日本每年櫻花前線都會慢慢從南（沖繩縣）往北（北海道）推移。為此，日本北東北地區嘅櫻花正好就會於四月中旬開始綻放，其後再於五月初滿開。因應地區或景點不同，遊客於五月中旬都依然有機會欣賞到遲開櫻花。以下為大家精選出嘅5大東北地區大自然賞櫻地點，就非常適合您慢慢欣賞享受花見樂趣！
1. 弘前公園
弘前公園內嘅弘前城早於1611年就興建而成，櫓、城門等築城時嘅完整姿態直至現時都一一得以保留，且已被認定為重要文化財產。公園內種有52種、大約2,600棵櫻花樹，尤其以晚上點燈嘅櫻花更係一大夢幻特色。生長於二之丸內嘅吉野櫻花據說係日本現存吉野櫻之中最古老山嘅一棵；而除此之外，弘前公園樹齡超過100年以上嘅吉野櫻亦有多達400棵以上，因此大多數專家都會稱讚城內櫻花美景為日本第一。每年4月下旬至5月上旬舉行弘前櫻花祭嘅亦係一大睇頭嚟㗎！
弘前公園
- 往年賞櫻時期：4月下旬～5月上旬
- 點燈期間：賞櫻期間中到日落～22:00（弘前櫻花祭期間）
- 地址：青森縣弘前市下白銀町1
- 門票：成人（高中生以上）320日圓、學生（小・中學生）100日圓（弘前城本丸・北之郭）
2. 北上展勝地公園
北上展勝地公園為「櫻花名勝100選」之一。園內樹齡超過90年嘅染井吉野櫻並木非常少見，茁壯外觀可謂非常震撼。於北上川河畔延伸約兩公里嘅櫻花迴廊上亦種有大約150種、約1萬棵櫻花樹，任何粉嫩花瓣於河旁互相爭妍鬥麗。4月上旬至5月上旬櫻花季期間，鯉魚旗更會於河川高空飛舞，同場亦會增設河上航駛嘅遊覽船以及觀光馬車於滿開櫻花樹並木中穿梭。而入夜後，櫻花並木就會被點燈，由河川倒影打造出嘅極夢幻氛圍實屬不容錯過！
北上展勝地公園
- 往年賞櫻時期：4月中旬～5月上旬
- 點燈期間：賞櫻期間中18:00～21:00
- 地址：岩手縣北上市立花
3. 船岡城址公園
船岡城址公園一帶於櫻花滿開時，會被一大片櫻花色包圍，遊客坐上纜車就可以於櫻花隧道中內回穿梭，又或從山頂以及展望台以殘雪藏王作伴，眺望一目千本櫻嘅精彩美景！
船岡城址公園
- 往年賞櫻時期：4月上旬～4月下旬
- 點燈期間：賞櫻期間中18:30～21:00
- 地址：宮城縣柴田郡柴田町大字船岡字館山95-1
4. 角館
每逢櫻花季節，角館都會被櫻花染成清一色粉紅色。其中162棵被指定為國家天然紀念物嘅市內400棵垂櫻屆時將會一同綻放，由淡粉色櫻花以及武家宅邸街道黑色圍牆，攜手創造出兩者色彩反差美景。
角館
- 往年賞櫻時期：4月中旬～5月上旬
- 點燈期間：賞櫻期間中到日落～22:30
- 地址：秋田縣仙北市角館町表町～東勝樂丁
5. 花見山公園
由栽培林木嘅農家懷著好意對外開放嘅公園以一年四季輪流綻放嘅繁花為主打，因而此處亦有「世外桃源」之稱。上百上千株繚放百花同時爭相綻開嘅盛況，可謂公園最具代表性嘅精華美景。山頭上吾妻連峰與繁花嘅強烈色彩對比亦係必睇景色之一！
花見山公園
- 往年賞櫻時期：4月上旬～4月下旬
- 點燈期間：賞櫻期間中到日落～22:30
- 地址：福島縣福島市渡利
Comments