喺日本有一個唔係評汽車整體性能而係以車嘅內裝顏色作為主要評核對象，有啲特別嘅「汽車顏色大獎（Auto Color Award）」汽車比賽。由1998年開始，今年係第20屆嘅比賽。最後嘅評審喺12月16日舉行，由獎項開辦以來，電單車係第一次獲得大獎。獲得第一名嘅YAMAHA山葉越野電單車「MT-10/09/07」以灰色車身同鮮艷黃色鋼圈搭配出互相協調嘅組合吸引評審同審查員嘅目光。第二名嘅川崎重工「NinjaH2/H2R」都係越野電單車，投票得到前五名嘅車款如下。
第一名 MT-10/09/07 （YAMAHA山葉電單車）
第二名 NinjaH2/H2R （川崎重工業）
第三名 Lexus LS （豐田汽車）
第四名 N BOX （本田汽車）
5位 Miraisu （DAIHATSU工業）
先進嘅塗層技術加上設計師嘅感性創造出特別嘅色彩
榮獲大獎嘅YAMAHA山葉「MT-10/09/07」嘅色彩主題係「被接受嘅魯莽”Night Flow”」。 用帶著冷色調灰色嘅Blueish Gray Solid 4藍同黃色嘅鋼圈顏色配搭嘅大膽對比令人留下深刻印象。
第二名嘅川崎重工「NinjaH2/H2R」則係用咗顏色設計師堅持嘅金屬質感，以自己公司開發出嚟嘅噴漆機器嚟實現金屬色彩。以第二次世界大戰之中川崎重工開發生產嘅戰鬥機中使用嘅先進輕金屬嘅光澤做為設計理念。
汽車類以沉穩嘅色調得到好評
第三名係豐田嘅高級轎車品牌、凌志最好嘅轎車「LS」。以「匠（Takumi）-Craftman ship」為主題，用咗白、銀、紅三種金屬色。呢啲顏色都係為咗凌志LS新研發出來嘅，色調會因光線角度而有所唔同，俾人感覺到對車嘅情感豐富。第四名嘅本田「N BOX」同第五名嘅DAIHATSU工業「Miraisu（ミライース）」比起凌志LS屬於較平價嘅汽車，佢活潑嘅色調得到高度讚賞。
參賽嘅其中一位設計師表示「喺日本，用顏色來揀車嘅人越嚟越多」。喺今年嘅「汽車顏色大獎（Auto Color Award）」之中，相比起鮮艷大膽嘅色彩, 穩重嘅色彩得到較高嘅評價，依據年代唔同，今後用可愛、鮮豔嘅色彩都有可能會獲得大獎。睇完呢篇文章嘅你又鍾意咩顏色嘅車呢？
Comments