喺日本用筷子有咩禁忌同習慣你要知！

喺日本呢個充滿文化特色嘅島國裡，有好多根深蒂固嘅規範以及禮儀，例如筷子文化就係其中之一。

去日本之前先了解日本筷子使用禮節嘅話，就可以避免唔小心引發嘅麻煩。雖然認識並了解日本筷子嘅使用禮節對於喺日本用餐時並非必須一環，但絕對有助你旅程變得更愉快，尤其係喺正式場合或商務活動等情況下。

雖然我哋香港都用慣筷子，但喺日本始終文化都有少少唔同，咁究竟有邊啲一樣，又有邊啲唔同呢？如果去到日本依循以下介紹嘅禮節，保證你一定可以做到一個唔會失禮嘅遊客！

日本筷子係傳統嘅餐具

請注意，每次拎起筷子時都必須使用雙手，並請記得手上嘅係用餐餐具，就如刀叉或湯匙一樣，千祈唔好當作玩具、亦唔應該喺食飯時用筷子指人。同香港一樣，喺細個時阿媽都有教，唔好將筷子當做鼓棒敲擊碗盤，咁樣做係好無禮貌。同樣對日本人嚟講呢樣係極度無禮嘅行為嚟㗎！

喺香港都可能有部份人唔用正確方式揸筷子。但如果可以，都係用返正確方式比較好。正確筷子揸法如下：首先，請使用食指、中指同大姆指夾住一隻筷子靠近頂端部份嘅大約三分之一處，然後再將另一隻筷子放於無名指上及大姆指根部，並固定第二隻筷子。當你想夾食物時，只需簡單移動大姆指、食指同中指即可。

大多數日本餐廳都會提供筷子架（箸置き），當你唔係用緊筷子時，請將筷子放回筷架上。如果店家無提供筷架，亦請習慣將筷子橫放於自己面前枱上，或自己用裝筷子嘅紙袋折成筷架使用。總之請注意將筷子放低時要保持水平橫擺於自己面前，如果唔小心將筷子指向其他人嘅話，咁樣做係好失禮嘅。

以下影片介紹如何用裝筷子嘅紙袋摺出筷子架，請按此連結：

當年某大台旅遊節目中某主持都曾經喺日本「直插筷子」而引起大眾反感。呢個唔只喺香港係禁忌中嘅禁忌，連日本都係。日本人喺祭拜祖先或過世先人時會將筷子直插於飯上，一般人相信呢個舉動會帶嚟厄運。

請唔好用筷子叉或戳食物。記得使用筷子時一定係一對一齊用，用筷子叉食物係非常無禮貌嘅行為嚟㗎！

喺日文當中，「橫跨筷子」於碗上別有含意：表示你唔鍾意呢一餐，可謂一種侮辱主廚嘅行為。就如文章前面所提到，放低筷子時應該將筷子放返喺筷架或橫放枱上先啱。

你習慣傾計時附帶手勢嗎？如果係，請一定要先將筷子放好，唔好一邊講嘢、一邊喺空中揮舞你嘅餐具，而且仲要切記用筷子指向他人係好差嘅行為！

由於呢個動作同日本喪禮儀式時、將火化後嘅遺骨夾進骨灰罈嘅動作非常相似，所以用筷子傳物可謂餐桌禮儀上最需要小心避免嘅重大禁忌。

如果你第一次去日本，相信接待你嘅日本人大多都能夠理解你對習俗同基本禮節並唔熟悉。

但請你唔好緊張！無論係同屋企人定朋友、甚至參加商務餐會，只需要依循以上幾點簡單原則，咁就唔怕失禮，可以表現得合宜有禮啦！