作為世界時尚之都之一，日本人著衫可謂相當具有自己一套著衫風格。
具備時尚敏感度嘅當地人大致上可以分為兩種：一種為忠實遵循國際流行趨勢；而另一種則為個人建立路線，以瘋狂色彩、哥德式娃娃、極簡主義或其他獨特自我風格作為特色。
您可以喺日本各地購物中心搵到眾多出色嘅日本或國際品牌，但買衫過程中，總係會希望喺購買之前知道係咪啱身先決定吧？如果您都想知應該點樣喺日本試身，就請睇以下落嚟我哋為您詳細介紹嘅攻略啦！
詢問店員
喺日本試身，最重要就係一定要由店員為您打開試衫室大門。日本店員服務都非常周到（幾乎係「太周到」！），佢哋都會非常樂意帶領您去試衫室。
想要試著時，您可以用呢句日文：
試着してもいいですか？
Shichaku shitemo ii desuka?
（請問可以試身嗎？）
店員聽到後就會帶您去試身室，為您開門並話您知應該如何試著。
佢哋都有可能會畀您一塊白色薄布，而呢塊白布就係下一個要談論嘅重點：
將頭罩住
日本非常重視整潔。為保持衣服乾淨整潔，店舖都會希望避免商品沾到彩妝或留下汗漬。
如果要試著恤衫、連身裙或其他需要從頭「笠」上去嘅款式，店員一般都會畀您一片薄薄嘅白色頭罩。
唔使擔心！即使戴上頭罩後，您仍然可以望到外面，亦可以輕鬆呼吸。頭罩係為咗方便我哋從頭部套上恤衫時，可以徹底保持乾淨恤衫而設嘅。（仲可以避免埋唇膏印𠻹！）
當您試身完畢後，就可以除低頭罩，以便睇清楚試穿嘅款式。
當您要除低或試穿第二件時，請記得再次戴上頭罩喎！
請記得除鞋！
就如日本家庭一樣，大部分服裝店都會要求客人進入試身室之前先除鞋。
通常除鞋區都會鋪上一個平台或地毯，試身前請記得將您對鞋放於地毯外或平台下方。
需要注意嘅係，H&M 或Forever 21等國際品牌服飾店都唔會要求您除鞋，反而係大部分日本品牌店家以及二手服飾店先會要求客人咁做㗎！
將衣服放回原處
如果試著後唔鍾意咁又點算呢？
您可以有兩種方式處理：
最簡單嘅方法就係去搵返頭先帶你去試身室嘅嗰位店員。
（大部分店員都會喺附近等您試身完畢，因此您會有多次機會同同一位店員交流。）
與其太過直接地話「我唔需要喇！」，大部分人都會選擇話「我考慮吓先」。
（日本人通常會傾向比較含蓄嘅表達方式，因為直接話畀人聽您唔想要的話聽上去會比較粗魯。）
您可以將商品交畀店員並講以下呢句日文：
少し考えます。
Sukoshi kanga-e-masu.
（我再考慮一下。）
然後店員就會了解，您對產品無興趣，並幫手放回原處。
如果您唔好意思直接跟店員講，亦可以直接將件衫放返衣架上，或係去搵試著後專用嘅回收放置架。
睇上呢篇文章後，以後您就知道應該點樣喺日本試衫啦？
難得去到日本，何不嘗試一個新風格呢？
又或者您又最鍾意邊個日本品牌或時尚潮流呢？喺下面留言話畀我哋啦！
Comments