※更新※ 而家大阪、北海道JEP價格只需5,400円就買得到啦。活動期間：2018/10/1～12/15
你無睇錯！今日就要介紹一下呢種不可思議又出奇嘅玩法！一次旅行滿足你三種唔同季節體驗嘅願望，10月底到11月初呢段期間，小編推薦你地安排一個7到10日嘅日本旅行！小編先同大家一齊預演呢個出奇時光機旅程!!
時光機嘅第一站：夏天嘅海灘→沖繩
10月底,沖繩嘅氣溫大約仲維持係22度左右，海水嘅溫度都仲係24度，而大部分嘅海上活動的開放時間都去到10月底，但就算唔玩海上活動，淨係喺怡人嘅沙灘上面曬曬太陽、浸浸海水都身心舒暢,夠哂數啦！今日幫大家安排嘅行程係「翡翠海灘」。位於海洋博公園裡面，雖然係人工海灘，但係海水水質係被列為〝A級〞！就同佢嘅名一樣，海水就好似翡翠咁閃耀。翡翠海灘離沖繩必訪景點「沖繩美麗海水族館」唔太遠，大家可以一早先嚟海灘，跟住再去睇埋個水族館！
※溫馨小貼士：11月到3月只可以係沙灘上面散步唔可以落水咖!(踢下玩下水都唔得 咖)
沖繩必訪「沖繩美麗海水族館」
呢度擁有世界最大規模嘅水槽，「黑潮之海」主要目標係保護同繁殖鯨鯊，目前館內己有二隻鯨鯊，而且亦係全球第一個地方成功以人工飼養出大型魟魚，望住魟魚係水中飛翔、成群小型洄遊魚游來游去，咁嘅畫面就好似有魔法咁吸引住大家嘅眼球。而「珊瑚之海」的開放式屋頂設計，可以直接獲取自然嘅陽光，水槽內嘅珊瑚大部分都已經成長超過10年以上咖！去過沖繩美麗海水族館嘅你地，覺得點呢？仲會唔會想去多次？
結束水族館嘅行程，天仲光嘅話可以順便去附近的「備瀨福林木道」行下丫！
幾千棵樹齡約300年嘅福木，整齊嘅排列就好似一條綠色隧道，無論係散步定係租單車踩一圈，都係最天然嘅森林SPA！
仲有仲有呀,千其唔好唔記得沖繩必行嘅「ASIBINAA」outlet，由於呢度實在太大，舖頭又多，建議大家先MARK好自己想行嘅舖頭再GOGOGO，如果唔係行起上嚟兜嚟兜去嘅話會攰死人呀！而沖繩嘅代表美食：沖繩蕎麥麵、美式牛扒同埋琉球料理記得要去試吓丫！你地又有無推薦嘅心水店鋪呢？
時光機嘅第二站：秋天嘅銀杏→東京
搭日本國內針對外國旅客先有嘅Japan JAL Explorer Pass(JEP)優惠航線嚟到東京，11月初的東京已經可以感受到濃濃的秋意了，特別係黄色一大片嘅銀杏大道，仲有香味咖！﹝聞完之後記得話俾小編知係咩香味丫！哈哈!﹞東京銀杏去邊睇？答案係明治神宮外苑前面嘅銀杏大道。明治神宮本來就係觀光客嘅熱門景點，附近又有原宿同代代木公園，唔只遊客多就連日本人都鍾意去行咖。約300公尺長嘅大道上，左右種咗成四排嘅銀杏樹，就連地下都撒滿銀杏葉,成條黄色地氈咁丫!!感受到四季分明嘅日本,濃濃嘅秋分！
東京嘅高尾山睇楓葉
秋天嘅另一個重頭大戲就係楓葉啦！高尾山係日本人鍾意嘅賞楓熱點，由新宿出發搭京王線大約一個鐘頭度就可以到達京王高尾山口站，小編強力推薦大家一定要試試高尾山嘅醬油烤丸子，鹹甜適中唔癡牙，涼浸浸嘅秋天食番串熱辣辣嘅烤丸子簡直係Perfect Match!上山有三種方式：徒步行上山、搭纜車同埋坐吊車，小編就揀咗坐吊車上山，行路落山，因為其實落車後仲可以再往上面行到高尾山藥王寺，到達最高點仲可以睇得到富士山咖！坐吊車雖然有D得人驚，但係沿途嘅風景會令人覺得抵番哂呀！小編溫馨提示：大家嘅銀包手機等物品要小心拎好丫，唔好為了咗影相跌咗落去就一去無回頭丫！
時光機的第三站：冬天嘅白雪→北海道札幌
搭JEP時光機1個半鍾就可以到達札幌，淨係港幣750蚊左右咋，11月嘅北海道已經係飄住白雪，一邊浸住露天溫泉一邊欣賞雪景，順便將旅途中的疲憊感都一掃而光!可謂人生一大享受，札幌嘅定山溪溫泉街上，有唔同風格嘅溫泉飯店，可以單純享受浸溫泉唔洗住宿，呢種出面凍冰冰入面暖笠笠嘅極致體驗，你唔好錯過呀！到咗定山溪溫泉街可以發現四處都有河童嘅蹤影，據說從前從前有個男子跌咗入河裡面，點搵都搵唔到，一年後、男子的爸爸夢到佢同佢講：佢同佢嘅河童老婆過住幸福快樂嘅生活。係支笏洞爺國立公園口，可以發現河童家族的許願手湯，將溫泉水用勺子由河童嘅頭上注入，用係個嘴流出來的水洗手，面對二見公園的方向，唸以下呢個咒語三次，「オン・カッパヤ・ウンケン・ソワカ」﹝屙,卡爬哎 , 烏茄,梳娃卡﹞，就可以許願啦！無時間享受雪花飄揚嘅露天溫泉都唔緊要，但唔好錯過係街上面免費嘅足湯，感受一下定山溪溫泉嘅魅力啦！有收集到定山溪溫泉各種河童造型嘅相的話同我地開心SHARE丫！
北海道美食→螃蟹大餐
浸完溫泉再嚟個螃蟹大餐，此行係咪已經無憾呢？北海道嘅蟹蟹可以話係遠近馳名，無論係毛蟹定帝王蟹等，札幌都有好多名店提供螃蟹套餐，有D店家仲會直接在係面前SET好料理擺盤後再上菜，唔單只食得仲睇得，連視覺都係場饗宴！
呢趟時光機之旅，大家滿唔滿意？搵岩捉實TIMING、善用日本國內針對外國旅客先有嘅Japan JAL Explorer Pass(JEP)優惠航線，你都可以來一趟專屬嘅時光機之旅！
新嘅旅行路線唔單只呢些，每個星期五都會固定更新。記得準時睇啦！
JEP詳細介紹係呢邊→JAL Japan Explorer PASS
Comments