搭載排氣量660cc以下小型引擎、由日本獨自發展出嘅輕自動車（K-car）市場上車種多不勝收，由舉凡常見嘅掀背車，到旅行車、SUV運動型休旅車，甚至開篷車等等，輕自動車外型可謂不計其數。而其中以可愛外觀設計而受到大眾注目嘅，就係大發汽車所推出嘅「MOVE CANBUS」。MOVE原本就因為高實用性而受到眾多用家支持，但自從2016年秋天大發汽車首度將CANBUS模版車公開亮相之後，CANBUS系列人氣便一直有增無減，銷量更超過原本MOVE車系。今日就等我哋嚟揭開CANBUS系列點解咁受歡迎嘅秘密啦！
如同小巴般之外觀設計
MOVE CANBUS一名，源自英文當中CAN與BUS兩個單字合而為一嘅造字，名字內含有「平時日常生活作為方便代步工具、假日則引領用家直達娛樂休閒勝地」，「擁有各式各樣面孔嘅時髦迷你巴士」等意思。四方型車身上方設計成玻璃車窗環繞，車頂就如小型屋頂般一樣精緻可愛；而車身塗裝則採取上下兩部分唔同色調嘅塗色。
德國福斯汽車早於1950年到1967年期間發售嘅歷史名車「Kleinbus（英語為迷你巴士之意）」亦曾採用同樣外觀設計而大受世界歡迎。而MOVE CANBUS則將其魅力帶至現代再次掀起流行風潮，車體形狀經由電腦精密計算、有助將行車時空氣阻力降至最低卻又不失時尚摩登感；而整體外觀就更係充滿復古感，令途人望到都不自覺湧起一股懷舊感。
令車庫蓬蓽生輝之外觀設計
輕自動車係喺日本國內、特別係鄉下地區，人氣十分高嘅代步工具。由於鄉下地區大眾交通運輸唔太發達，因此自用車就成為民生必需品。一個家庭甚至可能不只擁有一架車，而係家族成員一人一架。亦因為如此，稅金、保險或維持費等等花費都比一般汽車平嘅輕自動車就格外受到大眾喜愛。MOVE CANBUS最大特點就在於，佢不單只喺鄉下地區、甚至係都市地區都擁有高企人氣。原因在於古典外觀就算只係停泊喺住宅區車庫，就瞬間可以令人產生一種一家之主人將庭院布置得可愛嘅觀感呢！
小小車身蘊藏著大大空間
講到底，如果只有外觀可愛一個賣點，自動車係根本唔會賣得出嘅。以一台代步工具嚟講，MOVE CANBUS內部設計主要針對追求方便嘅用家。當您進入車內空間後，內部寬闊嘅空間感一定會令您無法想像正身處於全長僅得3395mm，寬1475mm嘅小型車廂裡頭。此外，後座更具有可以前後滑行嘅機關，當後車箱收納行李較少嘅時候，大可將後座座椅向後移、為乘客提供更寬裕乘坐空間；而行李較多時，則可以反方向調整，令後車箱可以容納更多行李。如此自由嘅選擇空間運用功能對用家嚟講可謂相當方便，但如果四人既想要享受舒適空間，但行李又多嘅時候，應該點做呢？唔使擔心！車頂原來已一早配備咗外接式行李架，可以畀多人乘坐時擴充行李裝備空間㗎！
MOVE CANBUS引擎出力雖然只有52馬力，但以時速100公里速度喺高速公路上奔馳嘅狀況嚟講的話，都唔算有太大不足之處。喺今次我哋試揸400公里車程後，發現竟然一公升汽油就足夠車物運行22.6公里，慳油方面同樣出色！如此可愛嘅MOVE CANBUS ，大家心裡面係咪已經燃起咗一股想一搭為快嘅念頭呢！？
Comments