日本九州最新嘅旅遊路線：鹿兒島→奄美大島→福岡，咁樣玩九州法，你覺得點呢？
JAL Japan Explorer Pass﹝JEP﹞係日本國內航班針對外國遊客先會有嘅超優惠票價，唔止快仲好平吓.有左佢你嘅訪日旅遊路線唔再係一成不變，想去邊！就去邊！一次過搞掂！呢個夏天，同全家人嚟個夏日風情日本九州之旅啦!，日本九州鹿兒島嘅砂浴溫泉、目前登陸世界遺產後補嘅奄美大島同埋以福岡嘅海之中道海濱公園，令旅途中嘅交通成為一種享受，而唔係出國搵罪受。咁究竟點玩法呢？我們繼續睇落去啦！
世界極為稀有的砂浴溫泉一鹿兒島
九州南國之稱嘅鹿兒島，一直以來都係遊客們嘅熱門景點，除咗必試嘅美食黑豬肉料理之外，呢度嘅溫泉泉源數量亦都係日本數一數二嘅天然溫泉王國！特別係指宿市擁有全世界稀少的砂浴溫泉，沙灘底下的硫磺熱泉由山上一路流到去海邊，因為咁，加熱埋啲沙嘅溫度，砂浴溫泉由於重量及熱度雙重因素之下，比起一般嘅水溫泉效果更為加倍，鹿兒島大學嘅研究調查，砂浴對於血管循環功能嘅促進及關節、瘦身、排出老廢物質等都好有幫助！同屋企人齊齊吹住徐徐微風、聽住海浪聲，之後再起身浸個水溫泉，身心好舒暢呀！有去浸過的朋友們，同我地分享下心得啦！
日本人而家嘅旅行熱點一奄美大島
我們跟住就去離島新星─奄美大島出發啦！利用JEP的國內線優惠機票，由鹿兒島到奄美大島都唔洗一個鐘就極速到啦，單程票價含稅都係700零蚊左右就可以造訪日本人新興旅遊熱點啦！
去奄美大島旅行，建議大家一定要租車會比較方便，同時都慳番帶住小朋友又要搵公共交通工具搭嚟搭嘅麻煩，不同於其他觀光島嶼，奄美大島保有未開放前嘅純樸感，最原始嘅美係你眼前直接呈現，亦因為島上獨特嘅地理環境同埋多元的亞熱帶生態，目前亦被列入世界遺產嘅後補名單，受到日本人嘅注目。嚟到奄美大島絕對唔可以錯過海上活動呀!!因為奄美嘅海係超透明，而且通常浪唔會太大，好岩浮潛來跟海底動物們打聲招呼，幸運嘅話海龜朋友仲會係你身邊游過咖！奄美大島仲有日本第二大的紅樹林公園－黑潮之森紅樹林公園，除咗係海邊玩水之外，仲可以悠閒咁划著獨木舟，好寫意咁觀賞呢個不思議嘅自然生態，對於小朋友嚟講，係最好不過嘅天然教材。
如果係8月嘅第一週去的話，一定要記得係夜晚,抬起個頭欣賞一年一度嘅煙花大會！
九州嘅最後一站─福岡
根據福岡市2016年嘅統計資料顯示，經由福岡機場或者博多港，前往福岡旅遊嘅外國觀光客，係2016年已突破250萬人，近5年的新高記錄，可以算做外國遊客嘅新寵！1個鐘零15分鐘嘅飛行時間 ，就可以由奄美大島抵達福岡，除咗必訪景點「太宰府天滿宮」之外，今次為大家特別介紹「海之中道海濱公園」。
無論係家族同遊、情侶或者同朋友甚至年長嘅長輩們都係好岩去嘅景點，鄰接博多灣及玄界灘呢兩大片大海沙洲，東西長約6公里，面積約有300公頃，係超級大的國營公園。唔但止一年四季都有唔同嘅花卉，可以騎腳踏車漫遊沿岸絕景，同小動物近距離接觸的動物之森（唔係電動玩具喔！）、兒童樂園、仲有個超大嘅鯨魚雲朵造型「彈床」，同埋夏日限定嘅水上世界，真係會令人玩到唔想走呀！
使用外國遊客訪日限定日本國內優惠機票JEP，令你一次過輕鬆暢遊九州，呢個夏天,去吓同平時唔同的九州之旅啦!小朋友搭嘅話，仲有機會獲得下面嘅可愛小禮物咖！小編淨係拎過啤牌咋，大家又拎過咩嘅機上小禮物呢？
新嘅旅遊路線點止咁少，每周五都會固定更新。記得準時睇啦！
JEP詳細介紹請睇呢度→JAL Japan Explorer PASS
Comments