甲信越地區（日本中部地方東部山梨縣、長野縣與新潟縣之總稱）嘅櫻花於每年3月下旬開始綻放，由於地區氣候各異，因此即使到咗5月中旬，都依然有能夠欣賞遲開櫻花嘅地點。正因為能夠慢慢欣賞花開季節內最後嘅櫻花，因此以下賞櫻勝點更促成諺語「好花在後頭」嘅誕生𠻹！
1. 高田公園
高田公園嘅櫻花係「日本三大夜櫻」其中之一。公園周邊有約4,000株櫻花齊齊綻放，而池水則會映照射出兩岸邊櫻花樹，構成一副夢幻美景。場內照射櫻花美態嘅約3,000個紙照蠟燈規模之大喺日本國內更係屈指可數！另外，由點燈櫻花樹而成嘅「櫻花道路」亦係一大人氣項目。櫻花季期間中會有眾多攤販到此並列擺檔，係象徵越後春天嘅標誌性活動。
高田公園
- 往年賞櫻時期：4月中旬～4月下旬
- 點燈期間：4月6日～4月22日
- 地址：新潟縣上越市本城町44-1
2. 村松公園
獲選為「櫻花名勝100選」之一嘅公園。園內以染井吉野櫻為中心，輔以陽光櫻花、山櫻花、垂柳櫻花等等大約3,000株盛開櫻花形成一片粉紅盛況。櫻花季期間會有多個攤販及店家到場設置攤位，場內亦會舉辦各種活動。
村松公園
- 往年賞櫻時期：4月中旬～4月下旬
- 點燈期間：賞櫻期間18:00～21:30
- 地址：新潟縣五泉市愛宕甲2631-1
3. 小諸城址 懐古園
數百株櫻花於園內大肆綻放、與老松樹和聲彈奏！由於城址內種有多種櫻花品種，因此遊客就可以隨著盛開季節不同而長時間欣賞到唔同姿態嘅櫻花。特別係小諸固有嘅櫻花「小諸八重紅枝垂」更會開花至四月下旬𠻹！
小諸城址 懐古園
- 往年的賞櫻時期：4月中旬～4月下旬
- 點燈期間：賞櫻期間中日落～22:00
- 地址：長野縣小諸市丁311
- 入場費：300日圓 小孩 100日圓
4. 小布施町
小布施町係櫻花名勝地之一，賞櫻景點散布於區內各地。其中沿著堤岸延伸約4公里嘅「千曲川河川公園」就種有將近530株八重櫻，形成一條絕色櫻花隧道。四月下旬左右咁啱亦係油菜花盛開時期，因此遊客能夠一次過觀賞到黃粉鮮艷繁花共演。除此之外，附近仲有蘋果以及桃花可以欣賞；賞櫻時期亦會舉行點燈活動㗎！
小布施町
- 往年賞櫻時期：4月下旬～5月中旬
- 地址：長野縣上高井郡小布施町山王島
5. 河口湖
以河口湖北岸壯麗富士山與湖面襯托為背景嘅櫻花可謂最佳影相地點。而其中於湖面上倒映著富士山倒影嘅「產屋崎」，就係推薦嘅最佳視野景點。此外，於湖岸櫻花並木旁一邊散步一邊賞花，亦係非常特別嘅體驗。每逢櫻花滿開時除咗會有點燈活動以外，河口湖圓形大廳附近亦會舉辦富士河口湖櫻花祭！
河口湖
- 往年賞櫻時期：4月中旬～4月下旬
- 地址：山梨縣南都留郡富士河口湖町
Comments