關西嘅櫻花大多數喺每年3月20號前後開始開花，之後到3月尾至4月頭就會迎接滿開時期。不過！當中都有到4月下旬仲可以賞櫻嘅私房景點。正如日本流傳著一句「最美嘅花總係最後先開」諺語—自問對大阪、京都、奈良吉野等賞櫻景點已經非常了解嘅各位，以下遲開賞櫻景點，就最適合抓住賞櫻嘅尾巴，趁花季尾聲欣賞最色彩絢麗嘅櫻花之美！
1. 大阪市造幣局 櫻花大道
從大阪市造幣局南門至北門約560米嘅通路兩旁，一共種有134種、350棵櫻花，其中更包含由花花圈成如繡球花般嘅大手毬、紅手毬等稀有品種。每逢賞櫻時期，園區都會開放到夜晚9點，以投射燈照射櫻花樹，為遊客打造賞夜櫻樂趣。要留意，櫻花大道自1883年（明治16年）開始，只會喺每年4月花季期間嘅其中一個星期對外開放！
造幣局 櫻花大道
- 往年櫻花開花時期：4月中旬
- 地址：大阪市北區天滿1-1-79
- 營業時間：10:00～21:00 ※星期六、日則為9:00～21:00（預定）
2. 奈良吉野山
奈良縣吉野山4個地區內，一共種有約200種、多達3萬棵櫻花樹。由於場面遠睇上嚟就好似有成一千棵櫻花樹咁，因此此處亦有「一目千本」嘅美譽。據聞原來當初栽種日本山櫻嘅目的，並唔係為咗賞花，而係作為前往金峯山寺嘅修驗之路、信仰嘅象徵先陸續栽種㗎！
吉野山
- 往年櫻花開花時期：4月中旬～4月下旬
- 地址：奈良縣吉野郡吉野町吉野山
3. 京都市 平野神社
平野神社範圍內約有60多種、400多棵櫻花樹爭妍綻放。花期從3月頭至4月尾不等，除咗染井吉野之外，仲會有多款品種珍貴嘅櫻花陸續開花綻放。要注意嘅係，喺賞花嘅過程中，除咗專門為賞花而搭建嘅茶屋之外，其他地方都係禁止飲食（場內無擺放垃圾桶）！由3月尾到4月20號左右，神社更會實施夜間點燈活動，神社與聯乘夜櫻，又係另一番夢幻風味。
平野神社
- 往年櫻花開花時刻期：3月頭～4月尾
- 地址：京都府京都市北區平野宮本町1
- 營業時間：6:00～17:00（開花時期開放到夜晚9點）
- 夜間燈光：日落～21:00左右（配合開花期間）
4. 京都府立植物園
京都府立植物園園內種有約130品種、共450棵櫻花畀遊客賞櫻。由3月中開花嘅「寒緋櫻」，一直到4月尾開花嘅「菊櫻」為止，花期橫跨足足超過1個月。另外，京都府立植物園側邊亦有一條種滿紅枝垂櫻嘅大道，非常推薦到此散步一遊。
京都府立植物園
- 往年櫻花開花時期：3月中～4月尾
- 地址：京都市左京區下鴨半木町
- 營業時間：9:00～17:00（入園淨係開放到下午4點為止）
- 入園費：一般200日圓，高中生150日圓，中學生以下免費
5. 三千院門跡
三千院門跡（三千院）係最澄大師於西元8世紀建造而成嘅寺院，內裡供奉著作為日本國寶嘅阿彌陀如來像。院內庭園會隨著四季變換，而呈現出各種不同美貌風情。春天時各種櫻花爭姸鬥麗一齊盛放，當中又以奧之院裡面嘅枝垂櫻最為壯麗。此外，院外周邊亦會有各種風情嘅櫻花點綴，場內場外同樣都係賞櫻好去處～
三千院門跡
- 往年櫻花開花時期：4月中～4月尾
- 地址：京都府京都市左京區大原來迎院町540
- 營業時間：8:30～17:30（入園至17:00為止）
- 拜觀費用：大人700日圓、國高中生400日圓、小孩150日圓
Comments