日本擁有Amazon、樂天、ZOZOTOWN等多種唔同嘅購物網站，每個網站都各有特色同好處。今次FUN! JAPAN團隊就想同大家一齊睇吓，喺日本國內著名嘅綜合購物網站、服飾專門網站同埋專賣家電用品嘅網站，想知各大網購平台特點？就千祈唔好錯過以下嘅徹底比較喇！
所有商品種類一網打盡－綜合型網上購物平台「Amazon」（亞馬遜）
喺眾多日本網購平台入面，銷售額名列第一位嘅，就係Amazon（亞馬遜）。涵蓋書店、家電、電腦軟體周邊、玩具產品等多種商品嘅大型購物網，以寄送快速為最大優勢，尤其係Amazon獨家販賣，同埋多種寄送商品渠道，更係深受用家歡迎。依據商品類別唔同，Amazon設有可於當日寄送嘅「當天宅急便」，同埋將指定地區訂購商品喺1個小時之內寄送嘅「Prime Now」會員限定服務等，可以格外迅速咁送出商品，係佢服務嘅一大特色。
優惠券同商品種類都咁多！想買得著數就要mark實「樂天」（Rakuten）
商品種類繁多、擁有各地美食訂購功能嘅人氣購物網「樂天」，有別於Amazon，因為平台上有好多比較小規模嘅零售商，所以各商家之間價格競爭激烈，客戶成日買嘢都可以貨比三家先。而樂天亦會唔定時咁發佈「折扣優惠券」或舉辦「限時特價」等活動，如果成日留意住個網站嘅話，話唔定可以用平價就買到自己想要嘅商品𠻹！
潮流服飾網店代表－「ZOZOTOWN」
擁有大約6000多家名牌流行服飾進駐嘅流行服飾專門網店「ZOZOTOWN」，可算係日本流行服飾界嘅業界龍頭，擁有高銷售額。期間限定嘅「折扣優惠」，可以提供高達2折優惠，而「限時特價」活動，則讓顧客有機會以優惠價格購買到名牌服飾。
要買家庭電器就推薦「yodobashi.com」
擁有「日本家電產品線上購物網銷量第一」頭銜嘅「yodobashi.com」以販賣家庭電器產品為中心，同時亦有賣日常用品、書籍等廣泛類型產品。其最大好處係寄送至日本全國各地都免運費，而且仲可以指定當日、隔日寄送服務。如果用佢嘅積分卡「GOLD POINT CARD」，仲可以即時儲高達10％積分回贈𠻹！即使稅前價格可能比同行貴少少，但如果計埋免運費同埋回贈率嘅話，有可能係yodobashi.com會比較抵㗎！
（※）出自「2017年9月網路銷售白皮書」
Comments