今次, 日本當地作家介紹推薦嘅景點係愛知縣犬山市。由名古屋坐電車約25分鐘就到㗎喇, 又唔使轉車, 係一個交通方便可以好輕鬆咁去到嘅觀光景點。
犬山城嘅下町老街
呢次要介紹嘅係由名鐵「犬山站」行路就可以到達嘅犬山城老街周邊嘅景點。
就好似漫步喺京都或者係金澤嘅下町老街咁, 可以一整日享受日式老街各個景點嘅傳統風情㗎!
國寶犬山城
嚟到犬山觀光就梗係唔可以錯過「國寶 犬山城」啦!
由名鐵「犬山遊園站」行約15分鐘就到。一般入場費係550日圓。
犬山城建於室町時代, 佢嘅天守閣嘅樣式, 係日本現存之中最古老嘅樣式嚟㗎。
登上天守閣之後放眼一望, 就睇到由犬山市嘅街道, 延伸到木曾川另一岸嘅岐阜縣嘅景色。仲要春天睇到成排櫻花, 秋天就係紅葉, 唔同時節上去就欣賞到四季變換唔同嘅景色喇。
國寶犬山城
- 開放時間：9:00～17:00（最後入場為16:30）
- 休息日：12/29～12/31
- 地址：愛知縣犬山市犬山北古券65-2
- 電話：0568-61-1711（犬山城管理事務所）
- 官方網站：http://inuyama-castle.jp
三光稻荷神社
由名鐵「犬山遊園站」行約12分鐘, 就到國寶犬山城山腳下嘅「三光稻荷神社」。
呢個係各位嚟到國寶犬山城嘅遊客都必定會順便去埋嘅神社。
當中可愛粉色嘅心型繪馬喺女性之中相當有人氣啊!
三光稻荷神社
- 地址：愛知縣犬山市犬山北古券41-1
- 電話：0568-61-0702
- 官方網站：https://inuyama.gr.jp/sanko-s.html
針綱神社
「針綱神社」就喺犬山城附近, 係犬山城主成瀨氏代代相傳沿用嘅祈願所。
由江戶時代流傳至今, 被列為國家指定無形民俗文化財嘅「犬山祭」, 就係喺針綱神社舉辦嘅車山祭典。
照片提供：犬山市觀光協會Haritsuna Shrine
針綱神社
- 地址：愛知縣犬山市犬山北古券65-1
- 電話：0568-61-0180
- 官方網站：https://www.haritsunajinja.com
1300年嘅傳統漁法，木曾川漁鷹捕魚
由犬山城下町老街行少少路就可以到「木曾川漁鷹捕魚」。
你有無見過咁罕見嘅漁鷹捕魚呀?
漁鷹捕魚就係運用訓練有素嘅漁鷹, 捕捉河中香魚等魚嘅捕漁方式。
而家嘅「木曾川漁鷹捕魚」嘅特別之處就係可以喺相當近嘅地方近距離觀看！
「木曾川漁鷹捕魚」有夜間觀賞船同午間觀賞船2種，仲有附船上用餐嘅package行程。呢次預約參加嘅係賞漁鷹捕魚附加船上用餐行程，價格為一位成人4500日圓（旺季4800日圓）。
照片提供：犬山市觀光協會
木曾川漁鷹捕魚
- 營業時期：6月～10月
- 地址：愛知縣犬山市犬山北白山平2番地先
- 電話：0568-61-2727
- 官方網站：http://kisogawa-ukai.jp
寅屋
- 官方網站：http://www.one-da.com/toraya/profile.html
犬山名物拳頭糖
講到犬山名物嘅話, 零食類嘅話就係「拳頭糖」喇。
拳頭糖，係古時武士做為作戰時响戰場上食嘅食物。
含豐富礦物質嘅黑砂糖同香氣四溢嘅黃豆粉，味道單純簡單但令人欲罷不能嘅拳頭糖，而家犬山市只有幾個地方有製作。呢次去咗嘅係「藤澤製菓」。
結束犬山旅程返歸途中，買啲含豐富礦物質嘅拳頭糖，作為手信帶返去都幾好吖!
藤澤製菓
- 營業時間：8:30～18:00
- 休息日：不定休
- 地址：愛知縣犬山市犬山東古券161
- 電話：0568-61-0336
- 官方網站：http://fujisawa-genkotu.com
「慢遊」犬山，入住民宿享渡悠閒時光
無論係國寶犬山城嘅夜間點燈，定係木曾川夜間漁鷹捕漁等等，犬山夜間觀光都相當精采，有好多值得觀光嘅景點。唔只一日遊，還可以沿續到夜晚嘅觀光景點正正就係犬山觀光嘅魅力所在！留宿犬山體驗愛知縣嘅私房景點！
身為旅遊愛好者嘅我，而家就等我介紹一下民宿先！
犬山民宿「犬山小旅館」
由犬山站行15分鐘左右，就到「犬山小旅館」。
附日式緣廊嘅日式房型，住1晚4,500日圓起。而雙層床房型的話，住宿1晚3,000日圓起。
聚集來自海外旅客及同日本國內回頭客嘅「犬山小旅館」，係一間熱鬧又幾出名嘅民宿。
犬山小旅館
- 地址：愛知縣犬山市犬山西馬場先4-6
- 官方網址：https://www.kodinmari2016.com
犬山民宿KAWACHI。
由犬山站步行7分鐘嘅距離，「犬山民宿KAWACHI」就位於犬山城下町老街附近。
犬山民宿KAWACHI提供和室男女分開嘅宿舍房，住宿一晚3,000日圓，再入住或者連續入住嘅旅客可以有房費5% discount。
前身係壽司店所改建而成，二樓係公共空間同住宿房間，最內側有重新裝修過、全新嘅洗手盤同洗手間。
犬山民宿KAWACHI
- 地址：愛知縣犬山市大字犬山字東古券 423-7
- 官方網址：http://kawati.crayonsite.net
犬山嘅觀光景點唔只有古色古香嘅好地方，仲有流行又別具風格、稀有罕見嘅景點，有唒雙重風貌。另外，四季變換嘅自然美景，春天賞櫻花、秋天賞紅葉，1年之中可以去幾次欣賞唔同風光都得。如有機會去愛知縣旅行時，請一定要去距離名古屋好近嘅犬山去睇吓喇！
Comments