自古以嚟被稱人們為「御伊勢」、「日本人心靈故鄉」嘅伊勢神宮。
伊勢神宮歷史超過2000年，來自日本各地嘅參拜人潮聚集於此，伊勢市作為歷史、文化交流嘅地方，從古以來繁榮發展。
直到現代，日本式嘅待客精神仍持續下去，而且牢牢抓住唔同年齡層嘅心。
——— 繫上帶結，一個唔一樣嘅自己
著咗租嘅和服『帶結』，我就變得同平日有啲唔同。
——— 去伊勢神宮嘅內宮，發現新魅力
由宇治山田站搭巴士到內宮。
喺宇治橋前，
同事前預約好嘅御伊勢觀光導覽員匯合。
御伊勢觀光導覽員資訊：http://ise-machi.co.jp/dmo/
雖然已去過伊勢神宮好多次，想更深入瞭解，但實際上對於神宮嘅知識仍然好貧乏。
甚至連內宮（ないくう）嘅日文唸法，都好容易混淆。
※內宮嘅日語發音無濁音
導覽人員由基本嘅參拜禮儀開始教起，
教導參拜者要經由宇治橋進入神宮境內。
呢個宇治橋嘅鋪板用咗「磨合」方式來建造，一種延展木造船船底嘅技術。
所以，施工上用咗宮大工同埋船大工法。
無用過一粒釘，
係用木頭相互銜接而且無空隙嘅一種技術。
導覽人員帶我嚟到一個可以見哂成座橋嘅地方。
▲ 照片攝影：Nana
咁靚嘅拱型曲線…工藝幾咁精湛啊！
——— 喺伊勢神宮，您知道可以寄放寵物嗎??
穿越神苑，往正宮前進嘅時候，
聽到唔知係邊傳嚟嘅狗吠聲。
咦？伊勢神宮難道無禁止寵物進入嗎??
一問之下，才知道神宮境內確實唔可以攜帶寵物。
因此，內宮・外宮入口處嘅「衛士見張所」，
有寵物託管服務。
而且係免費嘅。
——— 從五十鈴川入面鞠起一瓢水，呢個係參拜前嘅習慣
參拜之前，淨化身心嘅係五十鈴川御手洗場。
呢個係當地人流傳落嚟嘅「八朔汲水」習俗。
▲河水潺潺，陽光映射水面，波光粼粼。
八朔（8/1）嘅朝早，
用樽裝起河水，參加內宮區域嘅瀑布祭神儀式。
將呢支水放喺自己屋企嘅神壇上供奉，
係祈求未來一年身體健康同埋闔家平安嘅信仰習俗。
喺濃郁綠蔭嘅環抱入面，閉上雙眼，
聆聽風吹樹葉嘅颯颯聲同埋小鳥嘅吱吱聲。
啊！覺得全身都被淨化。
▲照片攝影：Nana
——— 伊勢神宮唔只係一個祈願嘅地方，亦係向神明表達感謝嘅地方
伊勢神宮嘅正式名稱為「神宮」，
以供奉天照大御神嘅內宮，同埋供奉豐受大御神嘅外宮為主，
成個神宮範圍加起嚟總共有125座神社、140尊神明。
喺內宮同外宮嘅正宮入面，
供奉住神明和平、溫和一面嘅和魂，除咗可以許下個人願望之外，亦係向神明表達感謝嘅地方。
▲允許影相嘅範圍只到正宮前方嘅樓梯前為止。
如果想要許下個人願望，
據說第一別宮「荒祭宮」，同埋外宮「多賀宮」都唔錯。
另外，亦都有供奉神明活潑、好鬥一面嘅荒魂，遇到緊急情況嘅時候，似乎可以展現祂嘅力量。
――― 正宮嘅棟持柱，循環再用於鳥居上
式年遷宮之後，內宮同外宮正殿棟持柱，拆解下來後循環再用，用咗喺宇治橋兩端嘅大鳥居。
雖然無法畀大家睇到正宮嘅入面，
但佢嘅規模大約係呢個御稻御倉嘅五倍大細。
▲ 前方中間嘅係棟持柱，將屋頂整個支撐起嚟。
以前唔知道，但原來伊勢神宮原來有每二十年一次嘅遷宮循環。
ーーー 導覽人員陪同參拜大約2個小時
喺導覽員嘅陪同同埋解說之下完成參拜，
對於神宮的魅力有咗更深度嘅認識，度過咗一段好充實嘅時間。
雖然已經嚟過神宮好多次，但今次我覺得重拾初心，就好似第一次嚟咁。
▲ 最後，向宇治橋走過去，摸摸左側第二顆嘅擬寶珠。裡面放咗神社裡供奉嘅萬度麻。
——— 招財貓・貓・貓。去御蔭橫丁
