大家好！ 我係家電用品作家Koyama。從最新嘅數位用品到生活家電，各種各樣嘅家電製品，經過實際測試之後，再介紹俾大家。今次要推薦一個我實際用過嘅家電用品。
令麵包變美味、令人感動嘅烤麵包機
焗麵包機「BALMUDA The Toaster」。就咁睇，係一部充滿設計感嘅焗麵包機，但其實唔只係咁。平時食開嘅普通麵包，只要用呢部焗麵包機焗過之後就會變得好好味，正正就係呢部機器神奇嘅地方。
只要加入5cc嘅水，麵包嘅味道就會改變
普通嘅麵包會變好味? 話雖神奇，其他特別嘅步驟都唔需要。呢個就係呢部焗麵包機同其他機器唔一樣嘅地方。只要係喺焗麵包之前，加入5cc嘅水就OK。
然後選擇模式同設定時間。同一般焗麵包機操作方式一樣。加入「BALMUDA The Toaster」中嘅水會先變成水蒸氣包覆係麵包上。呢啲水蒸氣包裹喺麵包表面，再經過快速烘焗，可以鎖住麵包中嘅水份，呢個就係點解麵包會變得美味嘅原因。
選擇最佳烘焗模式
「BALMUDA The Toaster」有趣嘅地方在於，可以依據唔同種類麵包去選擇適合嘅模式。機器正面嘅旋鈕可以選擇多士、芝士多士、法包或牛角包模式。呢啲模式各有唔同嘅溫度設定，例如：芝士吐司焗到最後，為咗令芝士變得酥脆並帶點焦味，會變成高溫烘焗。相對地，法包則唔可超過160℃。牛角包模式具有可以維持酥脆度又不至於焗燶嘅溫度。
原本就鍾意麵包嘅家庭，應該會非常高興有呢部焗麵包機。小朋友們都搶著將水加入麵包機。另外，都增加咗好多機會可以享受到美味嘅麵包。
新鮮出爐嘅味道上枱
使用「BALMUDA The Toaster」時，特別開心嘅係焗牛角包。通常買牛角包回來嘅時候，想要焗一下令麵包變得更好吃，但都係失敗。唔係焗燶變脆就係麵包嘅內外層黏住咗，係二度烘焗困難高的一種麵包。但是，使用「BALMUDA The Toaster」的話就不會失敗。如同新鮮出爐麵包一般的酥脆又帶有濕潤感，又可以享受到小麥和奶油嘅豐富香氣。多得呢部烤麵包機，我可以成日去屋企附近出名嘅麵包店買牛角包番屋企食。
極品之芝士多士～嘖嘖嘖！真係太好味啦！
接下來要介紹嘅係，BALMUDA公司老闆親自要求安裝嘅芝士多士模式。普通嘅多士模式中再加入最後高溫烘烤嘅設定，以香濃黏稠芝士作為完美嘅成品。亦可混合藍乳酪，或灑上容易上色嘅芝士粉等等，有各種各樣享用多士嘅方法。連一般嘅平價麵包都會變得好好食，而且會好似出名嘅麵包店新鮮出爐一樣嘅口感，呢個就係「BALMUDA The Toaster」魅力所在。喺我屋企，我無法想像無呢部焗麵包機嘅日子。
可以喺自己屋企開個小型麵包店。「BALMUDA The Toaster」就係一個咁嘅烘焗麵包機。
產品概覽
- 「BALMUDA The Toaster」
- 售價：22,900日圓
- 尺寸：W357×D321×H209mm 重量：約4.3kg
- 電源：AC100V
- 電力消耗量：1300W
- 文章及照片：Takahiro Koyama
Comments