「LEGO樂園・日本」（通稱為LEGO樂園），係擁有全球知名度、以「LEGO(樂高)」為主嘅主題遊樂園。對於從小就默默鍾意玩LEGO嘅我嚟講，充滿LEGO嘅「LEGO樂園」係個好夢幻嘅地方。咁樣嘅「LEGO樂園」終於登陸日本喇。
等我哋實際去「LEGO樂園」睇吓先！
搭火車去「LEGO樂園」嘅話，必需經過名古屋。再喺名古屋站搭「西名古屋港線」，喺終點嘅「金城埠頭站」落車。
「金城埠頭站」落車，行大約5分鐘就到LEGO樂園！
等我哋實際入去睇吓先。
「觀測塔」係樂園入面最高嘅建築物。如果去到上面就可以望唒成個LEGO樂園㗎！
可以睇到成個LEGO樂園嘅樣貌呀！！！（LEGO樂園唔理點睇都係咁色彩繽紛㗎喎）
我想喺呢度逗留至少3個鐘嘅「MINILAND」！
終於嚟到我一直都好想去嘅「MINILAND」喇！！！
呢個睇起嚟好似澀谷嘅十字路口……
呢啲居然全部都係用LEGO造㗎！！！
係咪好厲害先？？？（而且，每個人物嘅動作同服裝都唔同添呀！！！）
既然有呢個機會，對於仲未嚟過LEGO樂園嘅人，我想為佢哋介紹入面各式各樣嘅街區！
請帶著一個去日本全國各地旅行嘅心情嚟享受啦！！！
首先係台場！
接落嚟係東京車站！
淺草被夾响中間……
首都高速公路！！！
搭新幹線去名古屋城！
呢個就係名古屋巨蛋喇！
如果喺另外一面睇嘅話……
比賽緊呀！！！而且每個人似乎都有唔同嘅服裝同表情！！！！！
大阪！心齋橋！固力果（glico）！
道頓堀川！水面比實際嘅物體更靚！
京都！觀光客好似多咗啲咁喎！
姬路城！一如既往咁純白！
札幌！正值雪祭活動中！
新神戶站！呢個係終點站！
我就略略介紹咗一下喇，係唔係好厲害呢？？？？？？（雖然仲有好多其他地方，但我無辦法全部逐一介紹啦）
製作呢個「MINILAND」到底花咗幾長嘅時間呢。由世界各地嘅LEGO專家”LEGO builder”，花咗大約2年嘅時間嚟製作。”LEGO builder”聽落好型啊…。
順帶一提，平日嘅話參觀嘅人潮較少，所以可以悠閒咁慢慢睇呀！！！
好! 去玩吓啲遊樂設施先!
首先，去“Pirate Shore”呢區睇睇……
喺呢個叫做“Pirate Shore”嘅遊樂設施入面，可以用船上面裝嘅水槍，瞄準其他船上嘅乘客同遊樂設施周圍嘅人呀、寶箱等等嚟玩射擊。
※因為會噴水整溼衫，對於絕對唔想整溼嘅人嚟講，都係唔好接近比較好。
而隔離嘅“Knight's Kingdom”區……
呢度有大家都鍾意嘅過山車“The Dragon“！（雖然佢睇落係細細哋，但其實都幾刺激㗎）
接落嚟，最受歡迎嘅遊樂設施係……
呢個喺“Adventure”區嘅“Submarine Adventure”！
喺呢度我哋坐上一艘專用潛水艇，可以睇到80種、約2000條魚喺水族箱入面游！（當然係真嘅魚嚟啦！）
簡單啲嚟講，就係「水族館 X LEGO」！
「LEGO樂園」係可以從體驗之中學習嘅遊樂設施…？
例如呢個“Driving School”遊樂設施，模擬汽車駕駛訓練班嘅課程，透過實際操作LEGO車嚟體驗駕駛過程。呢個設施嘅使用對象係6歲到13歲兒童，大人就無得坐嘅。
呢類針對小朋友而設計嘅遊樂設施，LEGO樂園入面仲有好多呀。
另外，喺呢個“LEGO Creative Workshop”入面, 進行緊LEGO模型製作嘅學習工作坊。
課程對象係小學一到六年級學生。因為需要預約，有興趣嘅人，開園之後要盡快去預約呀！
最推薦嘅係呢個”LEGO Factory Tour”。可以參觀LEGO積木嘅製造過程㗎！
參加呢個”LEGO Factory Tour”，唔單止可以睇到LEGO積木製作過程嘅現場，仲可以了解到LEGO嘅歷史。
呢度無論係小朋友定大人都適合嚟參觀㗎！
「LEGO樂園」出乎意料之外嘅玩法
首先，喺樂園入面有數唔清嘅影相位。請大家一定要試吓去搵吓！
LEGO樂園入面，有好多可以喺IG上呃到好多LIKE嘅影相景點㗎！
「LEGO樂園係會令到手機無唒電嘅地方嚟㗎？」實在有太多令人想影相嘅地方啦。
“Palace Cinema”嘅前方就係被狗仔隊包圍嘅瑪麗蓮夢露……
嚟同備受女性愛戴嘅”LEGO Friends”成員們一齊影張相啦……
比想像中仲要巨大啊。
巨大嘅獅身人面像突然出現喺我眼前，唔覺意就講咗「好大喔」嘅心聲出嚟添。喺樂園入面，用LEGO積木造成嘅建築物數量非常之多！
以上呢篇就係為你介紹嘅LEGO樂園玩法。大家覺得點呢？
實際去咗一次之後發現，LEGO樂園係由始至終都企喺小朋友嘅角度嚟思考嘅一座樂園。
遊樂設施可以自己操作，亦可以喺好似“Robotic Play Centre”嘅設施入面學到嘢。如果喺細個嗰陣有機會被屋企人帶到呢度玩，我諗我一定會好感動喇。
Comments