跟導覽人員分開後，就去咗熱鬧嘅御蔭橫丁。
自從日本人將伊勢神宮參拜當作一生一定要實現一次嘅夢想開始，伊勢就持續迎接來自各地嚟嘅參拜者。
喺御蔭橫丁嘅熱鬧繁榮入面，可以感受到日本式嘅待客精神。
▲御蔭橫丁裡到處充滿咗招財貓作者所創作嘅商店貓。周圍行吓搵呢啲貓都好有樂趣。
ーーー 晚上嘅外宮參訪。神明食嘅神饌係自給自足。
日落斜影時分，
再度同御伊勢觀光導覽員會合，前往外宮參訪。
御伊勢觀光導覽員相關資訊：http://ise-machi.co.jp/dmo/
▲照片攝影：Nana
遵循神社參拜禮儀，用冷水洗手並漱口。
▲照片攝影：Nana
豐受大神宮（外宮）嘅神明，
作為食物之神，亦被當作衣食住、產業之神嚟崇拜。
神明嘅神饌係每日早晚兩次。
喺神明廚房—忌火屋殿裡製作。
煮飯時需要嘅火種，
直到而家都仲係用緊古代嘅鑽木取火方式。
神饌內容為：
御飯、鰹節、魚、海草、蔬菜、水果、鹽、水，以及規定嘅酒三獻之禮。由鹽、食材、餐具到和服，全部都係自給自足，令人非常驚訝。
神饌會喺外宮嘅御饌殿中擺設出嚟，
每日早晚向神明侍奉神饌呢個儀式，由1500年前就開始了。
實在太厲害喇。
ーーー 神域。沙沙作響咁喺碎石路上行走
砂石真係好不可思議。
日本從古以嚟，就有喺神聖地方鋪上漂亮石頭嘅習慣。
▲川原祓所
沙沙作響咁踩喺純淨嘅砂子上。
▲感覺樹幹嘅溫暖同波動。
淨化身心，
整理即將邁向神前嘅心情。
▲龜石
▲ 搵到愛心形狀嘅石頭。祈求良緣。
ーーー 前往外宮嘅正殿。傳達日常感謝。
供奉豐受大神和魂嘅正殿，
充滿莊嚴靜寂。
喺正殿可以感受到日本和風美學嘅原點，一個充滿原始藝術感嘅空間。
當我心平氣和咁將雙眼閉上時，感覺靈魂頓時安定落嚟。
感受神宮嘅自然本質、融入神聖嘅空氣之中。
身體健康、擁有屋企人同朋友、衣食住無虞、有工作、心靈幸福快樂。
呢一切都唔係理所當然嘅，所以更加要珍惜。
我感謝每日可以平平安安過日子。
整理一下思緒，
再一次覺得呢一刻好滿足。
▲完成參拜嘅朋友。臉上有帶住愉快嘅表情嗎??
今次嘅伊勢神宮（外宮、內宮）之旅，
有御伊勢觀光導覽員嘅陪同同埋帶領。
原本直到而家，我對伊勢神宮相關知識都唔係好熟，
但喺御伊勢觀光導覽員嘅帶領之下，
一邊參訪伊勢神宮，一邊學到咗好多知識，
度過咗非常有意義嘅一日。
喺未來嘅人生道路中，
一定會謹記伊勢神宮為我地帶來嘅啟示。
御伊勢觀光導覽員相關資訊請見此：http://ise-machi.co.jp/dmo/
________________________________________
御伊勢觀光導覽員相關資訊
伊勢城市規劃株式會社（伊勢まちづくり株式会社）
官方網站：http://ise-machi.co.jp/dmo/
地址：〒516-0037 三重縣伊勢市岩淵1丁目7-17
電話洽詢
美麗的國家觀光旅遊站 御伊勢觀光導覽接洽
TEL：0596-24-3501
作者：FUKUDA MIKI
OTONAMIE副代表。OTONA MASTER。
職業為東京某企業的社長秘書兼辦公室工作中心主管。
數年前開始在職進修，再次回到學校。2014年隨著先生從東京搬家到三重縣桑名市。
雖然一開始很捨不得搬家，但不久後開始對全新的環境充滿好奇心。
因為是從外地搬來的立場，反而更能感受到這片土地的魅力並且深深為之著迷。
OTONAMIE http://otonamie.jp/
*該網站有Google網頁翻譯功能
Comments