我哋每日早晚都要洗2次臉。日本女性都用咩商品嚟洗臉嘅呢？洗面皂、泡沫型嘅洗面Mousse (慕斯)、仲有膏狀洗面乳等各式各樣嘅洗臉產品。唔理邊種都好, 洗面乳都係「每天清潔皮膚嘅必需品」，每個貪靚嘅女性都應該揀岩自己膚質嘅洗面乳嚟用呀。呢次我哋就要介紹人氣品牌嘅日本製洗面乳嘅種類和特色過你知！
對肌膚負擔較少嘅天然配方「固體洗面皂」
固體洗面皂因為含較少化學成分、「喺清潔臉部同時對肌膚負擔較少」為賣點，一直以嚟都深受女性歡迎。除咗廣為大家所知嘅資生堂系列「PRIOR ALL Clear洗面皂」、KOSE嘅「雪肌精 保濕洗面皂」之外，仲有一款喺1970年開賣後就深受好評, 好起泡嘅美白洗面皂「花王White」，同埋自1951年起發售嘅「Rosette Cleansing Paste」海泥洗面乳, 呢個係專門針對痘痘肌、過敏肌研發嘅人氣老牌洗面乳嚟㗎！特徵係改善油性肌膚毛孔租大嘅問題等，上述嘅呢啲人氣商品都可以喺藥妝店買到喔！
唔使搓泡泡嘅「泡沫洗面Mousse(慕斯)」
一開始擠壓滋出嚟就係泡沫嘅洗面Mousse。好處就係唔使另外搓泡泡、特別係啲好忙嘅OL一族嘅福音啊。藥妝店一瓶（150g）賣緊 700～800日圓左右。仲有喺卸妝同時達到洗臉作用嘅泡沫洗臉。Dove嘅「卸妝泡沫洗面慕斯」、BIORE嘅「卸妝同時洗臉嘅高保濕泡沫洗面慕斯」等都係人氣產品嚟㗎。
產品種類最多嘅一種「膏狀洗面乳」
喺眾多洗面乳種類之中最受歡迎嘅一種，亦係藥妝店架上擺咗最多款式嘅就係膏狀洗面乳。擠出適量嘅洗面乳放喺手上用水搓泡泡嚟用。根據唔同膚質有清爽型、保濕型可以選擇，例如花王嘅「NIVEA CREME洗顔」、「BIORE SKIN CARE洗顔料」、資生堂嘅「専科 Perfect Whip洗顏」、Rosette Cleansing Paste」嘅「海泥洗面乳」等都係人氣商品，喺藥妝店一枝（130g）賣400～600日圓左右，經濟又實惠！
Comments