日本關東地方嘅櫻花大槪會喺2月上旬開始綻放，其後各種櫻花就會陸續滿開。而本文要介紹嘅就係直至5月上旬都能夠令遊客盡情賞花嘅遲開花景點。俗語有云：「最美嘅花總係最後綻放」，因此盡情享受由櫻花裝飾嘅開花季尾端就啱喇！
1. 新宿御苑
新宿御苑係一座隱藏於新宿云云高樓大廈中嘅大都會綠洲。園區內約有65種類、1,000株各具特色嘅櫻花爭相綻放，長期都能帶畀遊客享受賞花嘅樂趣，當中尤以4月上旬至4下旬約300株八重櫻開得最為漂亮。由於新宿御苑距離車站近、交通方便，亦係日本重要文化財之一，因此成為遊客於都心享受各色花朵與文化樂趣嘅一大好去處。
新宿御苑
- 往年賞櫻時節：2月中旬～4月下旬
- 營業時間：9:00～16:30（16:00起停止入園）
- 閉園日：每週一（若週一為國定假日，則為隔日休園、2018年3月25日～4月24日無休日）
- 地址：東京都新宿區内藤町11
- 入園費：一般200日圓・中、小學生50日圓・嬰幼兒免費入園
2. 小金井公園
跨越小金井市、武藏野市、小平市、西東京市4個行政區嘅都立公園佔地廣闊，係都內數一數二知名嘅櫻花名所。園內種有50種、約1,700株櫻花，其中櫻之園更係聚集咗430株櫻花樹。遊客於3月下旬至4月下旬期間，就可以欣賞到櫻花滿開嘅壯觀景象，而公園亦因此被選為賞櫻名所100選。鄰近嘅玉川上水則有著壯麗嘅櫻花步道，非常適合於漫天飛花下散步。順帶一提，每年4月上旬公園更會舉行「小金井櫻花祭」㗎！
小金井公園
- 往年賞櫻時節：3月下旬～4月下旬
- 地址：東京都小金井市關野町1-13-1
3. 神奈川縣立恩賜箱根公園
箱根公園獲登錄為「國登錄紀念物」，最推薦遊客於蘆之湖、富士山絕景襯托下賞櫻。此處亦係神奈川景勝50選之一，園內可見到各種櫻花嘅蹤影，而箱根則係其一直至花季末端都能享受賞櫻樂趣嘅景點𠻹！從新宿出發的話，乘搭小田急線約1小時30分鐘，於小田原站落車後再轉乘巴士約55分鐘即可抵達，係唔少人箱根一日遊嘅必去行程。
箱根公園
- 往年賞櫻時節：4月中旬～5月上旬
- 地址：神奈川縣足柄下郡箱根町元箱根171
4. 秩父
埼玉縣秩父地區有著多個景點方便遊客享受賞櫻樂趣。例如長瀞以及美之山公園，就係到5月上旬都能夠觀賞到豐富種類櫻花嘅勝地。入選日本賞櫻名所百選嘅長瀞站看點多多，例有荒川沿岸嘅櫻花隧道，又或通往寶登山神社參道上嘅八重櫻，景色都美不勝收。更重要嘅係從都內出發至秩父無須轉車，只需坐上直達電車，即可於2小時內到達，係一處以交通便利而眾所皆知嘅方便景點。
秩父
- 往年賞櫻時節：4月中旬～5月上旬
- 地址：埼玉縣秩父市、秩父郡長瀞町等
5. 櫻花之里
群馬縣櫻花之里以遍布於妙義山山間嘅奇岩而聞名。廣闊嘅公園境內約有45種、5,000株櫻花紛亂綻放，將公園染得一片粉紅、一片白，與奇岩所形成壯麗對比。由於園區內有著小山坡與溪谷，因此建議穿著輕便易於行走嘅服裝再到訪。
櫻花之里
- 往年賞櫻時節：4月中旬 ～ 5月上旬
- 開放時間：9:00～16:30（賞花季的開放時間：8:30～17:00）
- 地址：群馬縣甘楽郡下仁田町上小坂1258
Comments