設計。車款種類豐富、有省油嘅Ｈybird油電混合動力引擎、高達231匹馬力嘅2公升渦輪增壓引擎以及2升自然進氣引擎，呢D亦都係佢受歡迎嘅因素。
第四名：X−Trail （Nissan） 4萬9,873台
喺美國以「Rogue」之名販售，亦都係喺小型SUV車市（日本相當於中型）中家喻戶曉嘅高人氣車型，與Toyota「RAV4」爭奪第一。一般嚟講，喺日本比較難以接受美國受歡迎嘅車款，但係X−Trail卻意外地喺日本大受好評。呢個車款最大嘅特色係搭載咗正規AWD系統「ALL MODE 4x4 i」，惡劣路況下都可以安心下坡嘅下坡穩煞，仲有自在奔馳於越野嘅配備，一應俱全。
第五名：CX−5（Mazda） 4萬1,622台
2017年2月第2代革新設計嘅Mazda中型SUV。呢款車型最大特色係卓越嘅高速性能。行駛於高速公路及曲折山路嘅穩定性高，喺同等級嘅日本製SUV車中最為傑出。價格400萬日圓以下嘅SUV車之中，佢係唯一選用省油嘅渦輪增壓柴油引擎，亦都係佢嘅特色。呢種引擎目前最高輸出175 匹馬力，近期預計改裝190馬力嘅引擎。
特別介紹：Hustler（Suzuki） 7萬2,600台
日本嘅系統係將普通汽車與輕型汽車嘅銷售數分開統計。而喺輕型汽車中有一台難以小覷嘅SUV，就係Suzuki嘅Hustler。
Hustler於2014年1月上市，係一台輕型嘅SUV車。而Suzuki近40年販售超小型越野SUV車「Jimny」，佢就連石頭路同深度較淺嘅河川都可以輕鬆越過。而Hustler更加優於Jimny，其特性接近轎車。呢款輕型SUV係由出產Jimny嘅Suzuki所生產，以此品牌形象為背景逐漸受到大家歡迎。上市嗰年其銷售紀錄超過10萬台，人氣至今歷久未衰。車子尺寸非常短小，全長先至3.48公尺，但係車內空間非常寬敞好用，深受好評。
以上介紹，大家覺得點呢？如果想買車嘅話，您會揀選邊一台呢？
Comments