除咗上次介紹過嘅第一回美妝推介，其實日本人都好鍾意藥妝店開架式化妝品㗎！所以今代眼妝篇第二集就會繼續為大家推薦清透新色！
TOP1 EXCEL 裸色深邃眼影SR06
享負不動人氣寶座嘅棕色系眼影人氣品牌EXCEL。深受日本女生歡迎嘅原因，就在於只要用手指輕輕將四色重疊、就可以輕鬆做出濕潤質地融合、高雅光澤感以及豐富漸層♪四色眼影盤內每一隻顏色都叫人用得愛不釋手，先有淺色適合約會時當作畫淚線之用，再有深色可以用作搽上大範圍＆眼尾1/3部分較大嘅金色亮粉質地眼影，因此可以話係適用於任何場合嘅萬用單品！
（4.3g / 全8色）1,500日圓
TOP2 Kate 進化版持久液體眼線筆EX BR-2
與文具製造商「Pentel」共同研發而成嘅極細筆實在係非常好畫！無論係第一次使用眼線液、又或化妝技巧已經純熟嘅人，都一樣可以順利畫出內眼線♪顏色介於黑色及啡色中間嘅BR2色號非常適合用於化清透眼妝，而且仲耐汗、耐水、耐皮脂、唔易化開、用溫水就可以卸妝𠻹！
（0.6mg / 全3色）1,100日圓
TOP3 dejavu 24時間不暈持久眼膠筆
獲得第三名嘅，就係呢支擁有無敵持久力、即使朝早畫眼妝都能夠保持成日嘅眼線筆！平滑質地筆芯含有美容成分，即使唔太擅長畫眼線嘅用家都可以慢慢地畫出理想造型☆而且佢同眼影仲融合得好好，柔和印象亦有助提升眼神魅力！最重要係防水得來又可以簡單卸妝呢。
（0.15g / 全3色）1,200日圓（未稅）
TOP4 CANMAKE 星燦眼影膏03 紫色
最近流行嘅液狀質地眼影，雖然只賣500yen，但質素同樣有保證，而且仲有多款唔同顏色可供選擇。眼影膏濕潤質地、內裡配有美容成分，而且既唔會卡粉又夠容易推開，若然重複覆上面的話就可以簡單做出附帶漸層效果嘅立體眼皮。金色亮粉質感高雅，無需擔心掉粉，要維持全日清爽眼妝毫無難度！
（6ml / 全5色 ）500日圓（未稅）
TOP5 LB 單色眼影 N 極光灰
呢款眼影嘅高雅光澤感簡直係喚起春夏令人興奮嘅心情♡好用原因之一，就算佢只用少少份量就可以推得均勻，突顯出眼睛亮度；而且顏色偏暖，就算用單色反覆重疊都可以呈現出高雅感覺♪用上今年流行嘅藍色系色調並帶輕微灰色及薄透感，非常適合配搭米色、橘色或紅色唇膏一齊使用！
（3g / 全5色）1,000日圓（未稅）
睇到呢到，唔知道今次介紹嘅產品當中又有無令您心動嘅化妝品呢？
美妝達人nozzo小姐嘅座右銘為「避免化妝一成不變」。就如化妝品如時並進一樣，妳嘅妝感都一定要跟上潮流啊！只要放膽試試新出嘅化妝品，筆者就保證您一定會有新發現。如果您對本文有任何問題或感想的話，都歡迎喺留言欄話畀我哋知㗎♪當然有推薦嘅化妝品的話都歡迎開心share啦！
Comments