高山或白川鄉、奧飛驒溫泉鄉等等，觀光地眾多嘅日本中部地區最有魅力嘅就係保留住日本原來嘅風貌，好受人歡迎㗎。外國旅客當中都好有人氣，亦有好多好似用到米或特產例如栗子等製作成當地點心。喺出名嘅觀光地嘅手信店或高速公路嘅休息站等都可以睇到當地人氣點心嘅蹤影, 今次就想介紹俾大家知！
栗子嘅香味一啲都無浪費到, 全部凝聚喺「栗金飩」上／岐阜縣
呢個係以岐阜縣為中心嘅中部地方傳統點心。栗子攪成泥之後加入和三盆（日本四國東部所生產嘅高級砂糖），用毛巾包好再擠壓成栗子嘅形狀。栗子嘅盛產期係喺秋天，所以季節限定販售嘅店家較多，岐阜縣惠那或中津川區域嘅名店都有好多。出名嘅店家，會直接當日賣完。販賣嘅價位大約係一盒10個賣2,000日圓左右。
米飯攪碎串起來燒嘅「五平餅」／岐阜縣・長野縣・愛知縣
米飯煮過後，攪碎用竹籤串起，塗上醬油同味噌、芝麻等醬汁後燒。串嘅時候揉成圓形嘅糰子狀或係壓扁、圓筒狀等等，依照家庭唔同做出來嘅種類也會唔一樣。主要係長野縣嘅木曾・伊那地區、岐阜縣、愛知縣嘅三河地區嘅傳統點心之一。溫泉街嘅手信店、五平餅專賣店或者定食屋等都有賣，一支約200日圓左右。有各式各樣嘅形狀同醬汁，試吓食再比較吓吖！
野澤菜同野菜等等用麵粉包起嚟燒嘅「御燒」／長野縣
呢個係長野縣嘅傳統點心。麵粉同蕎麥粉等用水一齊攪和。使用薄皮，將蔬菜同小紅豆等材料包起嚟，做成圓形後，兩面烘烤。因為長野縣種植嘅米唔適合，所以較多係使用麵粉同蕎麥粉嚟製作。一般嘅材料就例如係長野縣嘅特產: 野澤菜、野菜、南瓜、核桃。亦有專門提供圍爐圍住嚟燒御燒嘅專賣店㗎。超商同超市賣緊大約1個150日圓左右。
以上介紹嘅呢幾款當地點心，你覺得點呢？最想試邊款呢？歡迎你留言俾我哋呀！
Comments