一日嘅開始，就用一餐豐富好食嘅多士早餐嚟為自己提供活力振奮精神啦！可能會有人話「本身無乜特別諗頭，所以覺得每次做出嚟嘅多士都係差唔多樣……」對於有咁嘅煩惱嘅的人，我哋今日就同你介紹只需要少少技巧就可以做出好食嘅多士食譜！學識之後，聽日朝早都可以期待自己整出嚟嘅早餐啦～
1. 菠菜荷包蛋多士
首先將菠菜切細份並加入少少鹽，輕輕攪和。將蔬菜水分擠走。然後加入芝士以及火腿再攪拌，跟住就將以上材料放到方包上，再撒上胡椒、橄欖油，最後放入焗爐焗5到7分鐘。雖然就算唔焗、就咁直接食都已經非常好味，但烘焗後加上荷包蛋同黑胡椒味道會更豐富㗎！
如果唔用菠菜，亦可以改用西蘭花～
2. 蕃茄芝士多士
首先將方包搽上蕃茄醬再撒鹽同芝士，然後將切片蕃茄放到麵包上並放入焗爐焗至變啡色（5〜7分鐘）。焗完後淋上橄欖油，再撒上黑胡椒同香草(Parsley)做裝飾。無論係朋友突然到訪，又或對鍾意飲紅酒嘅朋友嚟講，呢款切成細片嘅法式小點心嘅多士都會係非常適合用作招待來賓～♪
3. 三文治棒
首先將方包切成三等分並搽上蛋黃醬，之後只要加入自己鍾意嘅配料就大功告成！
圖中三文治棒由左邊開始依序為：橄欖油炒鴻禧菇、青瓜伴生火腿捲、炒蛋。細細一份三文治豐富又多彩，相信屋企人都會好鍾意！
4. 忌廉芝士牛油果生火腿多士
事先將忌廉芝士放喺室溫下令芝士稍微變軟，然後將芝士搽上方包並放上切片牛油果。最後撒上鹽同胡椒粉，放入焗爐焗5分鐘（1000W）。
如果覺得要一次一大啖食落去唔太方便，可以考慮將多士切成兩半再食用～
5. 泡菜三文治
首先將方包稍微焗一下，然後將烘焗過後嘅多士搽上蛋黃醬，再夾入事先切好嘅泡菜、火腿同青瓜。
韓國辛辣泡菜同西式多士，竟然會咁夾！
6. 火腿芝士牛角包
雖然唔屬於多士，但因為筆者好想推薦畀大家，所以照樣同大家介紹呢個牛角包食譜！將材料夾到牛角包內望上去好似好一般，但如果係喺牛角包上再加配料又會點樣呢！？ 呢個正正就係秘訣所在！
首先將牛角包從中間切開，再將火腿搽上蛋黃醬、然後夾到牛角包內。將切片芝士鋪喺牛角包上再焗融芝士，焗好後撒上黑胡椒即可。
睇完以上嘅介紹，你又最想挑戰邊一款方士呢？又或者實際親手做好後最鍾意食邊款呢？歡迎留言話俾我哋知你感想啊！
■系列文章：
Comments